الملف الخاص بأسئلة و مواضيع أحلى بنات فى مصر ( الجزء الثانى)

أزيكو يا حلوين
كل ما ادخل الاقى الكلام فى مواضيع أشكال وألوان
بس كلها حاجات تجنن
بابقى عاوزة أقعد طول الوقت معاكو وانشالله ماح طبخ ولا غسل ولا حاجة :angry:

حلوة أوى ماكياجات العيون دى يا سكرة هانم رقيقة خالص تسلم ايدك

حبيت اقولكم حاجة النهاردة مجرباها ومفعولها جنان

طبعا كلنا نفسنا فى شعر كثيف ولامع ومش مهم ناعم عشان دى نعملها بالزيوت والفرد والسشوار والحاجات دى

سمعتوا عن عصير الجرجير؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماما لما كانت تقولى عليه كنت أقعد أتريق جرجير أيه اللى هاحطه ده كمان
بس بقالى فترة طويلة 3 سنين حاسة شعرى بيضعف وبيقع منه كتير وبيخف جدا
فابتديت أدلك شعرى بعصير الجرجير ( مغلى أوراق الجرجير بعد ما تبرد وتبات يوم عشان تكون مركزة)
طبعا العملية عايزة مواظبة كل يوم قبل مانام أدلك فروة راسى كويس خالص
والنتيجة بانت بعد شهرين وبصراحة فرق رهيب حسيت شعرى ابتدى يرجع تقيل شوية بشوية ودلوقتى الحمدلله زى شعر أحسن موديل أعلانات بتوع الشامبوهات
(البنات اللى يعقدوا الواحدة فى عيشتها)

طبعا ده مع حمامات زيت جوز الهند والحنة كل سنه مرة

أنا أستفدت جدا من التجربة دى وحبيت أقولكو عليها
ويارب أكون أفدت
:27:

السلام عليكم يا أحلى مصريات

ازيكم كلكم عاملين ايه ..يارب تكونوا كلكم بخير اكيد ام\نتم نسيتوني .
معلش انا اتأخرت عليكوا كتير بس انا مشغولة قوى اصل امتحاناتي قربت ومش عارفة اذاكر خالص من العيال و اضطر استنى لما يناموا و بعدين اذاكر و لكن غالبا يغلبني النوم و ربنا يستر
كنت عايزة اسالكم لو وحدة منكم تعرف اسكرب نوعه حلو و بكام و منين و كمان عايزة أعرف اسم محل في مدينة نصر يبيع اسليبرات (سابوهات) حلوة بس مقاس كبيرررررررررررر.
وشكرا.

برنسيس كا رينا شكرا على وصفتك لكن انت اصلا شعرك تقيل؟؟
انا شعرى معدووووووووووم جدا من ناحية الرضاعة ومن ناحية تانية من الصبغة وجربت السدر ونشف لى شعرى اوى وبفكر اجرب الصبار زى ما ام باسل وصفتلى وهحاول اجرب الجرجير لكن عايزة اعرف انت بتحطى منه كل يوم وبعدين بتغسلى شعرك ولا لا بعده؟؟؟
دكتورة جامعه انت بتذاكرى اية؟؟؟ماجستير؟؟ولا دكتوراة؟؟

blonddove اية الكلام الجميل دة يا سيتى لحسن الواحد يتعود على كدة.......
مروة و كل البنات اللى سئلوا على تعليم الماكياج افتحوا قسم الماكياج و العطور فى الصفحة الاولى ((ملف خاص بمواضيع المكياج)) للاخت شيكولاتة ..ملف فى منتهى الجمال افتحوا فية كل العناوين حتلاقوة كلة تعليم المكياج بالخطوات المصورة وفية انواع من مستحضرات التجميل برضة بالصور....
mishmish بالنسبة لسقوط الشعر والشعر الضعيف انصحك بزيت رائع رئع اسمة زيت جدايل تستعملية مرتين فى الاسبوع تدعكى بة فروة الراس كويس و تتركية وتغسلى شعرك بعد ساعتين حتلا قى النتيجة بتبان بس المهم تداومى مرتين فى الاسبوع ولازم يكون بتاع عبد الصمد القرشى نفسة مش حد تانى و من حظك انه قرب يفتح فى سيتى ستار لانى كنت بجيبه من السعودية سعر الزجاجة 40 ريال

ميرسى يا دون على الاهتمام هحاول اخلى ماما تدورلى علية لانها مسافرة ان شاء الله قريب
كمان عجبنى كتاب هالة اللى انت بتقولوا علية انا خلاص علبة مكياجى وقعت واتكسرت وكل اللى فيها ساح على بعضه البودر على الشادو على البلاشر واضطريت ارميها كلهامع انها كانت غالية قوى عليه لانها هديه من زوجى وعلى ذوقه وشكلى كدة هدبسة فى واحده تانية
لكن عايزة اعرف العلبة احسن ولا كل حاجة لوحدها احسن؟؟