{موضوع خاص بالمتزوجات لتبادل الافكار الخاصة واليوميات} الجزء الثاني

جرح
متكحله
وينكم؟؟؟

هلا والله

السلام عليكم يابنات

اخباركم

اسمحولي كنت منفجره من زوجي جنني متغير علي واحس اني مو قادره افهمه

بقولكم اشلون

يوم الاحد اول ايام عيد الفطر المبارك اعاده الله علينا بصحه وعافيه

كنت متفقه مع زوجي اني اروح لسعوديه مع اهلي ورتبت شنطتي وشنطة ولدي على اساس الاتفاق اننا نقضي اربع ايام عند خوالي

ويوم الاثنين بعد مالبسنا قال فضوا شنطكم غيرت رايي ليش يا ابن الحلال قال بس من غير ليش

حاولت اكلمه واقنعه اننا خلاص جاهزين واهلي ينتظرونا قال لا لا لا

بكيت وصرخت ومن كثر البكي استفرغت اعزكم الله

ولاحرك كل هذا شعره قاعد مقابل الTV
ومريح لا ويقول سوي لي شاي

قلت شاي تحلم والله ماتذوقه وانا محتره >>> طلعت العوابه
قعدت الاثنين والثلاثاء والاربعاء ما اكلمه بس انا قاعده بغرفة ولدي وهو بالمجلس ما اقعد حتى معاه \

وظلينا ايام العيد كلها بالبيت

جاء يوم الخميس قلت معزومه على عرس اخو رفيجتي قال لا لا لا

قلت ليش قال بدون ليش
سكت ورحت حطيت راسي ونمت على الساعه اربع العصر
قعدني على الساعه ست المغرب وقال البسي نبي نطلع نونس ولدنا الديره كلها احتفالات

قلت له مابي اركب معاك ولا اروح معاك مكان وروح انت وولدك بروحكم

جاء بدون مقدمات وباس راسي قال سامحيني مدري ليش سويت كذا مع العلم انه اربع ايام ماحاول يفسر لي وش اللي فيه وروحتي لسعوديه عشان عرس ولد خالتي وحرمني احضره بدون اي سبب او عذر وهو كان موافق

لبست وطلعنا وانا طول الطريق سرحانه افكر شلي خلاه يتصرف كذا وليش يعتذر دام هو ماعنده سبب لرفض
قلت يابنت كبري عقلك وشيطان دخل بيننا بس الحمدلله اللي لعناه وابتعد عننا وتونسنا ذاك اليوم


نسيت اقول لكم انه ليلة العيد متفقه انا وياه اننا نودي ولدي وخدامتي عند اهلي عشان نعيد مع بعض وكنت شاريه شغلات لليله رومانسيه حلوه وخسرانه وتعبانه من قميص النوم الى الاضاءه والبطايق والكيك والعصير والناموسيه والكفر الجديد

بس فجاه قال مابي شي منج وولدي مايروح مكان وطلعت ليلة العيد كل واحد نايم بصوب ولاعيدنا مثل الازواج هذا بداية التغير

بس الحمدلله على كل حال

لو انتم مكاني وش بتسون بتشكون بشي او شنو بيكون تصرفكم ؟؟؟؟؟؟؟؟؟؟؟؟؟؟؟؟؟؟

غرشووووووووووووووووووبه وينج لايكون سويتيها وولدتي

الله يكون بعونج ويقومج بالسلامه

يعطيك ألف عآآآآآآآآآفيه على فتح الملف مره ثانيه