قولي آمين ياصبح و ليل يا بنت .... ( وش أسم أمك ) جعل الله يوفقك و يسعدك دنيا و آخرة ...
حركتك رووووعة ، وهي أول حركة سويتها لحلالي و أنهبل عليها و دائما يحكي بها و يلمح أنه وده بها ،،،
بس أنا عدلت شوي علشان ظروفنا غير... شوفي وشلون:
بحكم أن حلالي عمله مسائي ،، فهو يقوم الصبح و يودي الاولاد للمدرسة ثم يجي و يرجع ينام ،، بس ذاك اليوم ما رجع و نام خخخخخخخخخخخخ طيرت النوم من عيونه شوفوا وش سويت:
بعد ما طلع حلالي هو و عياله ،، على طول بديت الشغل:
حضرت صينية الفطور و حطيت الصحن المقسم و فيه سندويشات توست سويتها في ألة التوست ، و بيتزا كذابة الي بالصمولي ( كنت محضرتها من الليل و الصبح حطيتها في الفرن )
سويت شاي في نفس الابريق الي عرضتيه و حطيت معه كوب واحد ،، و جبت نفس الكاس و حطيت وردة من حديقتنا و كنت مساوية ورقة صغيرة معتقتها و كاتبه عليها أبيات شعر حلوة و لفيتها و ربطتها بشريطه حمراء نفس لون الوردة و حطيتها مع الوردة و طبعا مناديل حمراء مزخرفه... و جبت صحن بلاستيك و حطيت في شموع صغير حمراء و معها ورد مجفف أحمر ، و بعدين وديتها لغرفة النوم و حطيتها على طاولة وردية ( أصلا غرفتي وردية فاتح و مفرش السرير وردي غامق ) و عندي في الغرفة أنارة وردية و الغرفة أصلا لونها وردي و أبيض فسكرت الانوار وولعت أنارة خفيفة مرةةة و معها ولعت شموع كبيرة ملونة أحمر مع وردي مع أورانج ووزعتها في الغرفة ،، و بعدين عطرت الغرفة على خفيف لانه الشموع أصلا معطرة ،، و بعدين سويت مكياج خفيف و لبست لبس بيت ناعم ،، و سكرت الغرفة و رحت الحمام أكمل مكياجي حتى ما يدخل فجاة و أناما خلصت و طفيت قبل أنوار الجناح و عطرته بمعطر جو خفيف بريحة الورد .....
هذا الي سويته بس و الله حلالي مرةةة أنبسط و قال بالحرف الواحد: ما ذكرتيني الا بفنادق الخمس نجوم ،، وش خمس نجوم الا ألف نجمة...
هاه وش رايك ،، و مرةة ثاني مشكورة على هالحركة الحلوة ،، و انا ودي من زمان أشكرك بس ما جات فرصة ،، بس يالله هذي هي...
و سلامتك ياعسل....
إفطار على السرير لأبو العيال
متابعة النقاش، صفحة 11