شاركي في النقاش

سجلي الدخول لإضافة تعليق.

التعليقات

28
  1. صاحبة الموضوع
    نفسيتك : دايم مالك خلق و نفسيتك ف راس خشمك كذا ماتدرين وش السبب ومن اي شي تتنرفزين وتقلبين الدنيا.
    اهلك وياعمري ع الاهل : مالك خلقهم ,متذمره من كل شي تفهمينهم خطا فاغلب الاوقات حاطه فبالك ان طويل العمر والصديق الصدوق مغنيك عنهم وهو الاحن والاقرب تحسينهم ثقيلين ماودك تقعدين معهم بسرعه تشوفين وش يبون وترجعين غرفتك<<< الوكر السري
    الدراسه : شي اكيييييد مستواك يتغير راح يقل وتنقلبين من بنت تحب الدراسه او الجامعه لبنت تحب تسحب وتغيب ومابي ومالي خلق وتحسين الدراسه حاجه ثانويه..
    عبااااادتك: القرب من الله .. للاسف يتوزع وقتك بين حبيب القلب والدراسه والاهل والطلعات والموفي.. والي خلقك والي انتي فحاجته وهو موفحاجتك ماله اي وقت؟؟ والله شي يعور القلب يعني "هالتافه" الوقت يصير له وعبادتك والقران والصلاة مالهم اي وقت واهميه.؟؟. والحجه مزحومه ومافي وقت ..! طيب وشلون لقيتي وقت انك تفتحين مسن وتسولفين معاه ولا تكلمينه ؟؟ وش هالتناقض ولا ( القرب الحبيب شيء اخر) ياربي متى بنستوعب ونوقف مع انفسنا وقفه صادقه ونراجع حساباتنا


    * * *


    فيه فئه مو منتشره مره وانا بحكي عنها فالاخير لانها مانتشرت الا فالفتره الاخيره وودي القي الضوء عليها <<<حلوه هالكلمه احسها كوووووشخه. ابي احكي عنها عشان الكل يستفيد..


