شاركي في النقاش

سجلي الدخول لإضافة تعليق.

التعليقات

99

  1. @srab_alshary

    حبيبتي اول شي عززي ثقتك بنفسك ..

    وكل ماتشوفي نفسك بالمرايه قولي ياحبي لهـ العيون .. ياحلو الزول .. يالبى قلبك ..

    عن جد هذي الكلمات تعطيك دفعة ثقه بنفسك .. ولما تثقي بنفسك وتشوفي انك حلوه .. كل احد بيشوفك نفس ماتشوفي نفسك ..

    لاتقولين انا مو حلوه .. خبيرة التجميل وش تقول عن النساء ..

    تقول مافي مرأه قبيحه .. كل إمرأه فيها مواضع جمال .. ولازم تبرزها ..

    ولاتنسي اول مواضع الجمال .. انك تحسسي اللي حولك انك انثى .. بالرقه والدلع

    مادري وش اقولك .. بس بجد انا كنت مثلك في يوم من الأيام .. وبعدها تغيرت جذرياً .. كل ماألاحظ حاجه حلوه في نفسي .. ألقى اللي حولي يلاحظها ..

    والحين الحمدلله صرت اجمل النساء في عيون زوجي حبيبي ..

    لاتحطمين نفسك . .خليك قويه واللي يقولك وش فيك صايره مسمره ولا شينانه .. قولي الظاهر ماغسلت عيونك عدل !!

    تشاوووووووو

  2. @laaaalm

    ياحبيبتي
    خوذي مني نصيحه كلنا يالحريم نعشق شي اسمه جماااااااال حتى الجميلات فينا تدور على العيوب الي فيها وتركز عليها وتنسى وتتجاهل الاشياء الحلوة الي عطاها رب العالمين
    اذا الله مااعطانا جمال وجتنا لحظات الضعف وبدى ابليس يلعب في مخنا ويقول انت اقبح وحده ويخلينا نتسخط على خلق رب العالمين
    مفروض مانعطيه فرصه وعلى طول برمجي مخك يتذكر ناس كثير محرومه من نعم انا عندي منها كثير وغيري يتمناها
    وحده تتمنى تسمع جالسه بين الناس هم سواليف وضحك وهي ودها تسمع وتنبسط بس محرومه من نعمة السمع
    ووحده ماتقدر تمشي الا بمساعدة وتترنح يمين وشمال وفيها تشوهات في ووجهها ونظرها ومعها صعوبه في النطق والي يشوفها يقول البنت فيه تخلف وهي عقلها طبيعي ميه الميه اللهم لك الحمد اذا الله مااعطاك الجمال والله اعطاك كثير من النعم ناس يتمنون نصها
    دايما انظري لمن هو دونك والله تشوفين نفسك احسن الناس
    وخليك روحك جميله ومعنوياتك مرتفعه وادعي ربك بزوج صالح وان الله يسخره لك اذا كنت ماتزوجت وان كنت متزوجه ادعي ربك يسخره ويجملك في عينه والله قريب يستجيب واستغفري كثير وتعوذي من الشيطان

  3. @gno_2

    عجبآ لأمرك
    وشلون تضيق عليك وعندك لاإله إلا الله
    غاليتي من قال لك ان صفاء الوجه والطلعه البهيه ماتكون الا ببرامج وخلطات
    كلا والله هناك شي بسيط تفعلينه واضمن لك ينور وجهك ويغيرك ميه بالميه وزياده بعد يكسبك اجر الا وهو قيام الليل
    جربي اسبوع ولاحظي الفرق والله انه يعدل جميع البرامج اللي تسويها
    وسئل الإمام احمد بن حنبل مابال المتهجدين ابهى الناس وجوهآ فقال لأن الله يفيض عليهم من نور وجهه
    وشي ثاني حبيبتي ماهو جدولك بالأكل تلقينك مهمله صحتك وهذا سبب ثاني لشحوبك احرصي على الفواكه والخضروات
    والله يوفقك

  4. @amp_nd_alfl_amp

    هيـــــه المحبة للوفاء << نكك حلو بس وين المحبة و ووين الوفاء في هالزمن ؟؟

    إش هالكلام

    إذا هذا رايك في نفسك وش بيكون راي الناس فيك لازم تعرفين إن رايك في نفسك هو راي الناس ونظرتهم لك

    أوكي أنا أعرف وحدة موب حلوة و كانت يائسة من نفسها و من شكلها وماتحب الخلطات ولا تهتم بنفسها ولاشيء على قولها ليش مهما سويت بضل مثل ما أنا ما حيتغير فيني شيء ما رح أصير حلوة فقدت حتى ثقتها في نفسها و صارت حتى بلا نعومه صارت بويه تخيلي ع قولها أنا بنت و لا بوية محدن مطالع في وجهي

    و مع الأيام بدأت تتغير ماعادت ذيك البنت اليائسة من نفسها ومن مجتمعها و كل السبب من المرشدة الإجتماعيه عندهم السالفة إنها راحت لها و قالت لها عن نفسها و عن إنها تكره شكلها الموهم نصحتها الأخصائية و قالت إنتي حلوة لو بغيتي و شينه لو بغيتي كل شيء بيدك وبيدك حل مشكلتك وتكونين جميلة حتى لو ماكان فيك جمال عززي هالشيء في نفسك

    شوفي نفسك حلوة الناس بتشوفك كذا كمانه

    الموهم البنت صارت كل ما ناضرت نفسها تقول أنا حلوة في غرفتها ورق كاتبه عليهم أنا حلوة و صارت مومنه بإن الجمال مو جمال الملامح الحلا حلا الروح و بدات تهتم بنفسها

    حتى حنا إللي حولها صرنا نشوفها حلوة مع إنها أقل من عادية

    و هالحين إنخطبت ما شاء الله

    خلي ثقتكي في نفسك قوية و بلاش الكلام هذا

    و الله يوفقك

  5. @asom2007

    حبيبتي يمكن انتي تغيرتي كثير للاحسن
    وهي لاحظت هالشي وانقهرت منك
    وتعرفين الحريم لاغاروا وش يعملون

تابعي تجارب أخرى من هذا القسم.