@@@ لكـــــــــــــل من بالنفــــــاس ** تعالوا نتبادل الفوائـــــــــــــد ** @@@

السؤال للبكريات؟؟؟احنا خلاص راحت علينا:(المهم اهو بوادي وحنا بوادي آآآآآآآآآآآآآآخرعالم الازعااااااااااج

مادام خلصتي 40 لازم تصومي ولو مستمره الافرازات انتبهي لاتفطرين مايجووووووووووووووز

هههههههههههههههه

هلا فيك
وعقبال الولاده السهله

وعليكم السلام ورحمة الله..
كلنا بخير ولله الحمد وماشاء الله عليك انتي وبنوتتك الله لايضركم بشر يارب ..

والحمدلله انك استفدتي من القشر واستمري عليها لاتوقفين وتصيرين مهمله زينا شهر وبطلنا

بس اتا بديت حاليا بحل فتاك للكرشه :42:
خلال كم يومين يبان اذا ظهرت نتيجة فعليه بدينا سوا حمله ضد الكرشه ..بس خلوني اجرب
مااحب اقولكم شي ماسويته عشان لااستآآثم في احد .. كل مانعطيكم من تجارب شخصيه

كلامك صحيح القيصري تطهر بدري وبعد 15 يوم احيانا مو مثل الطبيعي لانك متنظفه مضبوط
بس اريح لك من رأيي تخلين نظامك مع اخت النفاس الي هي الدوره لاتلخبطين على نفسك الحين
وانتي ماشيه مضبوط .. استمري على كذا واول ماتطهرين شيلي من القشر كل شي
خليها بس قشر وشمر وزنجبيل بس ..

بالنسبه لمقادير القشر ملعقه كبيره حقت الاكل اذا ترمسك كبير بس اذا مثل حق القهوه صغير
مقاديرك مضبوطه

ودام الله جابك .. وش الحليب اللي تستخدمين لبنتك .. حليب ولدي اللهم لك الحمد ماشي معه ووزنه
ماشي تمام .. بس نفسي بشي يتفخه اذكر قلتي عن حليب كويس وراح تستخدمينه لبنتك
وش هو؟؟؟؟؟؟؟؟؟ مع العلم اني ارضع طبيعي بس ببالي اذا كمل 3 شهور انشف صدري واخليه عالصناعي
لاني احس هرموناتي مره ملخبطه مع الرضاعه بالصناعي والطبيعي ولازم اسوي مانع مضبوط
وتعرفين المانع لي العزل عشان القلب عندي وهذا يحتاج ضبط بالدوره والهرمونات



الشكر لله عزيزتي .. ماابي منك الا دعوه بظهر الغيب اذا استفدتي ادعي لي بالبنت الصالحه :)

بالنسبه للنظام انا والعياذ بالله من كلمة انا مااحب ولااداني ولااطيق الحلبه عشان كذا شايلتها من قاموسي للأبد
وعشان كذا البنات مو مقتنعات من كلامي الا اللي تأذو منها مثلي ..الكل ماخذ فكره ان الحلبه تشد الظهر ومدري ايش والحقيقه انها مدره للحليب والطمث وفاتحه للشهيه اولا واخرا<< ونقول ليه نسمن بالنفاس

والي لعلاج الظهر هي حلبة الخيل وليس الحلبه الصفراء ..وراح اعطيكم روابط لمواقع خاصه بدراسات الاعشاب

بس زي ماقلت لك اللي اوله شرط اخره نور نفذيه بحذافيره .. وحاولي ماتهملين يوم مااشتهيت والا يوم نسيت
استحملي بس عشرين يوم الاولى هي الزبده ...:) اتفقنا ؟؟

على الريق يومياً لمدة 22 يوم عالاقل او عشرين يوم :

1ملعقه كبيره عسل اصلي ( لازم اصلي ) + ملعقه كبيره رشاد + ملعقه صغيره مسح حبه سوداء + ماش مدقوق جرش مو مطحون ( ولو تحبين تخلطين الثلاث مع بعض بدون العسل .. وكل يوم تاخذين منهم ملعقه ومن
العسل ملعقه وتاكلينها ..

