السلام عليكم
سكره هانم
المصوره اللي اتكلمت عليها هيه مع فرقة ستونه يعني مش متوفره لوحدها كده وتصويرها عادي يعني مش رهيب اوي
مشمش حرررررررررررراااااااااااام عليكي ابنك عنده سنه وبتضربيه ربنا يكون في عونه
بصي يا ستي انا ابني عنده 5 سنين يعني اقدر افيدك ان شاء الله مع العلم ان مفيش طفل زي التاني
بصي يا ستي انا روحت مره لدكتوره نفسيه علشان اعرف اتعامل مع ابني ازاي وقعدت اشتكي مر الشكوى وانا مطلع عيني ووووووووو راحت في الاخر كتبتلي انا وجوزي على مهديء
اه والله
المشكله فينا احنا مش في العيال
هوه ليه متطلباته وانتي معندكيش صبر عليه وجايز كمان تكوني مش فاهماه
كمان قالتلي حاجه انك ممكن تقوليله الصح والغلط بس متتوقعيش انه هيسمع كلامك لان فيه مركز في المخ اللي بيقدر يتعرف على الصح والغلط وده مش بيشتغل قبل سن اربع سنين
فحرام عليكي انتي بتحاسبيه على حاجه مش في ايده
وبعدين لو رجعتلى لحديث الرسول عليه الصلاة والسلام في موضوع الصلاه بيقول انك ممكن تضربي ابنك بعد 7 سنين وده في موضوع الصلاه اللي هيه اهم حاجه واكيد الحاجات اللي بتضربي ابنك علشانها مش اهم من الصلاه
حاولي تتمالكي اعصابك لان الضرب سيأذيه ويأذيكي ايضا
الملف الخاص بأسئلة و مواضيع أحلى بنات فى مصر ( الجزء الثالث )
متابعة النقاش، صفحة 41