ملف: الأجهزة المنزلية الخاصة بالتنظيف فقط ضعي سؤالك هنا ؟؟؟

اولا بالنسبه للغساله الاتومتك
الحقيقه انا شريتها قبل 3 سنوات والله يجزاه خير الي اخترعها الحقيقه تسهل جدا الغسيل
وانا شريت الي تفتح من فوق من سامسونج 6 كيلو وسعرها جدا رائع شريتها ب 800 ريال والحقيقه هي مريحه وانا اشوف انها احسن بكثير من الي تفتح من الامام
الي تفتح من الامام جربتها ما عرفت لها اذا بدت تغسل مستحيل توقفينها يعني اذا انتي مستعجله مشكله وبالنسبه للنظافه ان اشوف انها عادي مثل الغساله العاديه ويمكن احسن

اكثر مشكله كانت متعبتني في شغل البيت الكوي (( والسبب اني ما احب الكوي ابدا ولا شاطره فيه ابدا دائما الكوي عندي مشكله وتلقين الكوي دائما يتجمع عندي ازمة حياتي اذا طرت اكوي ما تتخيلون وش كثر اكره الكوي رغم اني ما اكوي الا لبس الطلعه والضوري بعد
قلت اجرب اشتري الكوايه الكبس بالبخار يمكن احسن
وفعلا انا من شهرين والحمد الله شريتها ب 500 ريال والحقيقه هي بالنسبه لي اغلى قطعه في البيت سهلت علي الكوي جدا صرت استمتع بالكوي وصرت اكوي كل شي اي شي ما تتخيلون كيف .... وبسرعه الكوي يخلص ما ياخذ وقت والحمد الله

بس هذا الي عندي
بس حابه اسئل عن غساله المواعين فعلا هي زينه وعمليه او لا لاني اشوف كثير ما يمدحونها ما احد شجعني لي يقول مشكلتها ما تغسل القطع الكبيره مثل الصحون و القدور ولي يقول مره تطول ما ادري ياليت الي عنده يقول رايه بصراحه يمكن ربي ييسر واشتريها اذا كانت عمليه
وياليت الي عنده اجهزه مسهله عليه الشغل ومساعدتها تعلمنا وشكرا

الله يخليكن الموضوع باين من عنوانه ابي اشتري مكنسة للسيراميك والسجاد مع بعض ولاكن مااعرف ايش الزين سمعت من وحده اتقول انه في مكنسه تصبين فيها مويه وتنظف السجاد والسيراميك ولكن

قلت بسالكن يلي عندها مكنسه للسيراميك والسجاد تعطيني ايش اسمها وماركتها وكم سعرها واذا ممكن صورتها واذا فيها سلبيات او ايجابيات قوليها قبل مااشتريها لانه طرحت الموضوع على ابو الشباب و***** الله يشتريها


بارك الله فيكن ودمتن بالف خير وبركه وصياما مقبولا ***** الله