شورو علي ...

السلام عليكم اخواتي ...
راح اكتب لكم مشكلتي مع الشيطان ووسوسته لي واتمنى تساعدوني وتدعون لي
انا كنت قبل فتره امكن سنه ونص مااهتم كثير بالصلاه الله يغفر لي واسمع اغاني واغتاب الناس وكنت اعيش مشاكل ماتنتهي
وبعد كذا زوجي بدأ يلتزم والحمد لله وأثر علي امكن لاني ماكنت مرتاحه من حياتي واحس بضيق وشوي شوي بدات في الصلاه واهتميت بتأديتها وبعد كذا السنه صرت اصليها واصوم انا وزوجي ايام البيض
وغيرت عبايتي من الكتف المطرزه الى ساده وشوي غيرت لعبايه الراس وصرت مرتاحه واحس ان الضيق تركني وصرت راضيه عن حياتي احسن من اول حتى التلفزيون غيرته وصرت على قنوات المجد
مشكلتي الوسواس صارالشيطان في وضوئي وضيت صح ولا لا صرت اعيد وضوئي كم مره واحيانا اطنش واحيانا اضعف وصلاتي يتوسوس لي اني ماصليت لدرجه اني اعيد صلاتي كم مره لحد ماصرت اصلي قدام زوجي او بناتي علشان اسألهم واتاكد واذا ماصليت السنه احس انه صلاتي مهي كامله وكأني ماصليت
صرت اشك في كلامي اذا جبت سيره احد حتى لو بالخير اني اغتبته ولا اي كلمه اقولها لزوجي احس كأني غلطت عليه واقعد اعتذر منه واتسامح منه وانا مني غلطانه ويخاصمني زوجي ليش انا كذا ويقولي هذا الشيطان يخليك كذا علشان مو راضي عن تغيرك
قولولي ليه صرت كذا اي وحده تعرف تقولي ايش اسوي والله اني صرت ابكي من كثر مااشك بصلاتي ولا وضوئي
اتمنى انكم تدعولي ربي يثبتني ويبعد الشيطان عني .

22 تعليق 1,105 مشاهدة

شاركي في النقاش

سجلي الدخول لإضافة تعليق.

التعليقات

20
  1. @bnt_dbdobh

    ماشاءاالله عليج هذا دليل انج مؤمنه واتحبين اتقومين بواجباتج اتجاه ربج ع اكمل وجه خليج واثقه من نفس صلي بخشووع واذا وسوس لج الشيطان تفي ع يسارج 3 مرات وراح يرووح الوساس بإذن الله

    دعواتج لي
  2. @fhdh_tlal

    اولا الله يثبتك ويقويك وحاولي تكتبين الشيء اللي سويته مثلا اذا صليتي اكتبي في دفتر انك صليتي و اذا ختمتي القران او صمتي اكتبيه وشوي شوي بترجع لك الثقه في نفسك وتعوذي دايما من الشيطان وتراه زيادة اجر يعني لا تشيلين هم والله يكتبلك لأجر ان شاء الله

تابعي تجارب أخرى من هذا القسم.