السلام عليكمورحمه الله وبركا
بعد غيبه طويله رجعت وحشتوني ياخواتي حبيت اقول
انا مانقبلت ولا جامعه ولا كليه
بس الحمدلله ايماني بالله قوووي
ولا فكرت احزن اعرف انه ياكاتب لي شي احسن او انه ابعدني عن سوء كان بييصيبني بالجامعه
المهم
ماابي اطول عليكم الحمدلله مثل ماقلت لكم ربي مايخذ شي الا ويعطي شي سبحانه قرررت هالسنه اني احفظ القران و اتعلم الخياطه
سؤالي اي وحده تعرف مدرسه او مركز لتحفيظ القران فيه مواصلات لو على حسابي الخاص
وسؤالي الثاني الي عندها
خبرة بالمكاين الخياطه ياليت تدلني على مكينه حلوة وقطع غيارها بسوق بالرياض اذا خربت وابي سعرها مايزيد عن 300 تنفع لخياطه بلايز بسيطه او قمصان مثل كذا اشياء بسيطه الين اتعلم واجيب الي احسن منها ياليت وحده تخبرني او تسأل احد يعرف بليييييييز جاوبوا لي بأقرب وقت فديتكم
اختكم مضاوي:27:
شاركي في النقاش
سجلي الدخول لإضافة تعليق.
التعليقات
16- وينكم حبيت اقول لاتبخلون الي تدخل تقرا وتطلع على اقل ارفعي الموضوع
- في بشارع احمدبن حنبل
محل اسمه المحسن
مكاينه على 400
واعتقد هذا افضل سعر بتلاقينه - الله يسهل اموووركـ يارب
ويرزقكـ من اوسع الابواب ..
up - اختي ماحددتي انتي وين في الرياض بس اذا بالشرق فيه عندك دار الحمرا ودارالهمم ودار بحي الملك فيصل بس نسيت اسمها امحق من ذاكره واذا على المكاين روحين الديره والمعيقليه يبيعون مكاين الخياطه اشكال وانواع ولا 100محل روحي وتنقي انا اخذت من عندهم وحده 170 ريال للخياطه العاديه
- ماحددتي اختي اي حي عشان نفيدك بالنسبه لدور التحفيظ انتِ شمال الرياض والا شرق والا غرب
المكاين ماعدي خبره فيها ..
الله يسهل امرك
مواضيع مشابهة
تابعي تجارب أخرى من هذا القسم.