دوائر الخبز الصغير من صنع ايديك ولااقدعهااااا مخبز ينافسك فيها

أختي نسيت أسألكِ عن مقدار الماء

هل إذا باسوي خبز الماء يكون اكثر يعني العجينة تكون طرية اكثر من عجينة البيتز والفطاير او نفس الشيء العجينة استخدمها لكل شيء في نفس الوقت؟؟؟


واسمحي لي أختي

أختي أنتظر ردكِ على أسألتي لو سمحتي :39:

مقادير العجينه :

كيس طحين ابيض - 2 بيض - نص كوب زيت او اصبع زبده - كوب حليب بودره- كوب سكر - 2 ملعقه طعام خميرة فوريه - ماء للعجن

الطريقه :
- في كوب تحطين الخميرة وملعقتين سكر في ربع كوب ماءء دافي وتتركينهم عشر دقايق لين يتضاعف حجم الخميرة .

تقصدي أختي أضع الخميرة والسكر مو كله فقط ملعقتين صح؟؟ أضعهم في ربع ماء دافي

ايه صح :26: ..جربي تحطين نص كوب سكر اخاف ماا تحبين الطعم يكون حالي شوي .. ولا راح يتاثر المقدار :D

- تلفين العجينه بقصدير وتحطينه بكيس نايلون وحطيها في فرن دافي عشان تختمر زين
طيب أختي إذا لفينا العجينه بالقصدير و بكيس النايلون ماراح يضاعف حجمها صح؟؟ لأن هي مضغوط عليها
أور راح يضاعف حجمها ؟؟ ويش قولك أختي


اتركيها على الاقل ساعتين ... او اعجنيها بالليل وحطيها بالثلاجه وبالنهار طلعيها من الثلاجه واتركيهااا تختمر لمده ساعتين ..

هل أتركها ملفوفه لمدة ساعتين؟؟؟ وإذا كنت عاملتنها من الليل ألفها بالقصدير والنايلون ثم أضعها في الثلاجة وفي الصباح اطلعها وتركها مثل هيك أو أغير القصدير والنايلون؟؟؟

اقصد الاناء الي فيه العجينه تلفينه بالقصدير مو العجينه نفسها :D ما ادري اشلون فاتت علي هذي هههههههه وعقب تدخلين الاناء كله بالكيس النايلون عشان يتخمر ويتضاعف عدل .. طلي عليه بعد ساعه وشوفي العجينه اذا تضاعفت ارجعي اعجنيها مرة ثانيه وارجعي غطيها زين لين تكتمل تخمير .. طبعا اذا كنتي ناويه تستخدمينها بنفس اليوم اما اذا نويتي انك تستخدمينها لليوم الثاني اعجنيها وغطي الاناء بالقصدير ودخليه بكيس نايلوون وحطيه بالثلاجه .. ولا تحاتين لانه راح يتضاعف على مهله ..


نجي لطريقه عمل الخبز :

ملاحظه :
ضيفي مقدار قليل من خضرة الشبنت او الشبك الي العجينه قبل ماتقسمينها لكور ... والله طعمهاااااا بيكووون عجيييب ورهيييييييب يعني تقريبا 3 ملاعق مليانه من الشبت المفروم
هل تقصدي بشيث الطازج ؟ أو أقدر أستخدم الى في علب البهار

الشبت أو الشبنت أو السلك .. خضرا طازجه وهي الأفضل .. ما ادري ان كانت كلمه " بشيث " هي كذا او خطأ املائي ..


والله بتدعين لي ...

الله يوفقكِ يارب اني تشجعت اعملها

هذه الأيام صايرة هوايتي أن اضبط الخبز زين بين فترة واخرى اجرب ولحد الآن ماضبط معاي إنشاء تضيط هاي معاي

ان شاء الله تجربينها وتضبط معاااااك يارب ..
عموما هي عجينه شامله .. بتاعت كولووووووه ... بس انتبهي الطحين المستخدم هو الطحين الأبيض الفاخر .. نمبر ون .. الي يستخدم في الكيك .. أو الطحين الكويتي الابيض لو كان متوفر عندك :26: ..

سوي كور صغيرة كنك بتسوين خليه نحل او اصغر منها بشوي
على سطح نظيف ومرشوش بالطحين افردي هذه الدوائر بحيث تحصلين على شكل دائري صغير قطره تقريبا عشره سم او الحجم الي تحبينه ... والسمك يكون خفيف مورقيق عشان تنتفخ وانتي تخبزينهاا .

اختي اذا العجينة ماتتلزق معاي ضروري اضيف الطحين اثناء التحوير؟؟
لا مو ضروري بس لاتحطين زيت هذا المهم .. اذا لقيتيها تتلزق حطي طحين مو زييت ..

مشكورة أختي واسمحي لي على الأسئلة إذا فيهم إزعاج أو تعب لكِ عزيزتي
وبالعااافيه ولاتنسوني من دعاااائكم
لا والله حبيبتي لا ازعاج ولاشي ماكتبت الموضوع الا عشان افيدكم .. انتي الي سامحيني ان تاخرت بالرد على اسالتك :26: منك السموحه ياقلبي



وبخصوص الماء الي سالتي عنه ..
لا مايكون زايد .. كنه عجينه الفطائر العاديه
غالبا كوب ونص الى كوبين .. ما تحطينهم دفعه وحده انتبهي
بالاول حطي كوب ماء كامل وعقب زيدي شوي شوي الين تشوفين العجينه صارت تماام .. ماتلزق باليد ..

والله سويتها وطلعت جنان خيال زوجي اعجبته مره تسلم ايدينك فديتك على هل العجينه العجيبه

ألف شكر أختي ألان وضحت عندي

وراح أجربها اليوم إنشاء الله