تجربتي في .. دار الـــرعــايـة الإجـــتـمـاعـية للــمـسـنـات بالرياض ..

ياااارب هون عليهم ماهم فيه .. وارحمهم برحمتك التي وسعه كل شي ..

ياربي شو حاسه بغصه في قلبي وحزن كبيييييير عليهم :06:

الله يرحمهم برحمته

ننتظر الرد متى يجي

* الدور الثالث .. الجزء الأول ..

عباره عن 7 غرف .. وللحالات النفسية المستقره نوعاً ما ..

سأتكلم عن غرفة في الجزء هذا .. لما فيها من القصص والعظه ..

الغرفة الأولى ..
بها 6 نزيلات ..
- كل وحده لها قصه تقطع القلب .. ومو بين يوم وليلة صارت لها هالمشكلة .. ظروف بسبب المجمتع والبيئة التي هم عاشوا فيها .. بسبب التربيه .. بسبب ظروف كثيرة .. وإلا ترى كانوا بيوم من الأيام مثلنا طبيعياً ..

في الغرفة هذي أختين وماتعدوا الـ 40 سنة .. ماشاء الله عليهم أخلاق وحالتهم النفسية مستقره مع الأدوية ..
ومشكلتهم غريبة جداً وأحتمال تكون سحر لأن العائلة كلها ..
محافظين على صلواتهم .. ووحده منهم كانت دائماً تسألني ليش أنتي مبسوطة ، ماعندك مشاكل في حياتك ؟؟
لأني دائماً مبتسمة لهم .. قلت لها مو شرط أني اكون مبسوطه ومايكون عندي مشاكل بس لازم نبتسم في وجه المسلم لأنه صدقة وربي يجازينا بالشي هذا .. وعشان نفوسنا تتعود على السعادة وصدرك ينشرح ..
طبعاً هذا اسلوبي معهم في الأقناع .. يحبون اسم السعادة والحريه وكل شي حلو بالحياة ..
حتى لو كانت نظرتهم سوداويه للحياة ..
المهم اقتنعت بكلامي وصارت كل ماتشوفني تبتسم لي حتى لو كانت متضايقة وكنت ابتسم لها وابادلها الشعور نفسه .. كانت تحب الواحد يمدحها وكنت امدحها .. واعطيها رسائل ايجابيه .. أنها حلوة وتقدر تنحف << لاتستغربون ترى يحبون حركات الرجيم والموضة
وكنت اقول لها راح تطلعين من الدار وراح تتغير حياتك بمساعدتك لنفسك أولاً وإرادتك ..
وبسبب مرضها .. كان مزاجها يتغير كل 10 دقايق ... يارب يارب يارب تشفيها وتشفي كل مريض
اختها كانت نفس مرضها .. وكانوا اهلهم يآخذونهم من الدار للغداء أو العشاء .. وينبسطون ..

- وأيضاً نزيله مو سعوديه بس عندها الجنسية .. اختفى زوجها فجأة ومايدرون عنه .. وهي تعاني من مرض نفسي .. تحب تسولف معنا .. وأي شي تقولينه لها لازم تقولين ماشاء الله حتى لو ماقلتيه هي تذكرك ..

- أما النزيله الأخرى قصتها قصه ربي يشفيها يارب .. عدم الإحساس بالمسؤوليه وبسبب الإهمال منها توفوا عيالها صغار .. وعدم شعورها بالذنب أيضاً .. من الصدمة .. والبنت تعتبر صغيره لكن الظروف ..
وتحب تلبس وتكشخ وتسوي دايت .. ماتترك الصلاة حتى صلاة الليل .. وفي أيام نجي فيها ماكنا نشوفها ..

