@...برنامج خواطر صفعه قويه في وجه العرب !!!!!!!.....@

(( إن الله لايغير مابقوم حتى يغيروا مابأنفسم ))

الحل : نبدأ من أنفسنا ثم نبدأ بمن حولنا

مو الحل إننا نسافر لليابان


شكرا للجميع على التفاعل

بصراحة برنامج رووووعة ولله صرت اكثر شعب وبلد فى العالم احترمة اليابان فعلا كوكب اخر

نفسي أعرف اللي بنتقدوا البرنامج .. عايشين في كوكب ثاني والا ايش ؟؟!!
يتكلموا بمثاليه غير موجودة أصلاً ولا في الأحلام ..
وكأن المسلمين كملت أخلاقهم مثل ماكان في القرون المفضلة !!
ياناس كلنا في بلد واحد ولوماحطينا مشاكلنا وعيوبنا قدام عيونا كيف بنتطور ونتغير للأفضل !!
لوماشفنا العالم المتحضر كيف عايش وأخذنا ألإضل ماعندهم كيف بنتطور ؟
يعني هل تبغون الشقيري أو غيره يحط لنا موضوع عن أسوأ مافي اليابان ؟؟ طيب وش بنستفيد بنعالج مشاكلهم مثلاً ؟؟ منطق غريب ومتخلف في نفس الوقت !!
واللي تقول مثل النحله !! وش تبغيه يكون مثلاً مثل الذباب يقع على القاذورات والسيئات في اليابان !! وكأن البرنامج وضع للشماته وليس لأخذ الدروس من مجتمع متعلم ومتحضر وإن كان لاديني أو مشرك فالحكمة ضالة المؤمن ,,
والمفروض نكون واقعيين .. يعني احنا بإيش ربي فضلنا ع العالمين .. إلا بهذا الدين القويم .. لكن لما ترك كثيييير منا هذا الدين وإن كان ماتركه بالمعنى الحقيقي لكنه صار إسلام عادات يعني ولد وهو مسلم ويصلي لأنه تعود يصلي وهذي تتحجب لأن أهلها يبغونها تتحجب وهذا يصوم لأنه تعود كل رمضان يصوم وهذا إنسان رااااائع لأنه قدام الناس بس لما يكون لوحده ينقلب شخص دنيء جداً !!
أكيد في اليابان عندهم شي زي كذا بس الفرق ان احنا مسلمين .. احنا أولى بهالأخلاق .. والسلوكيات الراااائعة والإهتمام بالإنسان اللي كرمه الله عز وجل بغض النظر عن دينه " ولقد كرمنا بني آدم "

واللي تقول ان البرنامج يمجد اليابان ويحقرنا ..
أقول لها .. بالعكس كان مثل من وضع مرآه علشان يشوف وجهه كماهو بدون تزييف وبدون نظريات وكلام فاضي ..
المدارس تهدم الأجيال بدل ماتبنيها وإن وجد استثناء فهو قليل ..
والمعلمين تهدمهم الوزارة ..
والبشر يعاملون كالبهائم في نظر وزارة الصحه ..
وكالآلات في نظر المرور ليستنزفوا ماتبقى من فتات المواطن الفقير ..
وربما كالحشرات في نظر بعض أثرياء البلد وأصحاب العقار .. فيعيش ويموت وهو يحلم فقط بمنزل يأويه هو وأطفاله وكثييييير من يموت ولم يتحقق له هذا الحلم !!
الإنسان عندنا ماله قيمة ولانكذب على أنفسنا وندعي وكأن اليابانيين بيدخلون هالموضوع ويتشمتون فينا .. أصلاً كل شي واضح بدون مكابره ..
الإنسان الثري وصاحب التجارة والأموال الطائلة هم المهم هنا .. !!
المناصب محتكرة لهم .. وأرقى المستشفيات وبالمجان لهم رغم انهم يقدرون يتعالجون في أرقى مستشفيات العالم .. بل مستشفياتنا التخصصية متفرغه لخدمهم وحشمهم !!
أقسم بالله أم صديقتي ماتت لأن عمليتها في أمريكا لزراعة كبد تأخهرت بسبب " خوي " مارضى تطلع معه على نفس طائرة الإخلاء !!
الوزارة منصب لايحلم في مواطن عاااادي !! كباقي دول العالم المتحضر !!
الرتب العالية في العسكرية معروف مسبقاً من يشغلها .. عيال فلان الفلآني ونلقى قبيلتهم كللللهم بنفس القطاع !!
حتى المشاريع الصغيره محاربة من هوامير البلد .. والقاضي راضي !!
والأسهم وماأدراك مالأسهم !!
حتى الوظائف التعليميه من نصيبهم !! يعني وحده متفوقه وبارعه جداً في مجالها تتعين في تهامة قحطان لأن ابوها عاااادي !!
وفلانه بليده في كل مراحلها الدراسية .. بس ابوها فلان بن فلتان .. تنقي أقرب مدرسه علشان لايتعب سواقها في المشوار ..!

أما النظافه هذي ودي أحط لها موضوع لحاله ..
من يمشي على خط الرياض الطايف هو اللي مسموح له يتكلم في النظافه !!
أقسم بالله إني أخجل إذا قارنتها بمساجد الطرق البرية في الإمارات ..
والله الواحد يستحي من الله كيف حال مساجدنا ..
والأخلاق الزفت والسيئة عند الناس نشوفها تتجلى قبل أذان المغرب للي قدر الله عليه وطلع هالوقت ..
وفي المدارس مانسمع الا اللعن والشتم ونشوف مناظر تشيب الراس .. بنين وبنات ماعاد في فرق !!

وفي الأسواق وكأننا في حفلات زواج .. حتى في دول العالم العلماني وغيرها مانشوف مثل هالتبرج وقلة الحيا ..

وش اقول والا أخلي .. أحزن والله إذا شفت حال بلدي ..
ورغم كذا أزعجوووووونا ..
ارفع راسك انت سعووووودي ..
مالك مثيل بالدنيا غيرك ينقص وانت تزودي ..

يمكن نزود فقر ,,
نزود انحدار وانحطاط ..
نزود تفكك أسري وقطيعة رحم ..
نزود بعد عن الدين ..
نزود رغبة في الهجرة إلى بلد تحترم الإنسان لأ،ه إنسان وبسسس !!

قلبت المواجع ياأحمد الشقيري ,, ورفعت ضغطي بعض الردود اللي تحسب اننا لازلنا في عام 1400 مانفهم شي ولانعرف وش يدور حولنا ..
الله يرحم الحال بس ..

:)والله ان جت علي اخذولدي ورواح اليابان