فن التقديم لبنات الرياض الملف الثالث ( مختصر وبالصور )

بنات تكفون رتبوا لي ضيافتي بالنفاس حااااايسه بقولكم وش طلبت
معمول من أم أيمن ، وتمر يقدمونه المستشفى مجانا وكوكيز وكب كيك بالبوكس(عشان ماينشف لأني أبغاه ليومين) من لمياء وبجيب صينية شوكولاته مغلفه بس مااااا أدري وش الزين!!! وبعد موالح من لافندر وفطاير من الحريم بس محتاره ما أدري من اللي أطلب منها وتوصل لي للمستشفى وتكون عندها أشكال غريبه تصلح للنفاس والله تعقدت عقب تجربتي مع ريتيلا طلبت فطاير وطلع كله خبز كأنه فسحة طفل بالإبتدائي لا وبعضه طالع له ريحه الله يكرم النعمه تفشلت عند ضيوفي وحلفت ماااا أعيدها معها ،،،
طبعاً أولا يوم أنا ماااالي خلق لأحد لأني عمليه قيصريه وثاني يوم وثالث يوم بتكون الضيافه
*** الشاهي والقهوة أساسي طبعاً بس محتااااره بالعصير أحس مافيه وقت وإلا وش رأيكم ؟؟؟ تراي لحالي ماحولي إلا الله ثم أنتم افزعوا لي وعلموني وشلون ترتيب الضيافه لا تأخرون علي ،،،

انتى مشاءالله عليك مرتبه كلش :)

شوفى انا لو مكانك قدمى مع القهوه شوكلاته ..والمعمول والكوكز
الشوكلاته عندك لاتين حلو والبينا واذا تبين شغل الحريم بفارويس روعه انا ادعى للحل والترحال يوم رشحتها لى وممكن يقعد اكثر من يومين فى المستشفى عن تجربه .
الشاى فطائر من ندى الدريس روعه ومن لافندر المكسرات
والعصير كب كيك انا مجربه بفارويس ومعجبنى ماادرى عن لمى بس كثير يمدحونها .

والله يهون عليك يارب:09:

الله يجزاك الجنة يا أختي ابنة الرياض ،،،
طيب من وين أجيب سكر مواليد لاااا تقولون لي الحمود قسماً بالله حامت كبدي منه أبغى شي غريب وجديد يصلح للأولاد ،،،