انا بصراحه ناويه انتسب في جامعة الامام بس ما اعرف ولا عندي اي خلفيه عن التخصصات الموجوده ومواد كل تخصص فمثلا اسمع بقسم الشريعه و اصول دين ودعوه بس ما ادري ايش الفرق بينهم واي قسم هو الاسهل وماهي طبيعة المواد في كل تخصص وكم عددها ؟
وهل صحيح لازم احفظ كل ترم جزء ؟ يعني اتخرج ب 8 اجزاء ؟
علما باني اريد الانتساب المطور عن طريق النت
شاركي في النقاش
سجلي الدخول لإضافة تعليق.
التعليقات
8- معقوله ولا رد:06:
- روحي لمنتدى الجامعة نفسها
ice princess روحي لمنتدى الجامعة نفسها
مراحب
انا توني متخرجه من جامعة الامام محمد بن سعود (انتساب) تخصص اصول دين
بالنسبه للأقسام اهل شي اصول دين والمواد اللي تدسينها هي فقه _حديث_قران_عقيده القسم بصراحه حلو ومفيد ومش صعب مره يمكن الصعوبه شوي في البحوث ومناقشتها
اما قسم الشريعه مره مره صعب لأنه حساب مواريث ومعادلات ومثل هالشغلات
اما الدعوه ماعندي له اي خلفيه ماكان موجود عندنا لأني خريجت منطقة الاحساء
تحياتي- ياقلبي انا واختي خريجات الامام واعرف كثير بما اني من طالبات الجامعه
الشريعه تقدرين تقولين تخصص فقه .. صحيح ياخذون كل المواد الدينيه يعني عندهم عقيده وحديث و تفسير و مصطلح
لكن يتخصصون بالمواد الفقهيه اكثر وياخذونها بكثافه .. فان كنت من محبات الفقه فما اتوقع تحصلين فيه صعوبه
والحسابات اللي ذكرتها الاخت مو صعبه المواريث و الزكاة حاجات مو بذيك الصعوبه بالعكس حسابات بسيطه جدا وممتعه
ومافيه شي اسمه معادلات وين حنا داخلين كيمياء
الصعوبه اللي فيه تكمن في الكم الهائل من المعلومات اللي تاخذينها و صرامة الاساتذه والاستاذات وجديتهم الشديده
اصول الدين اممممم تقدرين تقولين جامع هو كان عباره عن مجموعه من الاقسام سنه و عقيده و علوم قران دمجوها في قسم واحد
وراح تاخذين فيه جميع المواد الدينيه اللي ياخذونها بالشريعه بس الاختلاف بالتركيز و الكثافه .. عموما في اصول الدين راح تاخذين المصطلح وبشكل موسع وراح تاصلين لدراسة الاسانيد والتخريج .. وهذا ماياخذونه طالبات الشريعه عموما دراسة المصطلح ممتعه اذا كنت تحبينه
راح تاخذين الفقه بس مو بكثافته في تخصص الشريعه وراح تدرسين الفرائض اللي هو المواريث بس نرجع ونقول مو بكثافته في الشريعه لانه يعتبر فقهي
يعني بتاخذين لتس كم مساله عالسريع
الدعوه .. قسم اللي يبون ينجحون بكل يسر وسهوله كما هو متعارف عليه بين طالبات الجامعه
الدعوه ايضا مواد دين مثل السابقات بس بشكل جدا جدا مبسط وفرق كبير بين كمية المعلومات في القسمين السابقين وبين قسم الدعوه
الفقه المركز عليه في الشريعه هنا مافيه اي تركيز ايضا المصطلح وتخريج الاحاديث اللي في الاصول مو موجود عندهم العقيده ياخذونها بشكل بسيط ايضا مو بكثافتها بالقسمين السابقين عندهم موادهم المختصه بقسمهم اللي هي تتعلق بالدعوه وخطابه ووغيره
وياكثر ما اسوي مقارنات بين المناهج مع الدعوه واشوف اللي ندرسه في مجلد وش كبره يدرسونه بنات الدعوه في ملزمه صغيره او في كتيب مبسط او ياخذون المجلد بس مايدرسون منه الا جزء بسيط
اذا كنت تشوفين ان السهوله تكمن في كم المعلومات وكثافة المناهج فالدعوه هي الاسهل
اما ان كنت تشوفينها من ناحية المواد فهذا يختلف من شخص لشخص
ولا تاخذين كلام احد يقول لتس القسم الفلاني دراسته اسهل لانتس تلقين وحده داخله قسم اصلن مو حابته لذلك مو قادره تمشي فيه وتحس بصعوبته وتشوف صديقتها بالقسم الثاني مستمتعه بالدراسه وقادره تمشي فيه فتقول هو الاسهل
لذلك
انت شوفي مواد كل قسم وحددي وش اللي تميلين له اكثر وش اللي تستمتعين فيه اكثر
ادخلي موقع الجامعه وشوفي مواد كل قسم راح تحصلين الخطه الدراسيه فيها المواد وكل ماده كم ساعه وكم ترم راح تاخذينها
وحددي اللي ترغبينه بنفستس
لان لو درستي القسم اللي مناهجه قليله وانت مو حابه مواده ماراح تفلحين فيه ولا تستمتعين مثل لو درستي قسم مناهجه مكثفه وانت تحبين مواده راح تمشين فيه وتستمتعين وكل ما اخذتي معلومه راح تتشوقين تاخذين معلومات اكثر
ومن ناحية القران جميع اقسام جامعة الامام حتى الانجليزي والحاسب يدرسونه ومافيه فرق بين الاقسام في دراسته
وكل ترم تحفظين جزء كامل .. وترا الامر مو صعب عذبه انا ياقلبي انا واختي خريجات الامام واعرف كثير بما اني من طالبات الجامعه الشريعه تقدرين تقولين تخصص فقه .. صحيح ياخذون كل المواد الدينيه يعني عندهم عقيده وحديث و تفسير و مصطلح لكن يتخصصون بالمواد الفقهيه اكثر وياخذونها بكثافه .. فان كنت من محب…
كلامك 100%
مواضيع مشابهة
تابعي تجارب أخرى من هذا القسم.