السلام عليكم بنات
شخباركم؟ انقطعت فترة عنكم بسبب ظروف وصعوبة الحمل ربي لا يحطكم في مثل اللي امر فيه
أنا تنومت في المستشفى من الاسبوع ال 25 بسبب قصر عنق الرحم والحين مفتوح
الحالة النفسية تحت الصفر الحركة ممنوعه منها منعا باتا وروحة الحمام وانتوا بكرامة ممنوعة ما عدا مرة في اليوم والشاور ممنوع
كل شي تسوينه في الفراش
والحمدلله قدرت اوصل لهالمرحلة بفضل من الله سبحانه وان شاء الله اقدر أواصل أسبوعين زيادة
تجربة أصعب مما توقعت ولا اتمنى ان احد يمر فيها
في قلبي وايد كلام بس الشكوى لله
ادعي ربي ان يصبرني ويصبر البيبيات أسبوعين زيادة ولو ان الظروف صعبه
المشي ما اقدر امشي فقدت لياقتي بسبب السرير ما عاد فيه عضلات اعتمد عليها والأيدين ورموا من كثر ابر المغذي ما تم فيني وريد صاحي
ربي يكتب لي ولكم الأجر ويتمم لنا على خير
دعواتكم احتاجها لا تحرموني منها
اكتب لكم من المستشفى واذا ولدت هاليومين بخبركم ان شاء الله لان فيه احتمال كبير
₪▓Ξ❤Ξ»¯−ـ أحــــــلى تجمع لأحــلى حـــوامـــل التـــوائمــ ـ−¯«Ξ❤Ξ二▓₪
متابعة النقاش، صفحة 260