الجبس على شكل شمس في غرفة النوم

السلام عليكم
طبعا بما اني ما اسوي اي شي في بيتي الا بعد اخذ جوله في حواء لاني استفدت جدا من اراء الاخوات سواء في المطبخ او التنظيم او الديكور فعندي كم سؤال ياليت تتحملوني لاني محتاره جدا

اولا الان بنبدا في دهن شقتنا وهي صغيره يعني أكبر غرفة 6في 5 الي هي مجلس الرجال وغرفة نومي ومجلس الحريم و غرفة عيالي 4في 5 وعيالي 4بانت ولد والصاله 3في 4 طبعا أبغي شى ذوق ومميز لان اخوان زوجي لهم شقق نفس الشي ونفس التصميم فأبي يكون عندي شي مميز طبعا باعطيكم افكاري واي اقتراح اقبله لاني ماأبي اسوي شي اندم عليه بعدين وواثقه في ذوقكم جدا لاني صراحه لا أعتمد على ذوقي تماما أولا غرفة نومي فكرت احط الجدار المقابل للباب وهو جدار صامت احطه لون مشمشي وباقي الجدران بيج طبعا البويه ساده نص لمعه من الجزيره والجبس أخليه ابيض ساده لكن عندي في زاوية الغرفة جبس على شكل شعاع شمس ما ادري فهمتو علي فما ادري الشمس اخليها ابض زي السقف والجبس أو الونها واي لون

ثانيا الصاله باحط جدار أحمر والباقي بيج والممرات بيج ومجلس الحريم والرجال محتاره فيهم مره ما أدري أسوي نفس الحركه جدار لون والباقي مختلفه والا ما تصلح للمجالس فكرت أسوي مجلس الحريم كله مشمشي ومجلس الرجال كريمي لكن أخاف ما يطلع اللون زي ماأبي والمقلط احطه بيج ساده أو عندكم افتراحات لانه بيكون مقلط وفي نفس الوقت مكتبه كتب ومكتب لزوجي
والله يخليكم الي عندها رقم لون احمر ومشمشي وكريمي من دهانات الجزيره حلو تعطيني أو تساعدوني بصور
وغرفة عيالي ابي لون ينفع للبنات والولد انا قلت احط جدارين سماوي فاتح وجدارين زهري

والجبس في كل الغرف اخليه ابيض ساده او الونه تكفون لا تخيبوني تعبت وانا اكتب وزوجي يقول بسرعه اختاري والا انا اخترت ولا اسمع منك كلمه بعدين

19 تعليق 11,720 مشاهدة

شاركي في النقاش

سجلي الدخول لإضافة تعليق.

التعليقات

19
  1. @sar_oshhd

    الله يعينك على الإختيار تحتارين وش تحطين بس إذا أنت في الرياض روحي للقصور المعروضه للبيع وخذي أفكار أو طريق الملك عبد الله والله يوفقك .....................
  2. @cuty_smile

    غرفة العيال صدقيني لو سماوي واورنج يطلع جنان يعني جدارين سماوي وجدارين اورنج وعكس بعض والله يقويك اختي
  3. اهلين اختي انا اقترح عليك تستخدمين الرسم الناعم مش مكلف حنا جربناهم والله روعه وشي مميز مثلا لغرفه اولادك جربي هالحركه جيبو رسامين ووريهم النموذج وهم يطبقون هذا تصميم حلو مافيه صور لا ارواح ولا يق على غرف اطفال






    وجربي هالحركه في غرفتك

  4. @skr_ost_mlh

    صاحبة الموضوع
    تسلمون يا عيوني والله يعطيكم العافيه على سرعة تجاوبكم اقتراحات وصور استفيد منها واريد مزيد من الاراء

تابعي تجارب أخرى من هذا القسم.