^
^
^
^
^
^
السلام عليكم ورجمه الله وبركاته
مبــــــــــارك عليكم الشهر ولو انه جاء متاخر
بنات اكيد كلكم قريتو الموضوع واناراح ادخل الموضوع على طول واسمعو السالفه انا يابنات الله يسلمكم ويوفقنى ويوفقكم يارب امس مريت بحاله مايعلم بها الا الله سبحانه:44: والله العظيم يابنات حسيت لو ان الارض انشقت وبلعتنى او انى مت ولا سمعت الكلام الجارح :icon33::icon33:تخيلو يابنات امس مرة اخوى جرحتنى بكلام وشتمتنى تخيلو والله يابنات من شدة القهر ماادرى ايش اسوى تخيلو امس واحنا على الفطور كانت تنطل كلام وتستهزئ بى وانا والله العظيم ساكته احترام لاأمى واخوى لدرجه من وقاحتها لما قال لى ولدها الصغير عبود عمتى عطينى عصير انا جت وعطيته عادى تخيلو الصدمه الكبيرة قالت ايش قالتت عبود ماما تعال هنا بسم الله عليك لاتجلس جمب عمتك لاتصير بعدين اذا كبرت عانس ياماما الولد مايدرى ايش السالفه وسكت هناهى ضحكه وكمان مرة اخوى الثانى جلست تضحك وربى هنا يابنات حسيت بقهر والله العظيم انى بكيت:icon33::icon33: غصب عنى من شدة الاستهزاء وعلى طول قمت واصلى صلاة المغرب ولما خلصنا مصلين جلسو حريم اخوانى يعلقون على البنت اذا عنست عند اهلها وماتزوجت وجلست فى بيت اهلها تكون ((خــــــــــادمه خــــــــــــادمه ))بيت اهلها هنا ايش رايكم بالكلام هاذا بجد مو يحز فى خاطرك وتكرهين الدنيا وودك انك تموتين الفين مرة ولا يجى احد و يذلك لدرجه انو مرة اخوى ام عبود الى قلتها لكم ايش تقول لى تقول انو اخوى يقول لها تدرين ان اختى ماعمرها جوها خطاب وحتى وهى فى هاذا العمر ماجوها خطاب هنا طيب ايش دخله اخوى هو ومرته علشان يتكلمون عنى بس حسبنا الله ونعم الوكيل الف مرة وقالت ايش ان اختها راح تعرس فى شهر 10 فى ايام العيد ولا وتضحك وتقول انا اختى ياخالتى راح تعرس فى 10 /10 وهيا تنزل يدها فوق لتحت وهى تاشر على والله يابنات ماادرى ايش اسوى من شدة القهر والله انى من امس الى اليوم وانا ابكى:icon33: من حركه مرة اخوى وحتى اخوى قاهرنى :mad:معها ايش قال ايه والله يايمه ان فلانه اخت مرتى راح تعرس واختى لا ليش يايمه هاذا كبرها ماجاها احد عسي مو هى راح تجلس بكرة على كبودنا وهنا صرخت مرة اخوى بقوة البجحه والوقحه ايش قالت لا انا بكرة اذا ماتو اهلك بسم الله على اهلى ***** الله يطول بعمرهم يارب ماراح اخذ اختك عندى عارف انااحب اخذ حريتى فى بيتى وبعدين الااذا انت قصدك تكون مثل المربيه لاولادى واولاد اولادى هنا انا يابنات انا وامى بكينا بقوة :icon33::icon33:بجد وايش قال اخوى لا يمه ليش تصيحين هاذا الجد البنت معنسه عندكم هاذا عمرها 24 سنه ولابعد طقو الباب الخطاب وطلبو يدها وبعدين هنا قالت مرة اخوى اقول خاله انثرو فوقها ملح لاتقطن بس حسبي الله ونعم الوكيل عليهم يارب الله يشغلهم فى انفسهم الى دايم منشغلين فينى
والله ماادري ايش اسوى يابنات مالى احد افضفض عليه همى الا انتم والله وحتى انى اشتركت هنا علشان اكتب لكم مشكلتى واعذرونى اذا كان كلامى مو منسق او مو مواضح .................
بس امـــــــــــــــــانــه بنات انكم تدعون لى ليل ونهار حتى امهاتكم وجداتكم ان الله يرزقنى الزوج الصالح التقى المؤمن بربه ويخاف الله عاجلا غير اجل ياحي ياقيوم ياارحم الراحمين يارب((( بنات ترا الدعوة فى ظهر الغيب لاخيك صدقه )) تكفون ادعولى و***** الله ان الله يرزقنى الزوج واخواتى المسلمات الى ماتزوجو لحد الان
الموضوع مغلق