رجاء ***رجاء*** ملابس العيد

يا قلبى انا معاك . لكن فيه بعض الملاحظات اكيد كلنا نبى الزين انا لاحظت مبارك والهرم يبى لها وقت يعنى تروحين له مرتين ثلاث يالله تخلصين لان البضاعه مرصوصه رص وما اكدب عليك والله مره اشتريت لبنتى فستان من مدركير ولقيت اخوه الخالق الناطق في مبارك
عموما الحين صرت اشترى بالتخفيضات والله توى شاريه لولدى بناطيل على 20 ريال وبدله قطعتين ب 30 ريال والثانيه ب 50 ريال
واحيان لما يكون فيه مناسبه ومضطره اشترى لعيالى اضطر اروح ماركه مو علشان شى بس لانى الوقت مو ملكي والماركه اضمن القى فيها شى حلو ..
وصدقينى لما يحصل لى اروح جده امر على تاج توج واشترى منه حق سنه قدام كل شى ب 10 ريال بناطيل ماركات وفساتين وبلايز
مره اشتريت لاخو زوجي 13 بلوزه كان باول ابتدائي كان سعر بلوزه يشترونها من ادمز وكلها ماركات تجنن اوكايدي وماك سبنسر وh&m ولحد الحين بعد سنتين وهم يتدكرونها ما شاء الله كرفهم كرف
بس متى تحصل كلنا نبى الزين محد ينكر لكن متى يحصل
الحين فيه محلات الهنود اللى يبيعون بقايا الماركات رحت قبل كم يوم يقول لى ب 30 خير ؟ اشتريها من المحل بالتخفيض باقل مدركير بالتخفيض كان عنده تي شرتات على 9 ريال تخيلى ؟
بس متى تي التخفيضات ومن اللى يتوفق فيها ؟
بالنهايه اهم شى الدوق وفيه ناس ما تلبس ماركات ولا قالها الله وداايم انيقين

الله يعطيكي العافيه

وانا معاك صرت اشوف الناس ماعندهم ذوق لان محلات الماركات بتجيب لهم اللبس كامل من البكله للجزمه

الذوق نعمة من الله مو كل واحد عنده واللي عنده نعمة الذوق تلاقيه يلبس من اي مكان

ومن الذكاء ان المرأة ماترمي فلوسها في ملبوسات ممكن تخرب في غسيل او بأكل او تصغر على طفلها بعد كم شهر

لاكن انا استثني فئة من الناس محيطهم يجبرهم على لبس الغالي والنفيس ورواتبهم تكفي

صح والله أختي أهم شي الذوق أولا ممكن ألف على محلات ماركات كبييييييييييرة وما ألقى شي يعجبني وممكن ادخل محل عادي ويعجبني شي بس أختي لا حظت شي أنه ملابس الماركة تستحمل الكد وتعيش يعني أحس انها تستاهل وتوفيرية يعني ممكن أشتري قطعة رخيصة أو بجامة رخيصة وممكن من لبستين خلاص مااعاد أقدر البسهم أياها فأطر أني اشتري وحدة ثانية كأني ماسويت شي عكس غيرها مدري هذا كلامي من تجربة