- أما الأخرى لا أدري عنه صحة قصتها تماماً .. فقد كانت مدرسه وطلقها زوجها وتزوج اختها ..!!!!
كانت انطوائية جداً ، تسلمين عليها ماترد السلام ولاحتى ترمش بعيونها ، منزلة راسها بس تناظر الأرض
تسولفين معها ماترد كأن مافي أحد يحاكيها .. كنت كل يوم اجي عندها على السرير بس اسلم عليها واقولها صباح الخير وانا مبتسمة عشان اطمنها .. حتى لو ماردت اجي عندها واسلم عليها .. مرة امدح قميصها
مرة امدح الاكسسوار اللي لابسته .. وهي ساكته ماترد ..
ومرة جيت قلت لها الله حلو السلسال ومسكته وكنت جالسة معها على السرير ..
ردت علي قالت هدية من بنات التمريض ..
انا هنا انبسطت أنها ردت علي وكانت نفس الشي مبتسمة .. والله يابنات ماتتخيلون شعوري وقتها ..
والله الابتسامة لها مفعول مثل السحر .. سبحان الله ماينطق عن الهوى .. صدق من قال : (( تبسمك في وجه اخيك صدقة )) اللهم صلي وسلم عليه ..

-النزيلة الأخرى كانت صغيرة .. تزوجت بشايب عمره 70 .. وتطلقت ماتمت معه فترة ..
انتكست حالة البنت وصارت انطوائية بشكل فظيع حتى اشياءها الشخصية ماتقوم فيها ... كل اعتمادها على الممرضة اللي معها .. استقرت حالتها مع الأدوية والعلاج النفسي والإجتماعي ..
صارت بعد فترة من جينا لهم .. تتكلم وتجي للمكتب وتطلب لكن بحياء شديد .. بس المهم أنها بدأت تشعر باللي حولها .. وصارت تقوم بنفسها شوي .. لكن تمشيط شعرها ماتسويه .. وترى بعد تحب الزين وتحب أنها تكون نحيفة ..
تعرفون بعض الأدوية تزيد الوزن فلا تستغربون يوم أقول أنهم يبون النحف ..

* اعذروني ولكن سأضع الموضوع بإذن الله متسلسل في موضوع جديد بعد الانتهاء ..
لي عودة بإذن الله مع ردودكم ..

حياك ربي

أنا مثلك أمنيتي اتوظف في دار المسنات .. لكن طموحي أكمل ماستر وأواصل دراسة .. وللأسف كنت ابي اتطوع والوالد رفض لبعد المسافة ..
ويارب يوفقني ويوفقك وكل البنات ياحي ياقيوم ..

وأياك يارب ..
ذكرت بعض القصص ..ولكن ليس بتفاصيل بسيطه ..
وحياك ربي ..

حياك ربي ..

ياربي يسعدك على هالدعوه اللي بردت خاطري .. الله يجزاك مايسرك ويسعدك بالدنيا والاخره يارب ..
وأخذت أمي معي عشان تحس أن وضعها أهون منهم شوي وتهون عندها المشاكل اللي نمر فيها ..
والله يجازي جارتك السودانية بكل خير يارب ..

ولايحرمك الأجر يكفي أنك تدعين لهم ..
فيك غصه من اللي قريتيه .. اجل لو شفتيهم ...!!!
جلست فترة اشوفهم بكل مكان واتحلم فيهم ..

حياك ربي ..
الزيارات لازم تكونين تابعه لجهة ويكون معك مجموعه .. وتسوين لهم لو ألعاب بسيطه توزعين هدايا بسيطه جداً ..
لأن هذا اللي يفرحهم ..
وراح ارسلك الرقم واستفسري اكثر منهم ..

اللهم آميين يارب ..

امين يارب ..
وحياك ربي ..

اللهم آمين يارب وأياك

حياك ربي .. ايه اخصائية اجتماعيه ..
والممرضات فيه الزينه منهم وفيه الشينة ..وراح اتكلم عنهم .. بس اخلص من الدور الثالث كامل ..
يوه الصحة النفسية عندنا بالرياض شي يشيب الرآس لاحول ولاقوة إلا بالله ..
لي زميلات دربوا فيه ويقولون اشياء ماتدخل العقل .. يارب يارب يارب يشفيهم ويشفي كل مريض

وأياك يارب ..
حياك ربي