الحقوني ولدي عقدني

السلام عليكم ورحمه الله وبركاته


مساكم الله بالخير يابنات

عندي مشكله ابقى مساعدتكم عند ولد عمرة 3 سنوات وكم شهر

هذا الولد غير عن اخوانه عنيد ودايم يصيح وماياكل عدل ومتعلق باابوة
لدرجه ينام معاه واذا طلع ابوة الحوش يصيح عشان يطلع معاه واذا قعد ابوة يتلزق فيه :16:

انا تعقدت من هالولد مايسكت الااذا سوينا له الي يبقيه

اذا ابوة بالبيت يقعد يصيح مايسكت لما نلبي طلبه بس اذا ابوة محد يصيح وانا ماسوي له طلبه ويسكت بالاخير

بنات خلاص زهقت منه عطوني حل :06:

واكله مايقعد مثل الناس ياكل لقمه ويقوم يناقز يعني اكله ولاشي

مرة قعد من النوم وقام يصيح ابوة تخرع قام شاله ورقده جنبه وقال لي خلاص لاحد يضربه ولايهاوشه شوفي اشلون
يصيح وهو نايم
انا اقول له هذا من الدلع الي تدلعه له عشان كذا :hahaha:

المهم يعني الي عندها حل ولامرت بنفس مشكلتي تلحقني فيها

6 تعليق 958 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aldanh25

    انتي حاطه في توقيعك عندك طفل عمره سبع شهوور واكييييد انتي مهتمه فيه ويحس انه خذك عنه

    فهو راح لابوه حس ماله مكان عندك واكيد مشكلته من الغيره

    انا ولدي كبر ولدك وعندي ولد ست شهور يعني مثل ووضعك وذبحني بغيررته

    وصياح على قولتك ورجله على رجل ابوه وين مايطلع معه

    الله يصلحهم
  2. @dlaa_mdyny

    الدانه25
    انتي حاطه في توقيعك عندك طفل عمره سبع شهوور واكييييد انتي مهتمه فيه ويحس انه خذك عنه فهو راح لابوه حس ماله مكان عندك واكيد مشكلته من الغيره انا ولدي كبر ولدك وعندي ولد ست شهور يعني مثل ووضعك وذبحني بغيررته وصياح على قولتك ورجله على…
    كلام معقول جدا جدا

تابعي تجارب أخرى من هذا القسم.