احنا كن نفطور عند جدتي (ام امي ) الله يرحمها السنه اول رمضان وهي مهي معانا وكنا نفطور جبنه بيضاء وزيتون ودبيازه ومختوم وعيش الحب نجمع كل العيله بنات واولاد الخالات والخيلان وهذه السنه خالي قال الفطور عنده احس انه من غير طعم وحبيبيت الغاليه ما في الله يسكنها واسع جناته هي وابي الغالي واخوي الحبيب الله يرحمه جميعا وجميع موتى المسلمين
الفطور كان في بيت اهلي نواشف وشعيريه عليها بيض مقلي مع حليب وطبعا القهوه والشاي والحلويات... بس من مرضت امي الله يشفيها ويعافيها ويرفع عنها وكلن يفطر في بيته اما من جهة اهل زوجي فما عندي احد ... امه متوفيه واخواته في امريكا واخوانه كلن في حاله... الأعياد زمان يازينها كل عام وانتم بخيـــــــــــر
حنا يمعتنا عند يدتي كل وحدة تييب نوع حلو معاها وقهوة ونتقهوة ونتجمع انا وعممامي والجيران وكل وحدة تجيب اكلة يريش وقرصاان ومرقوق وهريس وابوي كبير العايلة الله يحفظة ويطول بعمرة ييب ذبيحة ورز واذا تجمعنا نبدأ بالقرقيعان حق الاطفال بعدين قرقيهان الكبار بعدين القهوة والحلو وبعدين هجوم عالسفرة وكل عام وانتم بخير وهذا عيدنا