عزيزتي رشيقة حواء
عشان تزيدين من قوتج الايجابية إنج تختلقين موقف إييب لج السعادة .. النظرية هني إنج تييبين شعور السعادة حق عقلج عشان يعطيج اللي تبينه
أبي أسوي معاج تجربة ..
قولي أبي قلبي يطق حيل .. لاحظي قلبج .. طق حيل ؟؟ ما أعتقد يطق حيل بأمر !!
بس ألحين تخيلي شي يخرعج حيل .. مثلا إنج قاعدة تمشين بمكان ظلمة و خايفة حدج << تخيلي صج عاد خخ
اللي تتخيل صج و تعيش الدور راح تلاحظ إن قلبها بدا يطق حيل تدريجيا مع قوة الخيال أو حتى ساعات لما تكونين حلمانة حلم يخرع تقعدين مخترعة و قلبج يطق نفس الكلام
النظرية إن العقل و الجهاز العصبي ما يفرق بين الحقيقة و الخيال .. فلما انتي تتخيلين شي يخليج سعيدة هرمونات السعادة راح تنفرز بجسمج حتى لو كنتي قاعدة بمكانج بس تتخيلين ..
يالله خل نتخيل مع بعض .. إحنا رشيقات ..نمشي بالشارع بكل خفة و رشاقة اختلقي موقف مثالي من خيالج .. مثلا أنا كنت ماشية بالسوق و لا تييني وحدة و تسألني ماشاء الله انتي وايد رشيقة شنو سر رشاقتج ؟؟ و كتبي شنو كان انفعالج .. حسيت إني طايرة من الفرحة .. بس حاولت إني أبين إني عادي و قلت لها تخفيف شوية بس قولي ما شاء الله لا تحسديني خخخخخخ
.•:*¨`*:•. أكــــاديـــــمـــــيـــــة الإيــــــجــــابـــيـــــات .•:*¨`*:•.
متابعة النقاش، صفحة 93