بعدها حليب حاار بالزنجبيل اذا تبين طريقه ترغبك فيه مره ..حطي بالخلاط الكاس مويه مغليه مع السكر والحليب النيدو وشوي زنجبيل مطحون وخليه يخلط .. ثم صبيه بكاس يطلع كأنه كابتشينو ماتملين من طعمه ابد
واشربي كوب او كوبين الي تبين المهم تاخذين حليب ..

الفطور :

بعدها بساعه او نص حسب شهوتك .. افطري اللي يعجبك ..

الغداء :

احرصي على اللحمه ومرقتها اول عشرة ايام ويكون معها فلفل اسود ... وقرصان لو تحبين
بعد العشر ايام تغدي اللي تبين بس ابعدي عن المقليات ..

العشاء :

بوفيه مفتوح كلي اللي تبينه .. بس احرصي عالاكل الي يفيدك لو بالعشاء كبسه وسلطه ومرق
كلي السلطه والمرق مع الخبز قللي من الكبسه تتفخك وبس لاتمنعين نفسك بس لاتكثرين
وابعدي عن اكل المطاعم بعد ..

ممنوع الجوووووووووووووووووووووووووع منعاً باتاً ... بين الوجبات لو جعتي خذي اي شي وكليه
لو خبزة توست بالجبنه ..خبز طحينيه .. عصير طازه .. فواكه .. اي شي اي شي

الشـــــــــرب /

سوي يوميا ترمس .. حطي فيه ملعقه من كل من مع مويه مغليه : قشر قهوه محموس ومطحون + كمون مطحون + زنجبيل مطحون + قرفه مطحونه + فلفل اسود مطحون + شمر مو مطحون

حطي الترمس عندك واشربي منه طول اليوم اذا خلصتيه فأنتي اشطر وحده .. ولو اخذتي باليوم كوب برضو مو مشكله اهم شي يوميا ..
هذا الشاهي من تولدين لليوم السابع يطيح من كرشتك ثلاث ارباعها بدون مبالغه ..
واستمري عليها لحد ماتطهرين اذاطهرتي .. وكنتي سمينه وحابه تنحفين خليها بس قشر وزنجبيل وشمر بس


طبعا تبتعدين عن الملوخيه والليمون والحوامض والاشياء اللزحه مثل الباميا والملوخيه وغيره

اذا بيتكم سيراميك احرصي على لبس الجوارب بالرجلين يوميا .. ولاتعرضينها للبلاط .. او برد

اشتري من الصيدليه حبوب سيكال ( كالسيوم ) وكلي يوميا حبه .. طبعا بأذن الله مع الماش
راح يروح الم ظهرك بلا عوده .. >> من تجربه

وابعدي عن الايسكريمات والبارد والمشروبات الغازيه لمصلحتك تجنبيها مع اننا بحر الصيف ونبيها بس الشكوى لله .. عشان اعقد فيك العزيمه انااموت فيها بس من ولدت للحين ماشربتها ونسيتها الحمدلله


بعد اليوم 22 ..:

خذي كسرة حلتيته اعبطيها بتمره اذا هي لينه . . واذا ناشفه دقيها ونعميها وكليها مع عصير او مويه او شي .. اذا قدرتي يومين او 3 بس .. كل يوم مره وحده ومو شرط عالريق اي وقت تبين

اذا طاحت خيوطك و خف البني الفاتح وتحول لافرازات صفراء لزجه كأنها زلال بيض اشتري من الصيدليه تحاميل اسمهاالبوثايل ,, وحطيها يوم ورا يوم مو شرط كل الست تحاميل
حسب حاجنك وان شاء الله 3 تكفي وتأدي الغرض


وبس :) ... هاه صعبه ؟؟؟؟
واذا ولدتي بالسلامه ان شاء الله وكملتي 10 ايام .. ابدأي حطي اشياء تفتح جسمك وترجعه زي ماكان
الا التشققات مالها حل ترى ..

