شاركي في النقاش

سجلي الدخول لإضافة تعليق.

التعليقات

1,008
  1. @bshayr_frh

    صاحبة الموضوع
    بشاير فرح
    أخواتي العزيزات أللي مروا ونوروا موضوعي لكم مني كل الحب والتقدير وتسلمون جميعًا وراح أرد على استفسارات أللي سالوني بس الأول اكتب اسماء أللي نوروا بمرورهم قمرررات روعتي بلمستي &...حديث الصمت...& ام كان الوقت المناسب مـــاريـــنـــا م…

    الغالية حديث الصمت
    رديت على البنات أللي سألوني ليش مافي لوحات
    لأنه ببساطة الصور اول ماسكنا البيت يعني كان في أشياء وايد ناقصة
    وبصراحة للحين أدور على لوحات تناسب
    لأن زوجي ذوقه شوي صعب ومو أي شئ يعجبه بالسوق.
    وايكيا مع الأسف ماعندنا بالبحرين
    يمكن لي رحت الخبر ازوره.



    أهو طبعًا القماش أفضل وأريح
    بس آنا أول ماشفت هالطقم انهبلت عليه وشريناه
    عمومًا صاير بس شكل مكمل بالبيت وحق الضيوف
    أكثر قعدتنا يم التلفزيون عند الطقم الأزرق.



    تسلمين يالغالية
    (( نفس ردي فوق للأخت حديث الصمت ))



    جهاز الجري شلته من زمان
    بس كان صدفه موجود أثناء التصوير.



    والله أختي ماعندي فكرة في هالتفاصيل الدقيقة لنها من زوجي
    بس اللون الأبيض الأف وايت أهو أللي اعتمدناه في أغلب جدران البيت .


    الستاير بصراحة ذووق زوجي
    في البداية ماكنت مقتنعه فيها
    بس أهو قال لي أن الستاير البسيطة تعطيج حرية في اختيار ألوان الأثاث وممكن انغير الأثاث في المستقبل من غير ما يعيقنا لون الستارة ، عشان جذي خليتها سنبل وايد .


    عندي صديقة كنيتها أم روان
    ليكون أنتي اهي
    عمومًا هلا فيج حبيبتي
    البيت بيتج باي وقت .


    هلا أختي بدون أسم
    بس طالما مثل ماقلتي اثاثي مره حلو فليش (( حسافه ))
    وتصميم بيتي مثل مأنتي شايفة مودرن فيعني مايصلح له إلا هالأثاث المودرن ، بس يمكن ناقصة لمسات وأكسسوارات وبيصير في فخامة شوي . وللحين باقي علينا أشياء الله يقدرنا ونفذها .


    هلا أختي عيون المها
    آنا رديت على سؤالج من قبل
    لكن ولعيونج راح أرد مرة ثانية
    آنا يالغالية ظليت سنين طويلة الله مارزقني عيال ، وشوي فقدت الأمل
    فسكنا البيت وماحطيت درابزين كنوع من المودرن لأني بروحي مع زوجي وما حبينا يضيع دزاين الدرج الزقزاق
    لكن الحين والله الحمد والأمل بالله كبير ( الله رزقني بطفل من شهرين تقريبا ) وقاعده ادور وافكر في درابزين يناسب بيتنا .


    شكرًا لج أختي
    اللوحات حطيت شوي والصور قديمة
    ومازالت ابحث على المزيد


    هلا الغالية
    نفس استفساراتك رديت عليها فوق
    وترى :arb: يتحكم وايد في الموضوع
    مو كل شئ ذوقي
    بس موضو ع الصبغة لونا بس في الحمامات
    والصالات خليناها أبيض عشان يعطي راحة وسعة أكثر
    وفعلا كل أللي يزورونا يعجبهم اللون الأبيض الدارج في كل البيت .
  2. @bshayr_frh

    صاحبة الموضوع
    بشاير فرح
    الغالية حديث الصمت رديت على البنات أللي سألوني ليش مافي لوحات لأنه ببساطة الصور اول ماسكنا البيت يعني كان في أشياء وايد ناقصة وبصراحة للحين أدور على لوحات تناسب لأن زوجي ذوقه شوي صعب ومو أي شئ يعجبه بالسوق. وايكيا مع الأسف ماعندنا بالبحرين…
    ماشاءالله لاحول ولا قوة إلا بالله يابنات ما ألحق أرد وإلا تنزل ردود جديدة
    الله لا يحرمني منكم يارب .


    تسلمين يالغالية من ذوقج


    هلا فيج حبيبتي
    يسلمج ربي على الرد الطيب


    هلا أختي رجه
    راجعي ردي آخر شئ
    عندي طفل واحد بس
    الله يحفظه لي
    وعموما بيتنا دور واحد
    وإن شاءالله بالمستقبل نبني الدور الثاني ونوسع على روحنا شوي.


    الله يفتح نفسج بالخير دوم يالغالية .


    تسلمين على المرور
    إن شاء الله البنات يساعدونج لأني من البحرين
    بس كتبي طلبج بموضوع منفصل يمكن تلاقين رد .


    شكرًا أختي كحيله تسلمين .

تابعي تجارب أخرى من هذا القسم.