امهات الأطفال الخدج هنا التجمع حياكم معانا/ الجزء الخامس

باذن الواحد الاحد بتجاوز كل هالمراحل وبطلع لك سليما معافا من كل سوء يارب دايما استودعيه الله والله يام ايودي بنتي الله يحفظها مرة لما رحت ازورها تمنيت اني مارحت حالها تعبان مرة وماتخيلت ابد انها تعيش والحمد لله يارب مرحله وعدت وماشاء الله عليها الحين خلي املك بالله كبييييييييييييييييير وبيرضيك ان شاء الله

لا ماعليك انتي بس نزليها وبتشوفينها ماترتاح ولاتسكت الا لما تحطينها بحضنك وانصحك دايما ضميها لصدرك عوضيها الايام الي كانت بعيده عنك

شوفي انا جربت خديجين بنتي الكبيرة نزلتها بعد شهريين من الحظانه وكان وزنها كيلو و700 غرام وكانت ايام بررررررد حطيتها بغرفه دافئه وكنت في الليل انومها بحضني بس تنتبهين اذا نومك ثقيل لالالالا بعديها لاتنقلبين عليها وتجبين خبرها الله يحفظها لك ان شاء الله
ولما اجي غير لها احط دفايه عندي واسكر الابواب يعني احرص عليها مايجيها برد والترويش شهريين ماروشتها بس امسحها يوميا بالمناديل جونسون وامرخ جسمها كله بزيت زيتون مقري عليه وتصدقين انا وابوها واخوانها كلنا ننام بنفس الغرفه لان هالغرفه ادفى غرفه بالبيت والحمد لله ربي سلمها وتحرصيين بعد مايجيها احد مرشح (مزكوم)وانتبهي من المنظفات (الكلوركس -الفلاش وكل المنظفات الي لها ريحه قويه وريحة العطور والابخره والقلي والطبخ لانها تكتم

وولدي الله يحفظه ويسلمه نزلته على مسؤليتي كيلو و600 غرام والدكتوره الله يسعدها شجعتني قالت اكيد انتي امه وبتنتبهين له اكثر من الممرضات وقالت لي عامليه عادي زي اطفالك الاولين بس احرصي من المرشحيين وارضعيه من صدرك نزلته ونفس الشئ حطيته بغرفه لحاله ارضعه واغير له ودايما ارقيه واخلي القران شغال عنده بس ماينام الا بحضني اسبوع وبعدين خلاص حطيته عندي بغرفتي و اخوانه لازقين فيه وبعد تنبهين لها من المكيف ودهنيها كل يوم بزيت زيتون ويوم تروشينها احرصي عليها من البرد والهواء واعطيها الحلبه وسكر نبات بيزيد وزنها وزين للعظام واذا كنت ترضعينها من صدرك ياسلام
ودايما استودعيها الله هو خير الحافظين وتوكلي عليه
اعرف وحده الحين ماشاء الله عليها ام عيال وهم بدو تقول انا جابتني امي بالسابع وحطتني بكرتون ترضعني وتنظفني وترجعني له علشان الهواء والاتربه وريحه الغنم والابل
ووحده الحين من جيران اختي يوم جبت بنتي جابت بنت يمكن كيلو او اقل ولانهم اجانب وماعندهم شئ تعرفين الحضانه باليوم 1000ريال نزلوها وقالوا اذا الله بيسلمها اذا هي عندنا ولاعندهم والحمد لله ماشاء الله تبارك الله الحين عمرها 3 سنين ومافيها الا العافيه

ام ايودي =المحتاره بالاسم-مناجاة الله=ام ايمان =هدير13=ام ابوصطيف=همس 2007=ابتسامة عشق=دنيا الريد = السيده سبورتيه والجميع استودعدتكم واطفالكم وكل احباءكم الله الذي لاتضيع ودائعه
اليوم مسافرين وان شاء الله ارجع واسمع اخبار حلوووووووووووه عن اطفالكم
حللوني وادعوا لنا