مشكلتي مااعرف اعامل اطفالي بحب وحنان ..>>عنوان معدل

راق لي ردك اختي سارونا شكرا لك

والله اكبر غلط

انا احيان كثيره يضيق صدري ليش امي ما كانت تضمني وانا صغيره

مع انها تغيرت شوي بعد ما عقلت انا وصرت ادورها

لكن اذا ما اشبعتي عيالك سواء بنات او اولاد بكره بيدورون عن هالحنان برا

انا ما راح اتفاول على عيالك انتي انا بتكلم عن اللي يفقدون الحنان من اهلهم عموما

يعني لا قدر الله الولد نايم مع شغاله وبكره جاي بالايدز

والبنت طالعه مع واحد و20 غيره في جوالها وايميلها واللي دخلته البيت واللي طلعت معه لين يطيح الفاس

اشبوعهم في بيوتهم ما يدورونه برا

واللي تقول كثر الدلع يخرب

هذا الدلع اللي اذا صرخ عطيتيه

واذا اعتدى سامحتيه

وما ينرفض له شي الا وصار زي الاعصار

هنا نقول الدلع يخرب لكن الحنان بالعكس بكره كل ما تذكرك قال يالله امي كانت تسوي لي كذا ووووو

نصيحه انتي انسانه روعه لانك حسيتي بغلطك

والخطا ما يعالج بخطا<<اللي هو تجاهل المشكله

الله يعينك ان شاء اللو تشوفينهم رجال وحريم يملون بيتك حنان ورحمه وبر فيك

زي حالتي ادعي لك وادعي لي ان ربنا يجعلهم بارين بنا

ارجعي لطفولتك مع عيالك بيرجع لك حنانك معهم ! بتقولين كيف باقول لك ..
ترا مهما كبرنا نشتاق للعب ولحركات المبزره , طيب فرغي هاللعب وحركات المبزره مع عيالك قولي لها انتي مااما وانا بنتك وشوفي كيف بتتتعامل معاك؟ لو تعاملت معك وهي بدور الام لو بقسوه وضربتك معنااها انتي قاسيه عليها ولو تعاملت معاك بحنيه فانتي ماشيه صح بتربيتك لها .
ونصيحه ترا النظره الرحيمه لطفلك تطبع بقلبه ويظل يتذكرها لما يكبر , والضمه ترجعه لحضنك مهما بعده الزمان لاتقولين ما عرف لان مادام انتي اثنى وام بتعرفين بالفطره

المسأله تبي شوية تنظيم يعني مثلا تخصصين لك ثلاث ساعات في اليوم تجلسين فيها على النت وبشرط يكون الوقت هذا عيالك مثلا نايمين او يلعبون بحيث انهم مايستشعرون انك مشغوله عنهم
ثاني شيء فكري بينك وبين نفسك انا ام وغيري يتمنى ان ربي يرزقه النعمه اللي ربي معطيني اياها
الامومه نعمه عظيمه مايعرف قيمتها الا اللي فاقدها يعني شعور حلو مررررررررررررررره حسي فيها وراح تحسين بمتعتها صدقيني
بعدين من ناحية انك عصبيه عليهم اعتقد انك تمرين بظغوط هي اللي تخليك تنرفزين عليهم وهم في النهايه مالهم ذنب واذا تعودوا على قساوتك راح يتعودون على جفاك وهذا مش من صالحك
ومن ناحية الطلعات اتفقي مع وحده من صديقاتك تطلعين انتي وياها في الويك اند مع عيالكم وبكذا راح تحسين انك وسعتي صدرك انتي وعيالك