امهات الأطفال الخدج هنا التجمع حياكم معانا/ الجزء الخامس

هلا ام دودي اعرفهم اللي يجون بشنطة صغيرة بس ما كنت اعرف انهم ماركة بيجون والله ممتازة هالماركة بنتي ما ترتاح الا لحلمات بيجون

اظن عندنا بالبحرين تنباع هالشنطة لان اشوفها مديم وان شاء الله اجربهم وارد لج خبر عن النتيجة

وشكرااااااا على النصيحة

امهاااات بنتي الله يخليها لي ويشافيه

تعبت امس وتمت طول الليل بس تصيح وما ادري شفيها وما نامت ولا نمت بس على رجولي تنام ومن اشيلها تقعد تصيح وحرارته مرتفعة وعطيتها ادول واليوم الصبح وديتها المستشفى ومن قلت له عندها صخونه حولني على غرفة انفلونزا الخنازير الله يكفينا شره وشافها الدكتور وسالني جم سؤال وفحصها والحمد لله ما عندها اعرض لانفلونزا ولا عندهاالتهابات بالاذن والبلاعيم بس حرارتها شوي مرتفعة وعطاني لها ادول ومذيب للبلغ لان صدرها

وعطيتها الادول وارتاحت شوي ونامت

يا ربي تشافيها وتعافيها وتخليها اليي يا رب يا كريم

بنات كيفكم مبارك عليكم عيد الفطر السعيد وعساكم من عواده
اعذروني بنات اني مادخلت هالفتره لاني كنت منومه مع بنتي في المستشفي واليوم تونا طالعين والحمد لله هي الحين بالف خير
همس الف مبروك خروجك ابنك ويتربي في عزك وعز ابوه حبيبتي انتبهي له من الاطفال واي واحد مريض لا تخليه يقرب منه
ام دودي وايودي وهديرودنيا الريد عقبالكم تبشرونا بخروج اولادكم من الحضانه وهم بالف صحه وعافيه
ام كوثر تروحي وتجي بالسلامه وانتبهي لكوثر وانتبهي لبيبي الجاي
ام ايمان كيفك وكيف البنوته الله يحفظها واذا على البلغم بنتي اتنومت اسبوع عشان بس يشفطوه لها لان كان كثير ويسبب لها اختناق الله يعينا وما يتجمعى مره ثانيه بس الدكتوره قالت لي ان اعمل لها بخار في الحمام افتح الحنفيه على الماء الحار وبعدين اخليها مواجهه للبخار واضربها فوق ظهرها ضربات خفيفه وتقول بعدين ينزل البلغم ان شالله تجربينها وتستفيد
المحتارة بالاسم وينك طولت الغيبه عالعموم عيدك مبارك
مناجاة الله الله يجيبك لنا بالسلامه ويارب تقضون انتى وايمن احلى الاوقات
باقي البنات مبارك عليكم العيد