شاركي في النقاش

سجلي الدخول لإضافة تعليق.

التعليقات

83
  1. @redeyes

    واضح ان زوجك راسم صورة محددة عن زوجته , وأنت لم تكوني مطابقه باللي في باله , وهنا يكون فن التعامل
    مع الزوج , لتغير الصورة التي في باله , بأنوثتها وحذاقتها , لكن يظهر انك لم تفعلي شي معه .. المراة الواعية
    التي يهمها امر زوجها وبيتها وخاصة اذا كانت تحبه , وكان زوجا مخلصا قبل أن تتزوج ان تتعلم فن التعامل
    مع الزوج , فهو فن واحتراف , والجاهل عدو نفسه ..
    وعموما طالما أن زوجك وصل لمرحلة أنه يطلب منك الرومانسية والكلام الحلو فهذا مؤشر خطير لأنه يفقده منك
    مع أن الأنثى بطبعها رومانسية , والرجل عكس
  2. @rimsh_1

    حبيبتي بالنسبه لاسئلتك
    طلعة السوق مثل ماقالت ام محمد قولي حرم فلان الفلاني لازم تلبس شي يليق بشخصية زوجها
    وبالنسبه لاخوانك كذلك نفس ماقالت ام محمد
    وبالنسبه لطلعاته قولي وش رايت تعزم زميلك عندنا في البيت والا كانه بيطلع لاستراحه قولي له ياليتك قايلي قبل كان اصلح لك طبق توديه معك ان شاء الله المره الثانيه قلي بدري واصلح لك احلى حلى خليه يعزم في بيته وتعرفين ربعه اللي يطلع معهم وبعدين بيصير يسولف عليك
    اما اهله لا عاد تقولين له لاتوديهم اسكتي وخليك دايم تمدحينهم امدحي امه واخواته الى ان يثق انك تحبينهم وبعدين قولي له يخفف الطلعه معهم خل احد اخوانك يوديهم بس اليوم لي وبهالشكل راح يثق انك تحبينهم لا اتوقع عند زوجك فكره ان زوجة الولد ماتحي اهله
    وان شاء الله يعجبك رايي
  3. الله يعينك اول سنة انواع المصادمات خصوصا اذا كانت البيئة والوضع مختلف

    بس المرأ ه هي الي تمسك زمام الامور لحد مايهدا الوضع وتحمل وتصبر وتبدون تفهمون بعض >> امي كانت تقول لي المرة ماكل يوم لها رجال

    اخذت القاعدة منها صدقيني اول سنة انمسح فيني البلاط والحين يقول لاتذكريني فيها ندمان >> الرجال فاهمين السلطة غلط

    بالنسبة لاهله لاتجيبين طاريهم مره لكن انتبهي تخلين اخوانك يودونك او يجيبونك قولي له ( الله يخليك لي ولا يحدني لغيرك)

    زوجك حساس وعارف ان وضعك اختلف فخذوهم بالصوت >> احتويه وحسسيه انك محتاجته دايم وان الوضع بالنسبة لك عادي


    صدقيني فترة وتمر توكم على الشقى الله يهنيكم
  4. @bnt_aboha_82

    الله يوفقك ذكرتيني اول زواجي اوف كرهت نفسي..
    انا متزوجة لي سنة و4 شهور تقريبا..
    بس برد على اسئلتك..



    اولا _ ما ابغاااه يدقق على طلعاات السوق مثلا اذا قاالي ايش تبغين من السوق ابغى رد دبلووماسي بحيث يووديني ولا يفقع راسي بالمحااضررات
    بخصوص طلعات السوق لازم ينشب لك حاولي تتعودين عادي..

    وش تبين وش تحتاجين وش بتشترين..
    عن نفسي صراحة اخذها بكل راحة واقول مثلا ابي اشتري كذا او كذا
    والا اقول والله ودي اتمشى نفسي اتمشى..
    يعني خلك واضحة وقولي الي عندك عادي ولاتحسين انك غلط ابد..هذا حقك!

    ثانيا _ خلي اخوانك يودوونك ابي رد بحيث يفهم انه هو المسؤول عني
    امممممممممم نفس المعاناة يقول لي خلي السواق يوديك

    مرة بنته مريضة واقول له ابي اروح للمستوصف قال المستوصف عندك روحي..!
    هو فعلا المستوصف بجنب بيت اهلي..
    لكن لما جاء الوقت دقيت عليه لان المستوصف ماردوا ومادري فيه الدكتوره اولا وقلت عجزت وانا ادق عليهم ياليت الله يخليك تمرهم وتشوف وتجيني تاخذني..الله لايحيجني لاحد غيرك ومن هالكلام يعني..
    لكن اذا استسلمت خلاني
    مرات حتى لو ميته بالطلعة احرم نفسي لاني ابي معه..
    لكن لاتقولين مباشره انت زوجي ومسؤول عني..حاولي تتذيكين بس انا ماهنا ذاك الذكاء انا كاااش خخخ

    ثالثا _ ابغى يقوولي بأريحيه ووين بيروح ماابي اصير طرطور مدري رجلي ووين رااايح ولا مع مين جااي
    اووووووووووف اول زواجنا جانا تهزيء على مستوى عشان مرة قلت له بدلع وييييييين بتروح على بالي عروس واتدلع يماه جاني هواش كرهت نفسي قال اروح للي ابي انا ماحب احد ينشب لي وين رايح وين جاي الخ الخ الخ!!

