السلام عليكم ورحمة الله وبركاته
بنـات اليوم خطبنـي آخر رجل كنت افكر فيه كزوج ولد خالي :09:
المشكله هالسالفه مو جديده علي الكل يقولي ياسمر ماودك تاخذين ولد خالتك وانا اقول مستحيل زي اخوي
ومن هالحكي وانا صادقه يابنات ماتخيل نفسي معه ماتخيله يلمسني اتقزز لاني احسه مثل اخوي
حاولت اجيبه من جميع الجهات واقلب الفكره براسي ماني قادره احس تجاهه بأي شعور:crap:
يعني انا حبيت أطرح موضوعي عشان تساعدوني قبل اقرر القرار الاخير والحااسم:06:
اولاآ الولد ماشاء الله طيب وحنون بس له مااضي مخيف من الشكوك والمشاكل يعني اوضح لكم
كان يجي على بيت اهله ويقفل كل الستاير وياخذ التليفون عنده يشك يعني بس هالحاله كانت تجيه يوم كان يااخذ حبوب تخليهيتخيل اشياء ويشك بس الحين عقل وترك هالخرابيط
والحين ابوه واخوه الكبير مكلمين ابوي عشاني ويبغون نرد لهم خبر بنات وش السواة كل وحده تحط نفسها بمكاني وش راح تسوووي توافق عليه مع كل المااضي اللي حكيت لكم عنه او تتقبله بالشكل الحالي بعد ماصار عاقل وترك خرابيطه خصوصآ انه مسمي ومصلي :humm:
بس حتى لو صار اوكي وش اسوي بمشاعري مره ماأحس اني زوجه له احسه اخوووي بشكل فضيع فهمتووني:frown:
وغير كذا اللي خلاتي افكر بموضوع زواجي منه مع العلم اني كنت مقفله على هالموضوع ورافضه اني اتزوجه,,,,
هو خالي وخالتي امه وابوه طبعآ مثل العسل ينحطون عالجرح يبرى اخلاق والكل يحبهم وانا خايفه ارفضه واندم واطيح بناس اللهم ياكافي .. وبنفس الوقت اخاف أوافق وأندم ويطلع شكاك زي أول ؟؟
ياشين الحيره والقلق :|
تقولون استخيري استخرت وماجاني اي احساس عادي الوضع يعني .. بنات ابي نصيحه وكلام ابي درر ابي كل وحده تقولي رأيها,, زي مايقولون الواحد يستخير ربه ويستشير الناس وماراح يندم ..
انتظر آرائكم :time:
:26:
شاركي في النقاش
سجلي الدخول لإضافة تعليق.
التعليقات
110- ماعليك من اخلاق امه وابوه اهم شي هو اللي بتقضين عمرك معه
وبعدين له ماضي شكوك وظنون وهذامافيه نقاش ارفضي والله بيعوضك غيره والله يستر عليه - رفع لعيونك حبيبتي والله يسهل امورك
- والله مدري وش اقول لك بس دامه كان له ماضي يخوف زي كذا اتوقع الابتعاد ابرك والله يعوضك ابرك منه
- مدري بس انا سمعت ان طريقه الاستخاره اذا قررتي على امر بعدها تستخيرين وتسوينه يعني بعد ماتاخذين القرار تستخيرين وتسوينه فهمتي
انا بس حبيت اوضح لك هذي النقطه ...
وومشكله ولد خالك والله مدري وش اقولك .. - والله إستخيري أكثر من مره في اليوم
وأهم شي لاتضغطين على نفسك إذا ماكنتي حابته
لا تاخذينه
إكرام النفس هواها
مواضيع مشابهة
تابعي تجارب أخرى من هذا القسم.