!! اصبرعلى بلواك !!

السلام عليكم ورحمة الله وبركاته

كيف حالكم اخواتي





لكم الابيات

(( اصبرعلى بلواك ))

اصبرعلى بلواك والصبر محمود ..عواقبه زينه ولوهي طويله

اصبرتصبربالصبر عز وسعود ..وبالصبر صبرك ينتهض للفضيله

ولاشفت ميلات الدهر تسبي العود..وتصير نفسك بالليلي عليله

ارخ اليدين بتالي الليل بركود ..واطلب من المولى تراها نفيله

تطفي لواهيب بها القلب مظهود ..من غيض دنيا ماوراها جميله

الا بذكر الله بها العز ممدود ..ترفع مقامك ماتخاف الفشيله

وتجمع شتاتك من عنا الوقت وتعود ..وتشوف دربك بعد مااخطى دليله

هذي هي الدنيا ولياليها السود ..كم عزت اقوام وصارت ذليله

دايم تقلب حلوها يوم معدود ..وايامها الاخرى ليالي طويله

حلوه ومره والحلا حده حدود .. وبين الحلا والمر وشهو حصيله

ماتنومن لو عزها عد مارود..لابد ماتردي بيوم وليله

يالي ملكت العز والجاه والفود .. خذلك من الدنيا تجارب ثقيله

ارض العطى ماهي على الدوم بالزود .. لابد مايجحد ثراها مسيله

وياللي لك احباب لك دروع وسنود ..دايم على احبابك ركابك محيله

اهل الوفا ماهم بدايم لك عضود .. دنياك دنياهم عليكم ظليله

خذها من اللي مايبي حقها نقود .. يبغى دعاء مخلص وربي وكيله

ومن يقرا اللي ختمها ختم مشهود ..يصلي على محمد ويركع بليله


وسلامتكم

منقول

10 تعليق 1,401 مشاهدة

شاركي في النقاش

سجلي الدخول لإضافة تعليق.

التعليقات

10
  1. @ashoak_alngah

    اهل الوفا ماهم بدايم لك عضود .. دنياك دنياهم عليكم ظليله

    صحيييييييييييييييييييح ,,, الله يرزقنا الصبر ,,, تسلمين
  2. @nd_20007

    يعطيك العافـــــــــــيه

    لاعدمــــــــــناااااااااااك

    وسلمت يداااااااااااااااك

تابعي تجارب أخرى من هذا القسم.