امهات الأطفال الخدج هنا التجمع حياكم معانا/ الجزء الخامس

هلا ام إيمان ان شأ الله يارب
ان ربي بيشفيه والله يخليلك إيمان
وتفرحين فيها يارب
بس ليش شنو السبب ؟؟
والله مالقيت دكتور اسأله والممرضه تقول مادري وطلعت وانا مخوفني شكله يارب تشفيه يارب

وانتي بخير اختي همس

احنا الحمد لله نحمده ونشكره على نعمة الصحة وبنتي تسلم على عيالكم ربعهاا وتعايد عليهم

تكبر ويوم عن يوم احبها ازيد من اللي قبله :o

هلا اختي ام دودي رحتين العصر شي طبيعي ما بتحصلين احد من الدكاترة لان هم ياخذون جولتهم الصبح على المرضى واذا ما تقدرين تروحين الصبح اتصلي فيهم على الساعة 9 تلاقينهم وكلمي الدكتور اللي عليه وان شاء الله يرد على اسالتش ويطمنش والله اني كنت اروح لامونتي العصر الله لا يعودها علينا من ايام وما احصل الا الدكتور المناوب وايام ما احصله ولما اسال الممرضة تقولي عنها كل شي وشنو قالوا الدكاترة لما جوها الصبح لان كل شي يتسجل عندهم بالملف يعني مو معقولة ممرضة تقول ما ادري عيل هي شقاعدة تسوي له وشلون تعطيه ادوية وهي ما تدري شنو هي او حق شنو واللي اعرفه ان الخدج يكونون كل 3 او 4 عليهم ممرضة يعني مو عدد كبير عشان ما تعرف شفيه وكل شي مسجل بملفه حتى وزنه يوميا ينوزن ويتسجل بالملف

والله كنت اروح لها العصر وما اخلي الممرضة الا لما تعطيني تقرير مفصل عن بنتي واخذ ملفها واشوف جم وزنها وجم عطوها حليب ومن الصبح اتصل فيهم واكلم الدكتور

والله يا ام دودي حاسة فيش وودي اجي لج واروح معاج واوريج فيهم واخلي اللمرضة تعطينا تقرير مفصل عنه