تعرفين وحده ميئوس من زواجها وتزوجت ...

انا اعرف وحده ابوها الله يرحمه كان عاضل بناته الثنتين لين وصلت اعمارهم وحد في الاربعين والثانيه في الخمسين وبعد وفاة ابوهم تزوجوا الثنتين الي في الخمسين خذت عمي صح ما عندها عيال بس والله مستانسه وعمي تاجر كبير وحط لها بيت لحلها وهي اخلاق عاليه ماشاء الله وعيال عمي يحبونها مثل امهم ولا يردون لها طلب وعمي شرا لها بيت وكتبه باسمها عشان ما عندها عيال ةالله انها تستاهل كلنا نحبها وهي دايم تقول ان الله عوضها بعيال زوجها الي هم عيال عمي من زوجته الاول

بنات اكثروا من الاستغفار اختي كانت متزوجه 5 سنوات لكن ما حملت وبعدين دومات على الاستغفار وبعد شهرين حملت بدون علاج

فيه وحده تزوجوا كل خواتها حتى اللى اصغر منها وهي ماجاها نصيبها

كل ما انخطبت تتفركش الخطبه لاسباب كثيره وكانت دايما نفسيتها تعبانه

سبحان الله بعد فتره تزوجت وصار زوجها احسن من ازواج خواتها كلهم وسيم ,وحالته الماديه كويسه,ومسكنهآ بفله وسفرآت ودلع

صبرت ونآآآآآآآآلت ..الله يرزق كل البنات ويستر عليهم

بس عليكم بالدعاء يا بنات واهم شي لا تحطون ايديكم على خدكم وتنتظرون الخطيب يجي

كذا مارح تتركك الافكار والهواجيس

اطلعوا وكملوا دراستكم او دوروا لكم على وظيفه واشغلوا انفسكم او سووا اى شي تحبونه من هوايات

وما تدرين الا والنصيب يدق الباب

أنا اذكر مدرسة عندنا زميلة لخالتي المدرسة..يوم كنت ادرس بالثنوي كانت تقولي خالتي انها ما شاء الله عليها
رفضت تتزوج عشان تجلس مع امها تقول ما ابي امي تحتاج لأحد..وكانت امها كبيرة بالسن
والمدرسة عمرها 43 على ما اعتقد او اكثر شوي..
وبعد سنة تقريبا انتشر خبر وفات امها وانقطعت فترة ..ورجعت الترم الثاني..
وما جت السنة الجديدة الا وهي متزوجة ما شاء الله.. يمكن يوم تتزوج عمرها 45

*****

وثانية من معارفنا..البنت جدا خلوقة..ومملوحة..وفيها التزام..
لكن فيها برص..

فكانت تجيها فرص زواج بس قليلة...رغم انه ما يعيبها شيء..
واغلب اللي يتقدمون لها موب مناسبين..وهي كانت ترفض الزواج الا باللي تقتنع فيه
لكن نهاية الوقت يعني بعد ما تعدت 34 قل الخطاب..او انقطعوا..
وتزوجت العام..وعمرها الحين 40 او39..
وزوجها قريب من عمرها يمكن 44 لكن عنده 8 اطفال وامهم متوفية ومن ضمنهم رضيع

اعرف معلمه كانت تدرسني بالمتوسط اتزوجت بعمر45ومبسوطه بحياتها وفي العيد حضرت زواج وحده كان ميؤس منها انها تتزوج

عمرها43 تزوجت بواحد ماقدسبقله بالزواج وانسان محترم جدا لا تياسون ادعو دائما بالزوج الصالح التقي لان بعض الزيجات الوحده

ودها انها ماتت ولاعاشت عيشه هم وذل مع زوجها