مشكلتي ان امي الله يهديها تفرق بين عيالها
يعني تغلي وحده من خواتي كثير وتفضلها علينا وتحب عيالها وتهتم فيهم ويا ويل اللي يلمسهم او يجيهم
وبحكم اننا نجتمع دائما عند الوالده اكيد الاطفال بيحتكون ببعض ويتهاوشون تقوم امي تعصب على عيالي
اقول لكم مثال وربي ضاق صدري من موقفين صاروا
الموقف الاول عندي بنوته الله يحفظها عمرها ثلاث سنوات واربع شهور تلعب ومرت بالصاله من عند سلك التليفون وماشافته وفصلته انفصل السلك قامت امي قالت ليه فصلتيه الله يفصل رقبتك التفت انا على امي قلت حرام لاتدعين هالدعوه استغفري كل ذا عشان سلك تلفون انفصل
والموقف الثاني
نفس بنتي هذي كانت مع بنت اختي لوحدهم وجت بنتي عضتها وبكت بنت اختي وكلهم قاموا يهاوشون بنتي ويطالعوني وامي هزأت بنتي واختي تقول هاوشي الشغاله وينها عنها ماتمسكها وامي عصبت عشان بنت اختي وانا رجعت بيتي ضايق صدري حتى زوجي ما اكلمه وهاوشت بنتي حتى نامت وهزأت شغالتي وقلت لاتتركينها ابد ما ابغى مشاكل
والله يابنات ضايق صدري وحاسه بالذنب مادري ليه وحبيت افضفض لكم
شاركي في النقاش
سجلي الدخول لإضافة تعليق.
التعليقات
47- :44:
- ياقلبي حسيت بمووقفك كثيررر
وأصعب شئ لما تحسين أن امك تفضل أحد من اخواتك او اولادهم عليك ..
لاتخلين الشيطاان يفررق بينك وبين أمك وأختك والله هالشئ كثيرر اشووفه وحااصل بكل البيوت ويمكن بنتك الله يهديها شقية شووي فتثير اعصااب امك لكن لاتشكييين لحظة بغلاتك عندها وغلاة بنتك..
تحملي عصبية أمك ولاتجلسين تقاارنين ترى بتتعبين ...
انت انتبهي لبنتك وحرصي شغالتك عليهاا وفهمي امك واختك انهاا طفلة وكلنا عارفين بعض الاطفال وشقااوتهم
وسعي صدرك تررى مشكلتك ماتنعد بس الشيطاان يكبرهاا لك وينكد عليك حياتك مع زوجك حراام ماله ذنب
وأمك خذيهااااااا نصيحة مني لاتلومينهاا ولاتطالبينهااا بشئ ابد وتذكرري حقهاا عليك بالاحسان والبرر
والله يسعدك ويريح باالك :26: - الله يهدي بعض الامهات
- صدقيني امك تحبك بس يمكن بنتك الله يخليها لك شقية شوية وامك حرمة كبيرة ماتتحمل ازعاج الاطفال
والله صدقيني انا بنت عمري ٢٥ يعني نسبيا صغيرة ولكن لما عيال اخواتي واخواني يصرخو شوية اهرب منهم وابتعد واحيانا اصرخ فيهم لانه والله محد صار يتحمل..... بس يمكن لانها بنتك فكنتي حساسة شوية المشاركة المقتبسة غير متاحة.
صادقه الاطفال يتصالحون والكبار يتمشكلون
الله يصبر ويعين
مواضيع مشابهة
تابعي تجارب أخرى من هذا القسم.