ميس وأسيل
يا هلا يا اهلا والله بكل المتزوجات والله انج عسسل ودمج خفيف :) وكل البنات العزابيات باجر يتزوجون فالكل لازم يتعلم بس المشكله فيكم يالمتزوجات ماتتعلمون خخخخ يالله ميخالف كلنا لبعض وكلنا بنات حواء وخلقنا من أجل أبناء آدم
اللي مغلبينا آخر غلب وبهدلونا آخر بهدله :D
الكلام اللي ذكرتيه كله مهم جدا ولاحظي هالنقطه اللي ذكرته ركزي عليها عدل
5- لو كنتي زعلانه مثلا .. لاتسمعينه كلمة احبك او اي كلمه حلوه .. اكتفي بالصمت ترى يعذب .. لو كسر فيج خلي عيونج كلها دموع .. في الشغلات البسيطه .. اما القويه ردي عليه بعد ماتاخذين نفس عميق وتهدين اعصابج .. قولي له رايج واحساسج عشان يعرف انج انسانه مو طوفه مالها اي شعور فاهميني!
لو كان رجل غلطان بحقج ... ويختلف حجم الغلط وهني دور العقل يعني لو صغيره لاتكبرينها ولو كبيره لا تكبرينها وصغريها عشان تحتفظين بزوجج لو كان له قدر عندج وتبين تراضينه ويرضيج والله يدوم المحبه بين الازواج
بس الرجل اللي يغلط ويكون سيء هذا يبي له درس :D ودرس قوي بعد عشان يندم لكن الانتقام ماراح يكون بالقوه انا اقولج اقوى سلاحين
1- الريج الناشف
2- عدم المبالاه فيه
3- والاهتمام الزايد بنفسج وتدليعج لنفسج بيقهره بحسسه ان مو هامج صدقيني هما الرجال جذي .. مثل الظل يلحقونج لو لحقتيهم انحاشوا طيعيني وبتشوفين الخير
اول شي في حدوث اي شرخ او مشكله .. تقعدين بروحج ترتبين افكارج وتعيدين حساباتج تطالعين شنو اخطائج وشنو حسناتج .. الخير والشر اللي سويتيه له
بعدين تصير مواجهه .. ومصارحه بهدوء .. الأخذ والعطا .. وتكسرين كلامه لو كان غلط لا يقولج انا رجال ويقعد يخربط على راسج واجهيه بمسؤولياته تجاهج واجهيه بأوامر الدين والمفروض عليه كزوج وباسلوب راقي وابتعدي تماما عن الصوت العالي والانفعال لان يضر ياعمري ما ينفع .. لا تيأسين اخذي معاه بالكلام لآخر نفس لو عصب وخربط بالكلام وانتي ماغلطتي واجرحج اهني اخذي موقف منه الجأي للصمت وربي يحترق .. احقريه ابتسمي وطالعي اي شي باهتمام او كلمي صديقاتج بالتلفون وقت مايدخل وضحكي مو مهم تسوين هالشي حسسيه ان ماله قيمه
بس لو غلط عليج .. الصدمه يبيلها مواجهه .. مصارحه .. اصلاح .. بعدين يتأسف لج قبلتي كان بها ماقبلتي مفروض عليه يرضيج باي رضوه كانت
ومنتي بحاجه اتمثلين ياعمري المصارحه تصفي النفوس .. عقبها تدلعي وتغنجي عليه ليل نهار خخخ .. بس هونج عالريال :)
وممكن تستخدمين هالسلاح وقت مايكون قاهرج خليج اغراء شوقي لج بس لا تعطينه ريج حلو ولاتتجاوبين معاه خليج طوفه هبيطه عشان ينقهر لوول
ولو اني موعارفه شنو نوع المشكله عشان احكم بس قلت لج رايي :)
لحياة زوجية أسعد كوني أنثى
متابعة النقاش، صفحة 5