    طلعت الظاهره صايره فاشن هالايام

  2. صاحبة الموضوع
    (الاقاااارب)
    وصدق من قال ان الاقارب عقارب
    فالفتره الاخيره قاعد يصير شي غريييييب مع بعض البنات
    تلقاها تحب قريبها من مبدأ ان القريب ارحم من الغريب.. او من مبدأ ان القريب أأمن ومستحيل يضرها..<<<مادري وش يحسون بالضبط
    فجاه وبطريقه اغرب من الغريبه تصير العلاقه التعيسه يتميلح ويحاول يقرب منها باي وسيله تصير عاجبته من اول ويحوووس ليين يوصلها
    ولين وصلها كانه مالك الدنيا ومافيه <<<ياعيني على الحب الفجأه
    وتبدا الرحلة القبيحه
    طبعا فالبدايه البنت تكووون خجوووله سواء كان طبيعي ولا مصطنع عشانه قريب(ماتفرق كثير) والولد يكووون الاخلااااااااق ياربي الظاهر مافي احد اخلاق فالدنيا كثره<<<<تعب عشان يضبط هالدور
    وعشان يثبت حسن نواياه واخلاقه الحميده(امحق والله) يقولها " انتي قريبتي وفعيوني ومستحيل اضرك وترى الي بينا مبني على شي واحد الا وهو الزواج يعني انا من البدايه ابي اقولك ان ماراح يستمر الي بينا الا اذا وافقتي على شرطي الي هو اني اتزوجك اذا ضبطت الامور انا مابي الي بينا يكون مبني على على حرااام لاا استغفرالله انا نواياي شريفه "<<<<الله يستر من هالنوايا يالقريب
    وتفرح البنت الغبيه بان قريبها صاينها ونيته شريفه وتبدا ترسم الاحلام الورديه مع قريب الغفله وتمر الايام وايام والي بينهم يكبر ويصير كل شي بالنسبه لها وهي المخلصه الصادقه الي تصدق كل كلمه يقولها<<<طبعا قريب يكذب لاااااامستحيييل
    وتنخطب من فلان وفلان وترررررفض تنتظر قريب الغفله والحبيب المزيف <<<ياحياتي يالبنات مشلكتهم يصدقون
    وطبعا عشانه قريب تستحي تقوله متى تجي تخطبني تخاف يحس انها ميته عليه ولا انها ميته على الزواج ويخرب البرستيج<<<ياعيني على البرستيج الي ضيع حياتها
    وفالاخير لين طفح الكيل فيها تجرأت وسألته عن موعد الخطبه المنتظر بكل وقاحه يرد عليها "والله انا مااقدر حاليا انتظري لين تزين الاوضاع ولا اقول اذا جاك احد كفو لاتردينه عشاني انا مابي اخرب حياتك واوقف بطريقك وبعدين اذا ماصار نصيب وماتزوجتك تقولين انت السبب "<<<لا تعليق والبنت فهاللحظه تنسبه وتسكت ماتدري وش تقول وش موقفها بعد هالحب وهالعلاقه والكلام والتتخطيط لزواج والتخطيط لتفاصيل الدقيقه قبل الكبيره هذا الرد وبكل برود والمشكله تكون عارفه ان اموره ضابطه ومافي شي معطله وان كل الي يقوله اعذااار فهاللحظه بس البنت ودها تموت ولا تعيش هالموقف
  3. صاحبة الموضوع
    بصراااحه شي يقهررررر ويرفع الضغط اذا القريب من لحمي ودمي سوا فيني كيذا اجل مالوم الغريب
    ليه النوايا السيئه؟ ليه اللعب حتى مع اقاربكم وشعر وجيهكم؟ لهادرجه مات الاحساس ماتت النخوه ؟؟ تشوف عمك ولاخالك والا الي هو قريبك الي يصير ابو البنت الضعيفه الي انت لعبت عليها وتسلم عليه وتسولف معاه وانت تخونه؟؟ اعنبو بليس مافي احساس مره وحده وياليتك بتتزوجها كان هانت..السالفه ومافيها (بنت صعبه بالنسبه لك تبي توصلها وماقدرت تحمست لها ووصلت لها ورميتها ) انا ماقول الا حسبي الله ونعم الوكيل
    وطبعا مااعفي البنت من المسئوليه في اللي صار لها لان لو من الاول وقفت بوجهه وصدته وقالت له اذا تبيني انت تعرفني وتعرف اهلي تبيني عندك الوالد اخطبني <<<هذا الكلام الصح
    بس مشكلة البنات فيهم فراغ عاطفي ويجيهم واحد شاريهم وقريب ويحسسها بالامان وتصدق نصيييييحه يابنات لاتعطونهم الي يبون ولاتخلين نفسك رخيصه له ولا للغيره لان اذا ارخصتي بنفسك عشانه بيجي يوم ويرخص فيك..





    وفالاخير
    بالنسبه لكل فئه ووضع ذكرناه
    الي تقولي مرره احبه ماراح اقولك انتي كذابه ماتحبينه او هو مايحبك لا بس فكري من جانب انو كل هذا راح يختفي بيوم راح يختفي بمجرد مايلقى الافضل او مجرد مايفكر يتزوج
    او اي سبب راح تتركينه غصب عنك وقلبك معلق فيه وفكري لو انتي اتخذتي قرار ولا ولد ولا شخص راح احكي معه
    وتوكلتي على ربك وتدعين ربك يعينك ع تركه واحسنتي نيتك كيف نفسيتك بتكون
    انتي فكري معاي انو هدفه يستغلك مو شرط يستغلك وصوره وابتزاز وحاجات كبيره يستغلك يعني وقتك يتسلى عليك يسولف معاك اذا فاضي يجيك كأن مافيه الا انتي ف الحياه وهو فيه الفين وحده وانتي تتحمسين وتسولفين وهو متكي موسع صدره


    يعني ياحبيبتي

    المفروض بالاول والاهم نعرف حكم هالشي طيب انا اقول مثلا عادي ما اسمعه ولا يسمعني مجرد كتابات بينا او مثلا الي تكلم تقول بس اكلمه ماطلعت معاه والي تطلع تقول بس ننبسط ماصار شي اكبر وعلى هالحاله.. طيب انتي تعرفي انو المعصيه تجر المعصيه والحسنه تجر الحسنه؟ مو تلاحظي لما تحكي مع هذا وفجأه يطلع ودك تحكي مع ثاني و ماتلاحظي اذا مثلا قريتي قران اليوم ودك بكره تقرين بعد