بالنسبه لجسمك انصحك بهالخلطه جداً جداً روووووووووووووووووووعه في حقها قليله .. بس استمري ولاتوقفين

http://forum.hawaaworld.com/showthread.php?t=987890&highlight=%D5%C7%C8%E6%E4+%C7%E1%E6%D2%ED%D1

وبالنسبه لوجهك ... انا حاليا طحت لي على كنز ومحدش سما علي .. وهو كريم اولي بالتوت البري لتفتيح البشره ..سعره 28 ريال ... طبعا جسمي صافي ومفتح ولله الحمد بس مشكلتي رقبتي صفت شوي بس باقي بقايا واضحه
ومع هالكريم النتيجه فتاكه بصراحه .. احطه يوميا كأنه اساس مكياج واحط عليه البودره يطلع كأني حطيت مكياج
اغسل بشرتي كل يوم بصابونه الحليب ,, الي معها الملح البقري ..

وان شاء الله بتطلعين احلى عرووووسه بعد الاربعين

قبل انام احط كريم غارنييه للتفتيح من الصيدليه بـ 16 ريال

صباح الليرات ... نور الملف ياختي مابغيتي تطلين علينا
الله يسلمك ويرضى عليك والحمدلله اللي نولك ربي ماتمنيتي
وابد مو طمعانه الا بدعوه صادقه بظهر الغيب

الله يسعدك يااميره ويوفقك تستاهلين كل خير ياقلبي


طيب شوفي حبيبتي .. دام الدعوه الم ومستمر معناه اخت نفاس وعلى حسابك من ولدتي لليوم تكون بعد عشر ايام من الطهاره تنزل .. بس انها كانت دم خفيف وثم صار كثيف هذا من الهرمونات عزيزتي لها دور ترى
وانصحك تاخذين عسل اصلي ورشاد حاليا تلاحقي نفسك قبل نخف وتطهرين .. او الافضل
عالريق : 7 تمرات بدون نوى مع قطعة زبده صغيره وملعقه كبيره رشاد عالنار اذا صارت مثل العجين
كليها وهي حاره .. ووراها نص كاس مويه مغليه فيه : ملعقه صغيره من ( فلفل اسود + زنجبيل + قرنفل) كلهم مطحونه ..
ولو ماعجبتك بامكانك تشربين معها قهوه العاديه بس بدون هيل .. وبرأيي الاولى اطعم من القهوه لحالها..

واربطي بطنك بعد .. الشي اللي ماتلاحقتي نفسك فيه بنفاسك يمديك الحين تسوينه .. ينفع

واخر يوم بالدوره حطي تحميله من البوثايل ولاتنسين تلبسين فوطه صحيه او حبذا لو تحطين مسك اسود حق الطهاره

برضو سوي الشاهي حق قشر القهوه شوفيه بالرد الي فوق .. وان شاء الله كل امورك تكون طيبه

سؤال اخير الدم معك بدا اي يوم من رمضان ؟؟؟ تتذكرين ؟ ومتى طهرتي بنفاسك بالاربعين اي يوم كم كان لك بالنفاس ؟

هلا حبيبه ،،، ايوه ارضع لكن مو كثييير الحليب مررره قليل وخصوصا اني آخذ حبوب منع حمل:(

اليوم إن شاءالله بجرب طريقتك واشوووف النتيجه إن شاءالله خييير

مشكوره حبيبتنا

وش يدريني على بالي هذي اكله اول مره اعرف ان الرشاد اسمه الحسو اخبر اسمه الثفاء
ايه اضحكو انتي وبحر مالت بس :44: كان صححتو المعلومه من زمان ..

ام عبوووود اطلعي على نظامي للاخت همسة جوري هذا نظامي .. ان شاء الله يفيدك
مع اني اشجع من اول يوم لليوم 22 ولو فات يوم واحد بس اعتبرك ماسويتي شي