السلام عليكم ورحمة الله وبركاته
كل عام وانت بخير يا دكتورة
كنت كتبت لحضرتك من حوالي شهرين بخصوص اني عايزة بنتي تسيب البامبرز وحضرتك قولتيلي استني عليها شوية ، بنتي عندها دلوقت سنتين و6 شهور وانا حاسه انها كبرت عليه وخصوصا اني بشوف اطفال اصغر منها واتخلصوا منه، وهي ذكية جدا وبتفهم وبقت بتتكلم الي حد كبير بتقدر تعبر عن اللي هي عايزاه ، بس موضوع البامبرز مش في دماغها يعني كمان ممكن تعمل ومش بتضايق ولا بتقول انها عملت لو انا ماخدتش بالي ، انا ماحاولتش معاها بجدية ، ممكن في اوقات كنت بقعدها وكانت ساعات تعمل وساعات لا ، هي دلوقت بتطلب انها تقعد علي الحمام بس مش بتعمل حاجة بتقعد تلعب وتغني وفي الاخر اول ماتلبس البامبرز تعمل فيه ، بصراحة مش عارفه اعمل معاها ايه وخصوصا اني بشتغل وفترة الصبح مش موجودة معاها في البيت بفكر اوديها حضانة يساعدوني بس خايفه عليها يهملوا فيها ..... ياريت يا دكتورة تدليني علي طريقة لاني مش عارفه اعمل ايه والموضوع مضايقني جدا ومحسسني اني ام فاشلة.
نرحب بأسئلتكن للدكتورة الفاضلــه / نجـــلاء محمــــــــود ...
متابعة النقاش، صفحة 211