بنات والله مقهوره..... احس الموضوع تافه بس ....

بنات انا مقهوره من تصرف زوجي والنوم ماعاد قدرت انام

القصه اني بعد ماجهزنا الصبح ولبسنا الملابس قلت له ابي عيديتي قام قال مولازم
وهذي اول عيد اعيد معه العيداللي قبله كان مع اهلي لاني عروس
وماقلت له الا بعد مادريت انه في العيد اللي فات اعطى اخواته واخوانه عديه وانا جايه من عند اهلي لاني جلست عندهم اسبوع ورجعت قبل العيد بيومين عشانه وعشان اعيد معه وزعلت اهلي وبكيت امي وعشان مين عشانه لاني ماعيدت معه من قبل
المهم قلت له مادخلني ابي عيديتي قام طلع لي البوك وعطاني ريال خخخخخخخخخ
قمت ضحكت رحت عنه البس عبايتي لاننا طالعين لبيت اهله
واحنا في السياره قلت له تعطيني عيديتي يعني تعطيني قال عيديتك في الليل قصده نطلع ونروح مطعم
والمطعم شي اساسي اننا نروحه يعني موعيديه قلت له مالي شغل قال انتي ماديه قلت له لازم من الاثنين الماديه والمعنويه وضحكنا

ورحنا بيتهم وسلمنا عليهم واعطينا امه خاتم ذهب ووزع على اخواته واخوانه من 300
وانا كن احد ضاربني من القهر المشكله قدامي يعطيهم وبعدين قلت اكيد بعدين بيعطيني عيديتي

وقلت له اكثر من مره ابغى العيديه وماارضى اقل من 500عشان اكون اكثر منهم خخخخخخخخخخخخ

وماشفت شي

وفي الليل على المغرب كنا طالعين وقلتله مااطلع الابعيديتي >>>كني مصختها
صدقوني اني احس نفسي كني اشحته ماادري ليش سوى كذا
وماعطاني

روحنا العشاء نشوف الالعاب الناريه وهو ماجاب خبري وانا قلت بكيفه ماعادني قايله له ماصارت عيديه
وروحنا بعدين مطعم تشيلز لقيناه مزحووووووووووم

ونلف نبي مطعم غيره ماحصلنا اغلبها روحناها وانا قفلت معي بسبته وحس اني طفشانه بس شكله مافهم

المهم روحنا البيت لانه قام عليه القيلون يعني لاعيديه ولا مطعم

وانا احس نفسيتي منكسره ماقدرت انام

بنات ايش اسوي هو قال بيوديني اليوم اللي بعده وانا احس نفسي عافت المطعم والعيديه

شورو علي اقوله اني نفسيتي انكسرت ولا اطنش لاني احس اني قلبت عليه وزعلااااااااانه
وهل اقوله ولا ارسل له رساله

معليش بنات طولت عليكم بس والله مقهوره خرب علي العيد

143 تعليق 15,447 مشاهدة

شاركي في النقاش

سجلي الدخول لإضافة تعليق.

التعليقات

137
  1. @brkoaah

    هلا اختي ....لا تدققين مافيها شي لو ما اعطاك عيدية طلعتك معه للمطعم بتكلفه ال300 الي بيعطيها لك ...لا تثقلين عليه ولا تنكدين عليهم ايام العيد يكفي انه طلعك ومشاك ولمن تعب اجلها لك لبكره... غير رجال يجلس مع اهله كل العيد ومايرجع لبيته الا الفجر
    ساعات الزوجه تطنش ولا تدقق وتطالع امور ثانيه يعملها زوجها لها :)
  2. @ghad_alryad

    شوفي
    بنصحك نصيحه

    لاتتنازلين عن عيديتك
    لانها شي مادي يدخل الفرح على القلب
    اكتبيها برساله له

    مثل ماشفت الفرح بعيون اخوانك يوم تعايدهم
    (فلانه) للحين تحتريك تفرحها بعيديتها

    وشوفي وش بيسوي

    صدقيني لو تنازلتي الحين ماراح تشوفينها طول العمر

    الموضوع مو ماده وفلوس قد ماهو شي ينحط باليد تحس فيه بفرحة العيد

تابعي تجارب أخرى من هذا القسم.