السلام عليكن و رحمة الله و بركاته و تقبل الله صيامكن يا سيداتنا الفاضلات :cook:
القصة و ما فيها يا بنات إني من كذا شهر و أنا اقرأ عن صواني خبز التوست مع الجبنة السائلة و القشطة و حشوة الدجاج و بصراحة ما كنت مقتنعة بها بالذات للعزائم لأنه أنا شخصيا ما أحب أحد يعزمني و يسوي لي خبز توست مع شخابيط الجبنة و القشطة أنا أحب الطبخ العربي الأصيييييييييل أحب المندي الكبسة المقلوبة المفتول المغربي كبة بلبن وإلخ إلخ من السفر العربية الأصيلة .. بس .. بس.. و آآآخ من كلمة بس اليوم قمت وقلت ليه ما أجرب صينية التوست اللي طايحين بها الحريم مافي غيري أنا وزوجي قلت أساوي بالتوست اللي عندي صينية التوست و عملتها شي و شي المقادير و الإتقان حاكم أنا صار لي خبرة بالطبخ 20سنة و طلع شكلها ممتااااااز بس يوم قطعت و أكلت منها ما لقيت بها ذيك الطعمة اللي صجني بها الحريم "رووووووووووعة خياااااااااااااااااااال تهبببببببببببل يمي يمي ...إلخ" من كلمات المدح اللي طلعت فشنك:mad: وما شفت بهالتوست شي مميز لو إني محمصته بزيت زيتون وحاطة عليه طماطم و ثوم كان أزين!:angry2:
هذه هي الصينية قعدت بخشتي زوجي ذاق منها شوية وقال لي وش ذا؟؟ ما ني شايف شي يخلي الواحد ياكل صوابعه ورا هالتوست إيه قال لي توست يبقى توست و حمرته مع شوية جبن وقشطة يعني شخبط شخبيط لخبط لخبيط!
وخصوصا إن زوجي خبييييييييير بالأكل ويعرف على أي ضرس ياكل!هو ما يحب إكثار صحون المعجنات على الطاولة و يبدأ دائما بالتمر ثم الفاكهة و بعد الفاكة القهوة و بعد الصلاة يأكل سلطة و طبق رئيس ولاز يكون طبخ عربي أصيل مو شخابيط وما يحب معجنات كثيرة على السفرة يقول لي إذا سويتي سمبوسة لا تساوين لقيمات صنف واحد من المعجنات على السفرة وكثري السلطات و الفواكه .
عارفين وش سوى عقب هالكارثة؟
قام على طول وطب بالمحاشي قال لي أصوم أصوم و أفطر على توست!!:16:
والله معه حق ما أقول غير الذنب ذنبي ليه كذا صغرت عقلي وشخبطت هالشخبيط يا ربي وش السواه الحين صينية التوست بوجهي يعني معقولة بآكلها لوحدي :eek:والله بتشقق و أطرش من كثر ماهي دسمة !
حسبي الله على ذيك الساعة اللي نقزت و قمت أقطع بهالتوست وأرص به الصينية الشكوى لله على اللي بلونا بأكلات ما تناسب الذائقة و اللسان العربي وأنا أنااااشد خواتي هنا بقسم الطبخ الرجوع للطبخ العربي الأصيل وكافي مخاسير و شخابيط هذا أنا خسرت ما قيمته 50ريال على صينية توست لا طلعت ولا انزلت!!
ولا أنتم وش رايكن تأيدن هالشخبطة ولا في من هم مثلي يحبون السفرة تكون على أصولها و الطبخ مسبك ومحبك و فن متوارث؟:cook:
و سلامتكم
التوقيع : أختكم بالله خلاص و سكري المغدورة من قبل صينية الطوست:06:
الموضوع مغلق