أهلي مانعني من الحمل

ياقلبي اهلك مثل نوعية اهلي عندي بنتين بينهم سنتين وشهرين وحده داخلة الخمس وحده داخله الثلاث
واذا ابي اروح لمستشفى او ابي ازور وحده ومو متاخره والا ابي اجيب غرض من السوق مايخذونهم حتى اذا سافر اجلس في بيتي
وتعودنا انا وزوجي ناخذهن وين مانروح مع زوجي مديون وعلى قد الحال
مافكر اجيب الحين لحد مايكبرو بناتي وتزين ظروفنا والعيال الله يجيبهم
وبالنسبه للعمر انا معاك عمر الحرمه قصير مايجي عمرك اربعين الا انتي على وشك توقفين وحريم الحين مو مثل قبل الحين يالله بمثبتات وابر
وان من رايي سوي اللي بخاطرك وماعليك من احد ولا راح ينفعك الا عيالك ويكبرون وينفعونك انتي وابوهم والنفاس خليه في بيتك اريحلك نفسيا

شوفي انا ما أجامل ياقلبي والله اني اتكلم جد يعني مااقول هالكلام علشان اواسيك بس من جد والله صغيييره ليش مكبره نفسك والله صغيره
وبالنسبه للحمل انا اقول لو تصبرين مو علشان اهـــلكـ لا علشانك انتي ع الأقل يدخلون تمهيدي هالطفلين يعني يكبرون شوي وبس هذا رايي بكل صراحه والله يكتب لك اللي فيه الخير

اصلا من البدايه المفروض ماتناقشينهم عن الحمل والولاده هذا شيء يخصك انت وزوجك
وتدرين ترى اهلك من النوعيات اللي اتقبل منها رائيها لانهم واضحين احسن من اللي يبدون استعدادهم ويلومونك اذا خليتي عيالك معك واذا حطيتيهم عندهم اهملوهم واهملوك

خليك حرمه سنعه واحملي وولدي براحتك
لا اهلك يتدخلون ولا شي
انتي قدها احملي وجيبي وربي بدون مساعده احد عدي نفسك انك بغربه كأنك بامريكا