ღ¤ஐﻬ تجارب وخبرات متبادلة بتاخر الحمل بالمغرب العربي ﻬஐ¤ღ (( الجزء الثاني))

ياربي رجاء حتى انا عندي احساس ان ربي غادي يكرمني معرفتش منين جاني وانا بالعكس الرؤيا فسرتها

على انها انذار من الله سبحانه وتعالى انني كنغلط بزاف في طريقة تفكيري بالنسبة للتربية الأطفال هادشي

لي جالي في بالي.يعني انني مسمعتش كلام ماما في الحلم وعطيتها البنية ودرت لي في راسي والنتيجة

البنت كانت غادي تموت. والضرب لي ضربت البنية حتى هو قلت يمكن افكاري لي كنقول بانها نافعة

جدا للأطفال ربما يكون فيها اغلاط.وانا مكنسمع لحد بالنسبة للتربية كنقول انا راه عارفة احسن من الكل

وهذا غلط.وعاد انا بغا نتكفل بشي بني ولي مكبل ايدي هي السكنى ديالي مع ناسي كنشوفهم مصالحينش

يكونوا معايا وانا كنربي بنتي وخصوصا باة راجلي وربما هذا غلط لكنني الظروف لي عايشاها كنقول

ماعندها حل وملي كنفكر بزاف كنقول بلاش غادي غير ندير المشاكيل والصداع يلا ربيت.وانا والله

العظيم يلا كون صبت كون ربيت ليوم.وهنا يمكن كاين الغلط لانني مموكلاش على الله حسباها غير

بالعقل صافي دايرا ليها الورقة والستيلوا.الله يجيب لينا لي فيها لخير يارب.

والله يلا بحال يلا صايمة النهار كلو شاربة غير كاس ديال اتاي وشوية سلو

واليوم كاع مقدرتش ناكل والو وشاداني السخفة وكنحس بحال يلا بغيت نرد حاشاك وكطلعني واحد الصهدة

مشكيت عليك وكنولي كنعرق وكنشف معرفتش اشنو هادشي وراسي ممالفش كيضرني ملي كتكون علي

الدورة.اليوم راجلي وعجوزتي قالولي مالكي صفرة يعني باينة عليا مسخسخة وغير كنفخ الحمد لله على كل

الاحوال.بالنسبة للعادة لا ممجهدة والو دبا ان شاء الله غادي نوض ندوش باش ان شاء الله نصوم غدا.

توحشت الصلاة في الجامع.

رجاء شوفي يلا بغيتي تحسي بحركة ولدك في كرشك عطيه شي شكيليطات ولا شي عصير وشوفيه كيغيولي

يفركل تبارك الله.

راه فت قريت بان الحامل يلا بغات جنينها يتحرك تمدو بالطاقة عن طريق السكريات يعني تشربي عصير ولا

تاكلي شوكولا ولا بسكوي غير كيوصلوا وكيبدا يتحرك جربيها وردي البال وردي لي لخبار.:)