السلام عليكم
اكتب لكم وانا مرتفع ضغطي منكم ومن المجاملات اللي مالها داعي
وحده منزله صور فستان العيد مافيه من الحلا نقطه :09:ميزته انه مطلع لحمها استغفر الله العظيم من كل جهه الصدر والظهر والجنوب ومن تحت فتحه الين فخذها الفستاااااان شين شين شين وعاد تخيلو الوضع وهي لابسته راعو عيوننا ياناس يوم العيد بتحوم كبودنا
والثانيه منزله صورة لانجري (اقصد فستان قصير) :icon29:وفرحانه فيه انا كيوت وانتم (ملبوس العافيه) اي كيوت واللي يرحم والديس تكفوووووووون شوهتو كلمه كيوت بلبسكم وحده كبر جدتي لابسه لانجري والله لو انكم تخيلتوشكلها بس تخيل كان قلتو الله يعافيتس البسيه بس مو قدامنا ( الركب المطليه بويه والاباط السودا والا منبته شعر والطامه الكبرى اذا جلست وحطت رجل على رجل:angry:)
الثالثه منزله صوره فستان والا لبس معلق فيها مدري شلون بتلبسه اكيد بتحط اول بودره او زيت على شان يدخل فيها لا واذا لمحتو لها انه للاطفال قالت حبيباتي انا بالخمسينات لكن اللي يشوفني يقول باقي ماقد درست:04:(اي والله ماقد درستي):23:
الر ابعه اللي منزله لبس بيت مدري لبس نوم واذا قلتو لها ما ينفع للعيد قبت في وجيهكم انا لبسي ماركه واكيد انتو غرتوو خخخخخخخخخخخ الله من العقل كأنه اذا كان ماركه تلبسه اي وقت عادي
في الاخير بنات تكفوووووووووووون فرقو بين لبس البيت واللبس الرسمي ولبس المره لزوجها
وكل سنه وانتم طيبين
الموضوع مغلق