ღ¤ஐﻬ تجارب وخبرات متبادلة بتاخر الحمل بالمغرب العربي ﻬஐ¤ღ (( الجزء الثاني))

ياربي تجعلها اخر دورة متشوفيها ان شاء الله الا بعد تسع شهور يارب.

ربي يخليلك ماماك جروح ويبارك لك فيها يارب وان شاء الله تفرحيها عما قريب بحملك يارب.

جربي لي قالتلك ماماك مغادي تخسري والو.

شوفي ازين واش عمرك جربتي القسط الهندي.

عرفتي فت قلت ليكم انني درتو لراجلي وشاط عليه وانا نخلطو بعسل الدغموس الحر وديتو لماما قلت ليها كوليه

راه مزيان ولا منفع مايضر حيث ماما تقطعت ليها العادة وهي مازال صغيرة المهم كلات منو غير شوية وعطاتو

لاختي لي عندها نفس حالتك وكلاتو وهي تحمل مباشرة ومكنتش باغيا الحمل حيث باقي مرداتش صحتها يالاه

طاح ليها وقالت لي راه الدوا لي عطيتيني هو لي دارلي هكا قلت لها لا ميمكنش هو غير كيقاد الهرمونات مع

العلم انها كانت كتاخذ مانع للحمل.المهم من بعد عطاتو لخالة مرات خويا كانت وقفات الكينة ومحملاتش

وهي تاكلوا وسبحان اله مباشرة حملات وبالتوأم مشاء الله ولا قوة الا بالله ربي يحفظهم ليها ويتمم على على خير

يارب.جربيه جروح كما قلت يلا منفع ما يضر.:) ان شاء الله تسمعين احسن الاخبار في اقرب الاجال:26:

سمحو لي غبرت عوتاني مساليتش.
حبيبة الله يشافيك و يصلح حالك.الله اما امين يارب العالمين انا وانتي وكل المؤمنين يارب أنت متفائلة معان و في مواضيعك الشخصية كتبغي تعنكشي راسك كل حاجة شوفي منها الجانب الإيجابي.والله العظيم يلا هادكشي لي كنبغي ندير ولكن مكنقدرش نتجاهل دكشي لي كيبان لي و في آخر المطاف إلي بغاه الله هي إلي غاد تكون.ونعم بالله أما الأطفال أحباب الله. توكلي على الله و ديري صلاة الإستخارة و غتلقاي غير الخير يمكن ييسر لك أو يؤخر لك موضوع الكفالة بيتيم.ناوية ان شاء اله نديرها انا وزوجي ليلة 27 و حيدي أفكار سلبية على عائلة زوجك را هوم إلي رباو زوجك قبل.هاذ الافكار هوما لي ماغاديش يتحيدو اختي حيث انا لي عايشا معاهم وكنشوف اشنو كيوقع والتربية اختي راجلي غير بغاه ليهم الله اما باه مكانش مسالي ليه باش يربيه كان كيسافر بزاف مع الخدمة وقليل فين كيتواجد معاه وداك الشوية لي جلس معاه اثر في تربيتو شفتي دبا راجلي متعوليش عليه يتسخر ليك يلا قلت ليه جيب شي حاجة بحال يلا قتلتيه.عجوزتي قالت لي كانت يلا سخراتو ميخليهاش ويخاصم عليها حتى خسروا كون مقراش كون راه فضيحة ميقدر حتى على شي خدمة فيها تمارة ولدبا يلا سمعني قلت ليه جيب شي حاجة يدور فيا ولكن مكنسكتش ليه. و الصراحة على مكتعودي عليه رباوه أحسن تربية. غنحاول نقلب لك على تفسير الحلم وتفاصيل أخرى في حلمك واخ أنا مشفت فيها هاداك المعنى إلي قلتي شكرا الحبيبة انا فسرت
داك التفسير على حسب لي انا شايفة وقلت يمكن انا زايدة فيه وكنعنكش راسي كما قلتي وخاصني نميك شوية ومنفكرش ولكن راه غير
مبغيتش يلا ربيت شي بنية تشوفني خايبة وكنتخاصم مع جدها وعرفتي اشنو يلا هدرت معاه شي نهار عليها يقولي هادي غير ماشي بنتك
اما كون كانت بنتك معرفتش اش غديري ولا يقولي ملقينا مانديرو نربيو ولاد الزنقة ولا بحال هاذ الكلام وكوني متأكدة من هادشي لي غادينقوليك.رجاء شفتي باة راجلي مستفز وجاهل لدرجة تخليك تلوحي حوايجك واحد المرة وصلنا حتى كنت غادي نمد عليه ايدي خرجني
على شعوري غير راجلي لهزني وخرجني من البيت وسد علي اما اختي كنت غادي نقتلوا وباش تعرفي بانه لا يحتمل راجلي وعجوزتي
قالو ليه غزات فيك انت لي كتعدا ومكتحشمش.اشنو بان ليك نزيدك ولا باركا هادشي راه غير شوية.
يعني تربية في الدار تساوي حرب وكلام ماشي حتى لهيه وانا بغيت يلا ربيت ناخد الاجر كلو ان شاء الله ونربي احسن تربية.


سمحيلي لردي بين السطور غير باش نتفاهموا.

رجاء انا عقلي هو اتاي هو باش كنفطر شفتي فطوري نتاع رمضان هو الفطور العادي لكتعرفي اتاي وخبيز

وفرماجة والحريرة معنديش معاه كنشرب غير شوية ولا الصويا هي لي كنبغي ولا الحساء الحمر ديالنا لي كنديرو

في الصحراء راه جروح عارفاه صافي وكنمشي للجامع والعشا لي ضروري عندي.

هزان الوالدة الحمد لله نفعني بزاف وكما قالت جروح بان الفرق حتى في الجماع سبحان الله ملي تزوجت وانا كيصحابني

واش هدا هو العادي وانا في مصايب وماجايبة للدنيا خبار الحمد لله.

رجاء بالعكس والله العظيم يلا كنتسنى الحمل كل شهر تصوري كتكون علي العادة وكنقول وخا هكاك يمكن حاملة

غير وقيلا مكنعرفش نعبر ونوصل لي فقلبي ليكم:):26:

شكرا رجاء جوزيتي خيرا

يارب يارحمان يارحيم ياأرحم

الراحمين يارب ترزقنا جميعا

بالذرية الصالحة يارب.

assalam 3laykoum albnat
bayna nssitouni, ana be3da ma nssitkoumch, ki dayrine labass, 3andi lclavier khasser 3liha kamekteb blatiniya lollllllllllllll, bisousssssssss a vous toutes