.•:*¨`*:•. أكــــاديـــــمـــــيـــــة الإيــــــجــــابـــيـــــات .•:*¨`*:•.

أهلييين حبيبتي
لا تحاتين المهم قاعدة تطلين علينا .. إلا بغيت أسئلج شنو التميز ؟؟
و ما شا ءالله عليج من أول اسبوع بديتي تاخذين قرارات صحية و هذا أحسن شي .. و عن تجربة التمر راح يغنيج عن 100 صنف من الحلويات لفائدته العظيمة و لأنه يشبع حاجاتج من السكر صدقيني .. أنا احتمال أنزل الواجب الثاني قريبا لأني اكتشفت إنه مهم جدا تطبقينه للعيد و العيد ه أهم فترة تطبقين فيها هالواجب .. فممكن بكرة أو اللي بعده أنزله ضرووورريي تطلين علينا و تطبقين الواجب أوكي حبيبتي ؟؟

ماكووو مشكلة حبيبتي المهم إنج سويتي الواجب .. أدري إن الكل عنده ضيق الوقت فكل اللي أبيه هو تسجيل الدحول و عمل الواجب هذا أضعف الإيمان يعني ..
على العموم ضروري تطلين علينا باجر أو الي عقبه عشان الواجب راح أنزله ان شاء الله عشان تطبقونه بالعيد

تم تسجيل دخولكن حبيباتي و لا تحرمونا من طلتكم الحلوة :)

حبيبتي انتي انتقلتي لي المستوى الثاني ..
أصبحتي من طالبة إلى مدرسة .. ان شا ءالله نهاية الاسبوع راح أعطيج شعارج اليديد :)

حبيبتي الحسد هذا مرض نفسي .. و العين مذكورة بالقرآن و السنة أكثر من مرة ..
و الحاسد يكون جاحد و منكر لنعمة الله ما يشوف شنو اللي عنده بس يشوف اللي عند غيره و ما يتمنى الخير حق أحد إلا حق نفسه ..
حبيبتي انتي مؤمنة بالله و عارفة إنه أقرب لج حتى من حبل الوريد .. (( إن الله قريب يجيب دعوة الداعي )) (( أمن يجيب المضطر إذا دعاه و يكشف السوء)) ..
أعتقد فيه آية أستغفر الله مو حافظتها بس بما معناتها لو اجتمع العالم كله يبون يأذون شخص بدون مشيئة الله ما راح يقدرون يلمسون شعرة منه و لو الله ابتلا أحد بشي ماكو شي راد لقضاء الله
حبيبتي التحصن بالله بكل شي لا بد منه (( إن الله لا يضر مع اسمه شي )) كل شي سمي بالرحمن و خلي عندج قناعة طول ما إن لسانج رطب بذكر الله ماكو مخلوق بالدنيا مهما كان جبار و عنده سلطة يقدر يلمس شعرة منج و إذا كان فيه ابتلاء خفيف من الله فهذا من حب الله لج يبي يبتليج عشان تذكرين الله أكثر :)
لازم تغيرين نظرتج للحساد .. اعتبريهم ناس ناقصة يبون يقولون لج انتي وحدة أحسن منهم و عندج نعم يتمنونها بس اتخذوا الطريق الخطأ للتعبير عن هالشي .. و ان شا ءالله ما عليج شر
و استمري على الواجب و خليج معانا و راح تتغير عندج قناعات وايد صدقيني :)