    وانا اصلا ماهمني اعرف وين رايح بس حسبته لازم اعرف..
    والحين ولامرة سالته وين يروح وين يجي يختفي بالساعات ولااساله واحس ارتاح لي اكثر الحين..
    وصار اذا بغى قال لي رحت كذا وسويت كذا وسولفنا عن كذا
    اما اول حسيت حياته كلها اسرار!!
    بس ريحي راسك..تراه رجال وش طوله ماعليك وين يروح وين يجي..
    انا اهم شي اذا كلمته قلت وينك مااقولها بعرف وينه لكن عشان اذا ابي شي وعلطول يقول امري وش تبين..
    يعني الاهم انه اذا بغيته القاه وبس!
    ومرات اذا مايقدر قال لي انا بعيد وخلاص..
    لاتنشبين له ترا بيتضايق..وحطي ببالك انه مو شي مهم صدقيني مو مهم انا احسبه لازم الوحدة تعرف كل شي عن رجلها
    لكن اكتشفت انه الي يقوله لك احسن من الي تسالينه عنه..

    رابعا - اهله ماا ابغى اي شي اقووله ينفهم ضدهم اللحين صااير يووديهم بزياااده عناااد لي بس انا ما اقووله لا تووديهم بس بحدود مو كل يووم وانا متى حقي
    بالنسبة لاهله نصيحة نصيحة نصيحة مجربه

    ترا اول زواجي كان يحسبني اكره اهله!!
    وكنت دايم اتهاوش معه على هالسالفة..
    لاني اي كلمة اقولها تتفسر غلط عنده عنهم..
    صرت مااجيب طاريهم لازينه ولاشينه الا مااااقل..
    من كم يوم موديهم السوق وانا قال لي قبل رمضان ياويلك تطلبين السوق برمضان ماراح اوديك قلت سم..
    واهله وداهم للسوق وجلس معهم من محل لمحل بنفسه دق علي قال لي وديت اهلي..(تعليق عالنقطة السابقة لاني غيرت اسلوبي معه صار يعلمني مرات وين يروح) وجلس يسولف لي وين راحوا وكذا..
    قلت الله يجزاك خير ماقصرت اجل اذا خلصت بسوي لك احلى عشاء..هههه
    ولااخذت وعطيت معه وين راحوا وش يبون وراك وديتهم ابد ابد بلعكس الي مابه خير لاهله مابه خير لاحد!
    وبصراحة انا ملاحظه مكالمات وهمس وخرابيط مع اهله لكن الاكيد اني مالي دخل لو شي يخصني علموني..
    عشان كذا انا برا السالفة ولا احاول اسال..
    ولا اتكلم عنهم والحمدلله الحين احسه صار يقدرني اكثر بذا الموضوع..ولو انها لازالت فيه شوي حساسية..
    بس الحمدلله على كل حال..
    وعلى فكرة بعد ماوداهم بيوم جاني واخذني انا وبنتي وطلعنا للسوق..

    الزبدة..
    الرجال مايحب التحكم والنشبة..
    اتركيه على راحته يجيك زي ماتبين..

    ترا زوجي اول زواجنا كان مرة عصبي نااار شابه بس الحين ماشاء الله تبارك الله صرت اعرف كيف اتحاشى عصبيته اغلب الاوقات..
    وفيه كلمات دخليها بقاموسك..انا بصعوبه قدرت لها
    زي حبيبي وقلبي وسم وانت تامر ومالي الا الله ثم انت مالي غناة عنك انت سندي وكلي لك
    يعني حاولي بعز عصبيته تهزينه..

    بقول لك موقف مرة صار لي لما كنت حامل تهاوشنا وياكثر ماتهاوشنا وكان يكلمني بعصبيه قال فلاااانة!!
    قلت عيون فلانة..والله ان الرجال ارتبك وسكت قلت سم وش كنت بتقول امرني!!
    والله ماكمل هوشته وصار وش زينه صار مجرد نقاش والحمدلله انتهي..

    بس مااخفيك اني مرات كثيرة اتمنى الانفصال عنه لاني احس اني لسه مافهمته ولا توافقنا!!

تابعي تجارب أخرى من هذا القسم.