بنات تكفون اللي عندها حل تساعدني
عندي ولد عمره 6 سنوات جبااااااان وخجول
في العيد رحنا لاهل زوجي وعند بنتهم ولد
معلمينه يضرب في عيال الناس ولدي كان شوي يدافع عن نفسه يعني يوخر شي بسيط
بس نقول كان يدافع وبعدين صار ينضرب ومايرد ولدهم هذا بصراحه غثيث
حتى بنتي اللي عمرها 8 سنوات يضربها وحتى هي جبانه بس انها تدافع شوي عن نفسها رغم ان عماتها يهبون فيها
يقولون لها لا انتي كبيره لاتضربينه وتتراجع رغم انه الولد مخطي ويضرب اي احد
بس استلم ولدي والله رغم ان الولد عمره 4 سنوات بس شقق وجه ولدي باظافره واحاول امنعه
ومره قرصته على يده قلت يمكن يخاف مني وماعاد يقرب لولدي بس ابد ولا همه يرد حتى علي
واقول لامه ولدك هذا عله تقول وش اسوي فيه مفشلني بالناس وهي كذابه سياستها واعرفها مع عيالها اضرب واسحب شعر فلان لين صار الولد بس يضرب
والله صار ولدي يبكي اذا شافنا رايحين لهم يقول ماروح واذا دخلنا يجلس ورا الباب مايدخل كله خوف من ولد اصغر منه وانا ماابغا اذا رحت زياره لهم اقلبها مشاكل معهم عشان البزران
بس بصراحه مره شي يضايق
بنات تكفون حلوني كيف اتصرف مع ولدي سجلته بالروضه والله ليصير الكل يلطش فيه وهو ساكت
كيف اخليه ياخذ حقه ومايخاف
انا ماابغاه يصير مثل ولد عمته اكره اصلا هالنوعيه لكن ماابغاه يصير ملطشه وجبان
بصراحه مر علي العيد نكد بس الحق وراه هو واخته اخاف احد يضربهم
كيف اشجعهم وكيف اخليهم جريئين ومايخافون رغم انهم اجتماعين ويحبون يلعبون مع العيال بس لو احد يدفهم بالغلط خافو
والله اني مره زعلانه ومتضايقه تكفون حسو فيني
اصعب شي على الام انها تشوف عيالها ينضربون وينهضم حقهم واغراضهم تايخذونها بزران اصغر منهم
وهم خايفين
شاركي في النقاش
سجلي الدخول لإضافة تعليق.
التعليقات
10- الله يعينك ياقلبي
بس انت علميه ونبهيه قولي مو كل من جاك جيت لمي تحتمي فيني
لا انت دافع عن نفسك ولاتخليه يطقك من البدايه واغراضك لاتخلي احد ياخذها منك
وانتبه لاختك حتى لو كانت اكبر منك هو بكذا بيحس انه مسؤؤل عنها
ونفس الكلام قوليه لأخته وبكذا كلن بيحس انه مسؤؤل عن الثاني
وبيسيرون اقوى إن شاء الله
وحاولي دائماً تزرعين فيهم الثقه بنفسهم يعني قوليله انت بطل
وانت ماشاءالله عليك ماتخاف
والله يخليهم لتس وتشوفينهم احسن العيال وزي ماتبين واحسن
ويرزقتس برهم وصلاحهم - اختي قصه
اولا جزاك الله كل خير على اهتمامك وردك
والله انه شي يضيق الخلق يوم تشوفين عيالك ينضربون من بزوره صغار
جبنا ويخافن من خيالهم
والله اني اقله اللي يضربك اضربه ولا تخلي احد ياخذ اغراضك وانت البطل وانتبه لاختك
بس جبااااااااااااااااااااااااان
انا خوفي من المدرسه بكره اذا درس هوكذا قدامي وينضرب كيف لاصار وحده
الله يغير حاله وحال اخته للافضل يارب ويفرحني فيهم - لا تخافين بيوم من الايام يعرف قيمة نفسه
ويضرب اللي يضربه :16:
انتي دايم ارفعي من معنوياته وقولي هذاك الولد مو مؤدب
علشان يعرف ان الدنيا حوله ما تمشي بالمقلوب ويعرف ان تصرف الولد خطأ
وقولي له ابعد عنه ومن هالكلاااام
صدقيني بيعرف متى ياخذ حقه بيده
الله يصلحهم - لاتظلمين ام الولد انها هي اللي تقول له اضرب اكيد البلافي الولد اغلب الصغار كذا ولازم نصفي قلوبنا ولانحطوسنا بروس الصغار
- الله يعينك اذا شفتي اخت زوجك مطنشه لو عيالك انضبرو هاوشيه ولدها لو قدامها قولي عيب
مره مرتين هي تتعود وتصير تادب ولدها هذا لو هي ساكته عنه بس لو كان مايرضيها وماتسكت خلي عيالك ياخذون حقهم لان صع الكبار
يدخلون في طقاق الصغار
انتي فهميهم قولي الي يطقك وانت ماغلطت طقه لاتسكت
انا ولدي توه عمره سنه وبسم الله عليه هو الي يطق بنت عمته واحيانا ياخذ اغراضها بس مااسكت اهاوشه واحيانا اضربه ماارضى
ولو هي ضربته اهاوشها ولو خذت العابها جلس يصيح ويعصب عليها اقولها لا حقته رجعيها له وامها عادي ماتزعل واصلا ماترضى
اطقه لو طق بنتها بس حرام انا مارضى ولدي ينطق فماابيه يطق بدون سبب
الله يخليهم ويهديهم
مواضيع مشابهة
تابعي تجارب أخرى من هذا القسم.