وبعد تقدرين تشترين من القطع اللي تنحط ع السرير او السوفات تاخذين لك وحدة فيها خرز وكرستالات وتحطينها بس ديكور ووقت النوم تقدرين تشيلينها.
وبعد سويلك من هالستاير اللي تكون من فوق السرير مثل اللي بالصورة:
ثانياً: بالنسبة للكميدينو حطي عليه ابجورة مثل اللي بالصورة:
وإذا حابة اللي تكون قطعة وحدة مثل هاذي بعد حلويين
وحطي جنب الابجورة شيء بسيط مثل هالشموع اللي بالصورة
وبعد عندك هاذي الحركة بعد حلوة
أو حتى إذا حابة تقدرين تحطين إطار وفيه صورة.
ثالثاً: نروح للتسريحة أو المنظرة لا تخلينها مليانة عطور وأشياء خليها ناعمة وبسيطة انا راح اعطيك مجموعة من الافكار وانتي اختاري اللي يناسبك:
حطي عليها مفرش طويل يتدلى من الجوانب وحطي في وسطه سلة صغيرة ونثري فيها الورد المجفف وإذا توفرت بتلات الورود خلطيها مع الورد المجفف و رشي عليها شوي من عطرك المفضل بتحسين الغرفة بتمتلي بالريحة وعلى جوانب التريحة تقدرين تحطين شمعدانات وفيها شموع مثل اللي بالصورة:
اما الفكرة الثانية تقدرين تحطين صينية مثل اللي ينباعون في لايف ستايل وتحطين فيها قطعة من الدانتيل تكون اطول منها وتلفينها من جوانب الصينية و حطي فيها قطع من الزجاج الملون أو الورد المجفف تفنني على راحتج.
سامحيني إذا كنت طولت في الكلام واتمنى أكون افدتج