    طيب انتي تعرفي الاثم ايش؟ الاثم هو ماحااك في نفسك وكرهت ان يطلع عليه الناس وهذا الي يصير لاتقولي احكي والبنات يتفرجون علي
    لا مو هذولي الناس الي تكرهين يطلعوا ع الاثم.. وانتي احكمي كل حاجه تسوينها في الخفاء وماتخافين احد يدري عنها هي اثم
    ومره سمعت الدكتور طارق السويدان يقول اذا سويتي معصيه ومااتبعتيها بحسنه ع طول بعدددها ع طول لو " استغفرالله" وقعدتي وقت بعدين سويتي حسنه ماتمحي السيئه :( لازم تتبعينها ع طول واذا تبعتيها ع طول تروح صدقيني تروح)


    وبعدين مو معناته قعدتي سنوات تغلطين خلاص مافيك امل وادمنتي وتعودتي عليهم
    لا ياقلبي صدقيني ربي يحب الي يذنب ويستغفر ويتووووب وربي يفرح بتوبة عبده مايكفيك هالاحساس ان ربك الي خلقك بيفرح بتوبتك وش تبين اكثر ؟؟(عن أبي هريرة رضي الله عنه عن رسول الله صلى الله عليه وسلم أنه قال قال الله عز وجل
    (أنا عند ظن عبدي بي وأنا معه حيث ذكرني والله لله أفرح بتوبة عبده من أحدكم يجد ضالته بالفلاة ومن تقرب إلي شبرا تقربت إليه ذراعا ومن تقرب إلي ذراعا تقربت إليه باعا وإذا أقبل إلي يمشي أقبلت إليه أهرول)
    بامانه وش حسيتي بعد ماقريتي هالحديث ؟؟؟ اكيد كل وحده حسة بشعور صعب انها توصفه.. بعظم وسعة رحمة ربي.. حسيتي انك ولاشي!! وانتي تغلطين وتتذكرين ذنوبك.. وكيف الشيطان يوسوس لك انك خلاص مستحيل تصيرين انسانه زينه من جوا قبل من برى .. دايم يحسسك بالضعف وانك ماتقدرين .. الحين خلاص تاكدتي انك اذا تبتي ربي بيغفرلك وينتظر توبتك ويفرح فيها بعد خلاص انتي الحين اذا تبتي من هاللحظه بتضمنين دنياك واخرتك .. وش تنتظرين ماتتوبين ؟؟. رحمة ربي واااااااسعه "ياااارب اني استغفرك واتوب اليك" تضمنين حياتك .. تضمنين دقيقه من عمرك جايه عشان تاجلين التوبه .. لي متى ناجل؟ لين متى نقول بكره بنتوب.. ؟ خلونا نصير صادقين مع انفسنا هالمره ونستغل هالشهر الفضيل والعشر الاواخر بالتوبه النصوح .. وندعي من قلب..
    مايكفيك انك صرتي من الي الله يحبهم بسبب التوبه.. يعني تاثيرها ايجابي على حياتك فكل شي انتي المستفيده سواء من حياتك وكيف بتمشي صح وتكسبين محبة الله ورضاه.. قال تعالى:( إن الله يحب التوابين ويحب المتطهرين) يعني ربي في كتابه الكريم اعلن محبته لك اذا تبتي والله شي يحسسك بحماس انك بتسوين شي يفيدك وبتضمنين محبة الله بعد.. ترى مو عيب نغلط واحلى احساس تعرفين غلطك وتستوعبينه و تتركينه راح تجدين احساس بالراحه مايوصف
    تخيلي فيه ناس مساكين ربي مافتح لهم ومانور عليهم ومازالوا مستمرين لانه مايحبهم ولايحب يسمع صوتهم وهم يدعونه ف ااحمدي ربك لو على الاقل حسيتي بتأنيب ضمير بعد كل محادثه او مكالمه هذي بشارة خير صدقيني معناته مو راضيه وراح تتركينه باذن الله
    * * *
    وانتبهي من حاجه الشيطان
    احيانا يخليك تقولين وين انا مستحيل سويت اشياء كثير غلط بس هذي حياتي وماراح اتغير واحيانا كل ماجيتي تتركين يحسسك باخطاءك القديمه
    فحبيبتي انتبهي تعطينه مجال قولي ايه انا سويت كذا وغلطت وراح اتركه


