أبي خبرة كل وحده تعرف بمرض عيالي (خمائر المعده)

بسم الله الرحمن الرحيم
السلام عليكم ورحمة الله وبركاته
كل عام وانتن بألف صحه وعافيه والله يعيد العيد علينا وعليكم كل سنه يارب
يالغوالي انا عندي ولدين الله يحفظهم ويخليهم لي
مشكلتهم نحااف مرره الكبير نحيف بس ينبلع لكن الصغير لا مرره نحيف وقصيرون شوي
تعبت معهم كانوا بالبدايه ماعندهم شهيه للطعام لين صار الصغير ياكل ياربي لك الحمد بس مايباان عليه شي
يعني كنه من مجاعة جاي هذا اللي حيرني اكله وين يرووح لكن الكبير اكله قليل مرره يعني لو نحيف اقول لانه قليل اكل
خذيت الصغير لاخصائي وقلت له ولدي يأكل بس مايكبر ولا يبان على وزنه
قاس طوله ووزنه لقى انهم اقل شي بالنسبه لعمره
طلب منا تحليل (بول وبراز) الله يكرمكن
وطلعت النتيجه ان عنده الطعام غير مهضوم يعني الأكل ينزل زي ماهو مايستفيد ولدي منه
والسبب عدم وجود خمائر في المعده تهظم الأكل يعني مايستفيد من اكله غير انه يسد جوعه ويملي بطنه وماينهظم فايصدر غازات تنفخ بطن ولدي زي البالونه
قلت الحمدلله يوم عرفنا العلة وين تكمن
رحت اخذت ولدي الكبير وسويت له التحاليل طلع زي اخوه يعني كلهم ماعندهم خمائر تهظم اكلهم
بس الكبير فيه جفاف لانه ماياكل
طلعت لي مشكله بالعلاج لانه مو متوفر بالمملكه اللي بالمملكه على هئية كباسيل للكبار بس مو للاطفال
وقال تحصلونه بالكويت ولا مصر
حكم ان الكويت جنبنا طرنا لها عشان نجيب الدواء بس قالنا الصيدلي انه مو متوفر وعطانا بديل له وطلع البديل خربوطي مو بديل ولا شي
قدرت اوفر من مصركميه بسيطه سبع علب بس يعني ماتكفي لشهر ونص وضاق صدري كيف اوفر لهم المره الجايه
اللي عندها حل تنصحني فيه بطريقة توفير العلاج من مصر
وابي اعرف حلول لهالمرض لان الدكتور قالنا يبيلهم مع العلاج سنه وعليها وبعد كل وجبه ياكلونها تشربينهم الدواء عشان يستفيدون من وجبتهم
ابي اعرف في احد مرت عليه حاله زي كذا ووش اللي تنصحوني فيه
لان انا ودي بعلاج لهالملشكله مابغى بديل للخمائر ابغى الخمائر تصير تصدر من معدتهم
ابي خبرتكن وابي رايك يادكتورتنا
وابي دعوتكن يالغاليات
والله يشفي عيالي وكل مرضى المسلمين يارب
وعسى ماترون باس في انفسكن ولا عيالكن
والله يرزق كل محرومه الذريه الصالحه
اللهم آميــــن,,,,

17 تعليق 6,365 مشاهدة

شاركي في النقاش

سجلي الدخول لإضافة تعليق.

التعليقات

16
  1. @am_algoahr3

    يا حبيبتي طالبي بوزارة الصحة وابرقي لأمير دوري واسطة وعالجيهم برا على حساب الدولة
    الناس قاعدة تسوي عمليات تجميل على حساب الدولة برا بالواسطة
    وبعدين دولتنا مهي مقصرة علينا بشي طاااااااااااااااالبي وترى ما يضيع حق وراه مطالب
  2. صاحبة الموضوع
    أم الجواهر٣
    يا حبيبتي طالبي بوزارة الصحة وابرقي لأمير دوري واسطة وعالجيهم برا على حساب الدولة الناس قاعدة تسوي عمليات تجميل على حساب الدولة برا بالواسطة وبعدين دولتنا مهي مقصرة علينا بشي طاااااااااااااااالبي وترى ما يضيع حق وراه مطالب
    ياقلبي انت انا كنت اراجع بولدي عند الحكومي وماستفدت منهم ولا اخذت لاحق ولا باطل
    والتحاليل كل يوم شكل والنتائج مره يقولون مي واضحه مره يقولون عيديها لانها ضاعت
    وانت اعرف بمواعيدهم يعني من شهر لاشهر يموت الميت وهو ماوصل دوره
    الله يجزاتس خير على المرور

تابعي تجارب أخرى من هذا القسم.