اي شـئ شـريتيه وتحسـفتي انـك ماشـرايته من زمــان او العــكس >>ياليت التثبيــت

ااااه تذكرت شي ندمت اني شريته
القلايه الكهربائيه الله ما لأمها داعي وما استفدت منها ابد

الحين دوري اتكلم..
اللي تحسفت اني شريته:
1- خلاط الكابتشينو اللي ببطاريه اخذته من ايكيا وليتني ما اخذته يحوس الدنيا حوس على غير سنع
2- الة الكابتشينو شراها زوجي وكشخنا فيها يومين وحذفناها بالدولاب
3- صينية البيتزا اللي على كهرب وبغطاء استخدمتها مرة وعطيتها امي
4- آلة المعمول والدونات والمصابيب استخدامي لها قليل واقدر استغني عنها بس حرمة ماودي شي يفوتني <هههههه
5- القدور اللي بالبخار اللي تباع في البازارات اخذت النوعين من الطمع فيني واحد للرز واحد للخضار والبطاطس وووو
6- قدر المنتو جديد ما استخدمته
7- صواني وقوالب اشكال وانواع
8- جهار بخار الوجه
9- جهاز تنظيف القدمين
10- مواعين كثييييرة مالها داعي كل مالقيت شي عجبني اخذته وفي الاخير المطبخ مليان وصرت اوزع على الناس
11- الفير
12- كريمات اشكال والوان ينتهي تاريخها وانا ما استخدمتها
13- ادوات التزيين اخذتها من بازار جربتها مرة وشلتها للذكرى <هههههه

واللي قلت له وينك من زمان:
1- قدر الضغط
2- صينية الشوي اللي مثل القلاية بس مسطحة ومخططة احطها على النار واشوي رووووووعة
3- منظف داك 101 احسن من الفلاش بمية مرة وريحته حلوة
4- مكينة براون (نزع الشعر - حلاقة) رهيييبة
5- الفريزر
6- مكيف سبلت للمطبخ
7- جهاز لحفظ القران وفيه قراءة القران كامل للسديس والشريم والحذيفي وتفسير للقران ورياض الصالحين روووووعة واقدر احدد سورة او اية وعدد تكرارها
8- بخاخ كلوركس 409 متعدد الاغراض
9- منظف جف اللي قارورته بنفسجي روعة لتنظيف الصنابير والمغاسل
هذا اللي في بالي حالياً وان ذكرت شي رجعت لكم

كلمة خاصة
اشكر صاحبة الموضوع على الفكرة الاكثر من رائعة
وجزاها الله الف خير

السلام عليكم مرة ثانية
بالنسبة للأخت الي تسأل عن الحديث ( لو انفقت نصف مالك في العطور ..) أنا حطيت رد عنه .. لا أصل له .. والله أعلم للتأكد الرجاء دخول الرابط http://www.dorar.net/ وأرجو من الجميع نشر هذا الرابط خدمة لديننا وسنتنا النبوية على صاحبها أتم الصلاة والسلام ... وانصح أي أخت قبل كتابة موضوع أو ارسال ايميل فيه أحاديث أن تتأكد على هذا الرابط من صحتها حتى لا نساهم في اثم نشر احاديث موضوعة و مكذوبة ..
اللي كتبوا عن غلاية الكهربائية يا ريت تعطونا لمحة وش اللي تستعملونها فيه ؟ وكمان أريد صور قطاعة البقدونس لأني ما أعرف شكلها ... وايش أحسن ماركة للغلاية والقطاعة ؟؟؟

ممكن توضيح لفكرتها وشكلها