الله يكرمكم بجنة الفردووس .. ساعدوني محتاجه إلكم كثييير

السلام عليكم ورحمة الله وبركاته ..

بناات الله يكتبلكم الخير يارب ويحققلكم كل أمنياتكم ياارب..محتارة بموضوع وحابة تشاركوني الحديث والله مابعرف كيف بدي أبدأ فيه .. أول شيئ انا من وأنا صغيره كنت أعاني من معاملة والدتي إلي .. انا كنت الكبيرة بين خواتي وماكانت تتقبل مني أي شيئ كانت دائما تعترض على تصرفاتي أنا بطبيعتي هااادية وبحب القراءة .. وكانت أختي الأصغر شعلة من الحركة ودائما مزح مع الوالده الله يطول بعمرها ويصلح الحال يارب .. انا كنت امزح بس على الخفيف كنت أحب احكي عن الكتب عن امور بهتم فيها وكانت بعيدة عن اهتمام والدتي .. كبرت وصار عندي عقدة .. يابنات صار عندي اهتزاز بثقتي بنفسي ولو اني بحاول اظهر عكس هالشيئ لكن والله بشعر بالنقص داائما .. مع أني من ناحية الجمال فوق المتوسط عيوني سماويه وشعري أسود ..والكل بيمدح في لكن انا بكل النواحي عندي شعور بعدم الثقه بسبب معاملة والدتي لي .. كبرت وبعد ماخلصت دراسة ثالث ثانوي كان لي الخيار من والدي الي كان طوووول عمره معي وبكل المواقف كان يدافع عني وينصح والدتي انها ماتظلمني ولولاه جنبي كان يمكن مت قهر ..المهم الوالد سمحلي اختار المكان الي ادرس فيه وانا ملتزمه بحجااابي كامل والحمد لله .. اخترت بلد ثانية والله ماهو للدراسة بس عشان أهرب من البيت ومن مشاكلي مع أمي .. لأني كنت أكتم بداخلي وماأتكلم .. وسافرت 4 سنوات والان تخرجت قبل شهرين ورجعت للحياة عند أهلي .. بالبداية كانت الأمور هادية وبدأت ترجع مثل السابق .. والله يابنات بنام ودموعي على الوسادة مابعرف كيف نمت ..انا بيتقدملي كتير ناس كنت ارفض بحكم اني مازلت بدرس وكمان ماقدر الله انه تصير موافقه سواء من طرف اهلي او من الناس .. الان عندي خووف اني أضل عند أمي لاني راح اموت بدري بسبب الضيق الي بداخلي والسكووت .. انا طبعي كتوومه كتيير وهااادية ومابرد ولا بكلمة عليها والله بدعي يارب صبرا جميل وبالله المستعان وبدعي ياارب فرجك علي .. الان متقدملي شخص سألنا عنه هو من ناحية الأخلاق والدين والعلم والوظيفة الحمد لله ممتاز وبشهادة الناس فوق الممتاز .. لكن في أمر بسيط انه هو بالطول طولي تماما انا طولي 164 ووزني 55 وهو نحيييف وتقريبا طولي .. الكل بينصحني أفكر وفي من أقاربي معترضين الكل بينصحني انه اخذ شخص أطول مني او مواصفات شكلية تانيه .. والله يااابنات انا بنت بسيييطه بس صار عندي خوف من كلام قرايبي انه ارفض وانه بيجيني واحد بيناسبني شكلا .. هو متوسط الجمال .. والدي الله يحفظه ويبارك في عمره نصحني افكر فيه لانه ممتاز وكرر قدامي الرجال مايعيبه طوله ولا شكله .. يعيبه خلقة ودينه وهو على خلق ودين .. يابنات استخرت ودعييت بالسجوود ان الله يعطيني ايه لحتى ارتاح .. وحلمت انه شخص اعطاني ورقه مكتوب فيها إذا جاءكم من ترضون دينه وخلقه فزوجوه .. بس يابنات خاايفه كتيير وخايفه مايسعدني .. خايفه انه حياتي مع امي تتكرر مع الشخص والله صار عندي عقده نفسييه .. يابنات لم سافرت اول سنه تعبت من الغربه واتصلت على اهلي على اني ماأبي الغربه وابي ارجع لحياتي عندهم .. والوالده ماكانت معي واني قطعت فصل بالدراسه ومالازم اتركها .. ماشعرت بقربها مني ولا يوم .. هي الان بتحاول تحسن الوضع لاني دائما بترجاها انها ماتعقدني اكتر ومرات ببكي قدامها .. هي يابنات والله طييبه وملتزمه لكن مابتتوافق معي .. بحاول يابنات أسايسها وأقرب منها .. مرات بنجح ومراااات بفشل .. بس انا برضيها وبطيعها وبساعدها بكل شيئ .. خايفه ارفض الشخص المتقدم ومايتقدملي شخص بنفس الخلق والدين واتعذب عند امي .. وخايفه يجيني شخص شكلا افضل ويعذبني متل امي .. سامحووني يابنااااات بس والله مابعرف هل كلامي فضفضه ولا شكوى .. يارييت تنصحوني من قلب وكل وحده تحط نفسها مكاني وتنصحني بالي بيرضي الله .. والله يكتبلها التوفيق والسعاااده يااارب بحياتها .. ارجووكم يابنات كونوا معي محتاجه لوقفتكم معي ..