منو شاطره بالاسهم وعندها خبره تساعدني ولها الاجر

السلام عليكم ...........



لكل وحده عندها خبره ياليت تفيدني وتفيد خواتي للي حابه تستفسر بهالموضوع:


انا عندي رصيد ببنك الراجحي ودي ازيده بالحلال :

ملاحظه: ولا مره دخلت بالاسهم يعني ما عندي خبره:.


***سؤالي :

1- بما اني بالكويت شنو المناسب لي اني ابيع واشتري بالاسهم هل عن طريق النت او الهاتف المصرفي او اي طريقه ثانيه تعرفونها وسهله ؟

2-شنو الخطوات ؟

3- اشلون اتابع الاسهم هل عن طريق التلفزيون او النت ؟

وياليت اذا في اي روابط للمبتدئين تفيدنا ...وما عندهم خبره مثلي تحطونها لي :

والمحفظه شنو معناها وكم احط فيها ؟

وعادي اذا في بنوك سهل التعامل معاها وماتخذ رسوم واااااااااايد ياليت تذكرونها لي ولكم الاجر


وشنو الاسهم الحلاااااااااااااااال ؟

6 تعليق 1,586 مشاهدة

شاركي في النقاش

سجلي الدخول لإضافة تعليق.

التعليقات

6
  1. هلا بك ام الورود عزيزتي

    واضح جدا من اسئلتك انك ماانتي عارفة شي بالسوق يعني بقراطيسك جدييييييدة

    حياك الله


    أولا عشان تتداولي لازم يكون عندك محفظة استثمارية وهذي اذا كان عندك اكتتابات قديمة ممكن تحويل المحفظة عن طريق الهاتف لاستثمارية لكن بياخذون عليك رسوم >>> الراجحي ياخذ 700 ريال اشتراك سنوي

    البنك الاهلي التداول عنده مجاني من غير مباشر لكن مع مباشر تبعه بـ 700 كمان
    البنوك الثانية مااقدر افيدك عنها

    وبالنسبة للمبلغ اللي بالمحفظة فـ انتي وكيفك وقدرتك المادية ما فيي رقم محدد لكن البنك ياخذ عمولة على كل عملية بيع او شرا
    يعني الراجحي مثلا يا خذ مبلغ 12 ريا ل تحت عشرة الاف وياخذ مبلغ 15 ريال فوق عشرة الاف لكل عملية بيع او شرا تتم عن طريقه

    يعني طالع واكل نازل واكل على قولتهم


    اش كمان سألتي ... أيوا متابعة الاسهم

    ممكن عن طريق موقع تداول
    هذا رابطه
    http://www.tadawul.com.sa/wps/portal/!ut/p/c1/04_SB8K8xLLM9MSSzPy8xBz9CP0os3gDAxN3D0NnN19nAzMPzxBDV0sDKND388jPTdUPTizSL8h2VAQAm2h6Ew!!/dl2/d1/L2dJQSEvUUt3QS9ZQnB3LzZfMDA0R0gxQ0ZNQzA2SElUMThBMDAwMDAwMDA!/

    ولازم تحدثي الصفحة كل 5 دقائق عشان تتحدث البيانات

    وممكن تتابعي السوق عن طريق برنامج متابعة مثل مباشر برو وهذا البرنامج باشتراك شهري قيمته 225 ريال
    لكن كمبتدئة مايلزمك كثير فما انصحك فيه غير بعد ما تتمرسي على السوق اكثر

    بالنسبة للاسهم الحلال

    فهذي قائمة الشيخ العصيمي

    http://www.halal2.com/main.asp?id=73

    وهنا قائمة الشيخ الشبيلي

    http://www.shubily.com/index.php?news=272


    اتمنى اكون افدتك

    وحاجة اخيرة

    كوني واعية للشائعات ولا تكوني وعاء لها
    يعني لا تسلمي راسك لغيرك انتي فكري وانتي قرري ربحك لك وخسارتك عليك

    دمت بود
  2. @am_alorod4

    صاحبة الموضوع
    روووووووووووووووح الوررررررررررررد يا حياتي والله توني اشووووووووووفه ويعطيج الف عافيه ويرزقج يا كريم ......واذا عندي استفسارات ان شاء الله ما تقصرين

تابعي تجارب أخرى من هذا القسم.