{موضوع خاص بالمتزوجات لتبادل الافكار الخاصة واليوميات} الجزء الثاني

انا والله اامني ان الله يشرح لي صدري ويسرلي امري ويسخر لي زوجي وارتاح من الهم ودي انسي الصياح والدموع للابد والله اني تعبت من الصياح
يارب يارب يارب

:35: اخجلتيني

انا مشكلتي هو مايحب المناسبات والحفلات وعذره اني اطلع بالمناسبات حللللللللللللللللوه على قولته والحمدلله انا على قدر من الجمال وفعلا اذا حطيت الميك اب اكون شي ثاني ويقول اخاف عليج

واخرتها عرس ولد خالتي بعد العرس والله العظيم دخلت للحمام عزكم الله واحترقت بالماي الحار وصرت اسبوع مقدر اقعد بس منسدحه

واذا على الجمعات يقول ما احبها لان الحريم تخرب بعض على رايه

والا الحمدلله قدرت اولزن الميزان ما اتنازل عن اللي ابيه وبنفس الوقت اذا كانت الطلعه مش ضروري اكنسلها

وارتحت نسبيا

اختي ايمان اولا مبروك الزواج >>>> ادري بتقتليني

اولا لاتدعين على زوجك لان مافي شي يستاهل انك تدعين عليه بس بتكسبين ذنبه واذا صار فيه شي بتلومين نفسك وماراح يرتاح ضميرج لانك بتحسين انك انتي السبب

ادعي له بالهدايه وانظري له من الجانب الايجابي واهم شي انه يخاف الله وصدقيني اللي يخاف من الله وينظر له في كل شي ماتخافين منه وتطمنين على حياتك معاه وعلى اولادك بالمستقبل انهم بينشاون نشاه سليمه

والرجال مو حلو يكون خاتم باصبع زوجته بيكون بنظرك تافه وماله شخصيه وهم بتجين تشتكين انه ضعيف شخصيه

حاولي تتكلمين معاه على سالفه المصروف وقوليله ليش يجمع كل الراتب ومايصرف منه الدنيا مو دايمه لاحد والفلوس ماتطول عمر البني ادم

حاولي تتكلمين معاه من الناحيه اللي يحبها وهو الدين لكل شخص مفتاح صدقيني وبيني له ان الدين يسر مو عسر وخليه يفك على نفسه شوي

هو اهم شي انه مايكون مقصر بواجبات بيته والا البخل يعني ماتدرين شنو كانت عيشته يمكن مابدو اولاده او هو يكمل حياة بائسه

صدقيني قدمي له الاعذار وهو بيكون خجلان من نفسه لما يشوف معاملتك له

الله يهداه لك ويسخره يارب