شاركي في النقاش

سجلي الدخول لإضافة تعليق.

التعليقات

167

  1. @mtkhlh_bdm_khaynha_1 كبيرة محررات

    #35137499
    جروحه يالغلا

    بنات الملف الحلوات

    ابشركم يابنات ان اختنا غرشوبة ابوظبي ولدت وجابت بنوته وقامت بالسلامه عسى الله يتم عليها فرحتها والصحه والعافيه

    وجعلها الله من الذريه الصالحه

  2. @mtkhlh_bdm_khaynha_1 كبيرة محررات

    #35138007
    الأمورالحلوه
    السلام عليكم اخواتي ابغى ارائكم وتجاربكم كي تستمر حياتي في روتين يويم غير ممل انا احس حياتي ملخبطة لا تمشي على نظام معين واحد بعطيكم مختصر مفيد عن نقاط من حياتي كي تعطووني افكاركم واقتراحاتكم 1-انا متزوجة ولدي بنت عمرها سنين واحده فقط وزو…
    حبيبتي ياهلا ومرحبا فيج بيننا ون شاء الله تلقين اللي يريحك ويسرك وتستفيدين منه

    اولا وهو المهم عدلي نومك لو تنامين تقريبا 11 او 12 حلو وتقعدين على ال10 او 11 ابتدي بتنظيف الحمامات اعزج الله وخلي التنظيف يومي عن البكتيريا والمكروبات انتي عندك طفله

    خلي الغسيل بيوم والكوي باليوم اللي بعده بحيث يكون عند بالاسبوع يومين غسيل ويومين كوي بينشغل وقتك اكثر

    حاولي تسوين يوميا المغرب او العصاري حلى وقهوه تسلين وتضيعين وقت

    بنوتك خلي لها وقت تلعبين معها وتونسينها مو يكفي هي بروحها او خلي الالعاب قدام عينك مع بنتك

    حاولي تغيرين بطريقة الغدا كل يوم اكله تكون ماتاخذ منك حوسه واجد وتنشغلين بطريقة التقديم بشكل حلو صدقيني بيتغير الروتين عندك

    اذا قعدتي الصباح نظفي الصاله الغرف المطبخ كل هذا بيشغل وقتك

    حاولي تغيرين نظام الصاله الكنب او الجلسه غيرها بالاماكن وقلبي فيها ادري هي نفسها بس النظر يرتاح ويتغير عليه شي

    سوي لك كل يوم نص ساعه رياضه وافضل انها تكون الصباح اول ماتصحي عشان بعدين ماتعاجزين

    سوي لنفسك نظام للبشره ولجسمك تدهنين بالكريمات تاخذين لك حمام عميق تفرك وتنظف

    اليوم اللي تروحين فيه زياره قبلها بيوم نظفي واشتغلي في بيتك عشان يوم الزياره ماعندك حاجه

    بتابع انتظريني

  3. @mtkhlh_bdm_khaynha_1 كبيرة محررات

    #35138657
    الأمورالحلوه
    السلام عليكم اخواتي ابغى ارائكم وتجاربكم كي تستمر حياتي في روتين يويم غير ممل انا احس حياتي ملخبطة لا تمشي على نظام معين واحد بعطيكم مختصر مفيد عن نقاط من حياتي كي تعطووني افكاركم واقتراحاتكم 1-انا متزوجة ولدي بنت عمرها سنين واحده فقط وزو…
    الحين بسوي لك الجدول وقوليلي اذا عجبك او حابه تغيرين او تضيفين شي يمكن انا غفلت عنه او انتي ماذكرتيه

    نبدا من يوم السبت

    تصحين الصباح على 10 وانسي التلفون تمرني شوي نص ساعه بعدها افطري بعدها ادخلي المطبخ وجهزي للغدا ورتبي لين يجي ابو الشباب تتغدون وبعدها تغسلين مواعينك وتنظفين المطبخ وتغسلين الحمامات اعزك الله بيكون صار الوقت العصاري ارتاحي ساعه بعدها حضري حلا او شي جاهز مع مكسرات او بسكويت وقهوتك وتسلي انتي وابو الشباب لين وبعد المغرب العبي مع بنتك لو نص ساعه تسلي بالتلفزيون او النت بعدها جهزي العشاء ونظفي مواعينك بيكون خلص اليوم

    الاحد

    نفس برنامج الصباح لين بعد الغدا طبعا مايحتاج اقولج تروشين بنتك وتغيرين لها
    بعد الغدا ابتدي بغسيل الملابس وجهزي سفره العصاري مع القهوه او الشاي او العصير اللي تبين
    اقعدي شوي على التلفون بس لاياخذ وقتك صدقيني زوجك بيتوتي لاتخلينه يشوفك 24 ساعه تتكلمين ولاهيه عنه
    جهزي العشاء ولعب مع بنتك خصصي لها يوميا من نص ساعه لساعه وهو بيكون خلص اليوم

    الاثنين

    نفس برنامج الصباح لي بعد الغدا البسوا وتوكلوا على الله لاهلك هذا يوم وخلص

    الثلاثاء

    نفس برنامج الصباح لين بعد المغرب ابتدي بكوي الملابس وتكنيس الغرف وتنظيف الحمامات والمطبخ صدقيني بيكون مهدود حيلك وبتنامين على طول

    الاربعاء
    روحي زوري اهله

    الخميس نفس يوم الاثنين وزيارة اهلك

    الجمعه
    نفس برنامج الصباح لي بعد الظهر غسلي الملابس والعبي ويا بنتك مع تنظيف الحمامات وتاخذين لك دش عمييييييييييييييق مع الكريمات وحمام مغربي وهالسوالف وتغيرين كفر السرير انا انصح فيه تغير كل اسبوع صدقيني بترتاح النفسيه

    واذا اي شي مو عاجبك او بتضيفين او تغيرين بلغيني نعدله مع بعض

    ارسليلي على الخاص متى تواجدين عشان نتناقش

    اتمنى اني افدتك

  5. @mtkhlh_bdm_khaynha_1 كبيرة محررات

    #35138800
    ياليييييل ماطولك!!
    مبرووك فتح هالملف الله يجعل بيوتنا عامره بذكر ان شاء الله انا ابي الله يرزقني بالذريه الصالحه ان شاء الله
    الله يبارك فيج يالغلا

    وحياج الله

    ويجعل بيوتنا عامره بذكره يارب

    ويرزقك بالذريه الصالحه انتي وانا وكل محرومه

تابعي تجارب أخرى من هذا القسم.