    وخلي في بالك " من ترك شيئا لله عوضه الله خيرا منه" بس انتي كوني صادقه بلحظه وربي بيعوضك
    وكرري ربي اجرني في مصيبتي واخلفني خيرا منها لا تقولين مو مصيبه هذي للي يموت او يمرض لا هذي مصايب دنيا واحنا همنا
    اشياء اكبر من الدنيا


    الحل بسيط جدا ... تنهين هالمأساة من حياتك تقولين بكره بفكر بشوف.. راح تطول وتسولفين وتنبسطين وتنسين
    مو تحذفينهم وبس؟ لا هذا غلط بتجيك نكسه بعد الفله والسوالف والضحك ماعاد فيه احد لا تفكرين في شي تسوينه وقت ماكنتي تحكين معهم
    مثلا اعرف وحده ادمنت العاب وقيمز واعرف الثانيه صارت بروفيشنال فوتوشوب والثالثه انواع الكتب تحملهم وتقرا وتدوخ وتنام رهيبه هذي
    وبعضهم انشغلت بدراستها تقول صرت شي ماكنت اتوقعه
    اني اقدر اوصل له ومااقدر احدد ايش ممكن تشغلي وقتك خاصه هالايام المجالات كثيييره بس يبيلها عزيمه واصرار




    ماراح اقولك الكلام القديم انتي ورده واذا لمسها كم شخص تذبل معليش مايسوي شي هالكلام


    لو شريتي حاجه من محل ورحتي للثاني ولقيتيها اقل من السعر الي شريتيه ونفسها هي ترضين مو تحسينه استغلك؟ يا حياتي هذولي قاعدين يستغلون كل دقيقه من حياتك يعني لو جلستي خمس دقايق صامته ف غرفتك بدون ماتسوي ولا شي بس جالسه ماعوقبتي عليها بس خمس دقايق معاهم فيها استغلال واثم يعني زود ع هم الليالي ... مشفر




    طوووووولت


    ^ ! ^
    الدعاء
    ادري بس فيه شي مرره مهم عن الدعاء احنا دايم ندعي اذا جتنا مصيبه او اختبارات او مرض لنا احد او ... اي مصيبه
    ليه ماندعي ربي قبل ماتقع المصيبه يعني تقولين ربي استرني واحفظ عرضي حتى لو مافيك شي ولا سويتي شي بس الوقايه خير من العلاج
    و النبي صلى الله عليه وسلم : كان يقول اللهم إني اعوذ من زوال نعمتك وتحول عافيتك وفجأة نقمتك ، وجميع سخطك
    شوفي يدعي قبل ماتحل المصيبه مو مثلنا بعد ما نتلخبط وتنحاس الامور نبدا نتذكر وندعي عودي نفسك ع هذا الشي






    ألا كل شـــيء ما خلا الله باطل ... وكل نـــعيم لا محالة زائل
    ********
    إذا ساء فعل المرء ساءت ظنونه ... وصدق ما يعتاده من توهم
    ********
    لعمرك ما يغني الثراء عن الفتى ... إذا حشرجت يوما وضاق بها الصدر






    والله وربي شاهد علينا نحببببببببببببكم
    ونبغى لكم احسن حياه ومن ترك شيئا لله عوضه الله به خيرا منه واحنا في العشر الاواخر من رمضان ان شا الله نتوب ونكتب من المعتوقين من النار يااارب.. ونبغى هالحمله توصل لااااااااااااااااااااااخر مكان بالدنيا وكل وحده باذن الله بيجيها الاجر .


    ساعدونا ولكم الاجر ان شاء الله

تابعي تجارب أخرى من هذا القسم.