السلام عليكم ورحمة الله وبركاته :(
مالي في المقدمات
تخيلوا بنات انا عندي اختي اللي اصغر مني عمرها 17 سنه , داييييم ساكته معنا وما تتكلم كثير
حتى كلامها وسواليفها تافهه وتهتم بالتفاهات من مسلسلات وغيره
الموهم هي دايييييييم تجلس لحالها بالغرفه واذا دخلت عليها القاها مسندحه على السرير وساكته
اقولها وش تسوين , تقول بنام وهي تصير شبعانه نوم عاد اذا جيت انا الغرفه طلعت هي واذا طلعت انا تدخل وتقفل الباب
عاد انا مليت من سالفة تقفيل الباب اذا طلعت وحسيت ان وراها شئ بس ماتبي تقول !
لان اذا طلعت انا من الغرفه وجيت لقيتها مقفله ابدا اطق الباب اقول افتحي واذا فتحت تصير قامطه ولونها مخطوف تعرفون اللي وراه شئ
ومن حسن حظي ان اختي الكبيره شاكه فيها بعد ومن جلساتها لحالها وان وراها شئ
قمت اليوم قلت لاختي الكبيره ابيك تنادينها غرفتك كنك تبغين منها شئ
وانا بدخل للغرفه واتخبى بالدولاب بشوف وش تسوي هي اذا رجعت
قالت لي تــــــم < حشى عصابه هههههههه
الموهم خن اكمل لكم :(
يوم نادتها اختي وطلعت من الغرفه وعلى طووووووول اطير للدولاب واتخبى
بعدها بشوي رجعت هي للغرفه وقفلت الباب وانا اراقبها وش تسوي
بالبدايه توقعتها بتطلع شئ مخبيته عننا او بتسوي شئ غلط :|
بس لا ماصار هذا كله
تخيلوا تمشي بالغرفه وتتكلم مع نفسها وتسسسسولف وبعدين انسدحت على السرير وبرضوا تتكلم
وتضحك وتتحمس كنها تكلم احد ويرد عليهااا :| وابي اسمع وش تقول ماقدرت ! ,
انا خففففففت مره ومن الروعه قعدت ادور بعيوني بالغرفه لاني حسيت كان فيه احد معها صدق
الموهم بعد ماخلصت متكلمه ومسولفه قامت من السرير وفتحت الباب ونزلت تحت
ومير اططططططططططير لاختي الكبيره واعلمها وانهبلت
قالت لي نوديها دكتور نفسي ؟:( قلت مدري
والله يابنات ماندري وش نسوي مع اختي
ماكان ودي بيوم اشوفها كذا تتكلم مع نفسها تمنيتها تتكلم معنا حنا
غير هذا عندها مشكله ثانيه مص الاصبع ماقدرت تترك هالعاده على انها كبيره
كمان احب اوضح لكم شئ ان ابوي متوفي وهي صغيره , وامي اهتمامها وحبها ماتطلعه بالمشاعر
يعني تقدرون تقولون انها فاقده حنان : تتوقعون هالشئ له دخل
علموني وش نسوي واللي تعرف شئ عن هالحاله برضوا تقول
بلييييييييز انتظر ردودكم
الموضوع مغلق